LESHELE 105:8 - Sumi Naga CL (Re-edited) Bible (BSI)

⁸ Pa ye alholo Paw puloshoqhi, Pa no azah tsükeu tsa tiqheli qhethonhe kutolo kümsülu cheni,

BAIBEL (BSI)

⁸ Paye pawu puloshoqhi alhokuthu penani eno pano tushoqhive keuye tiqheli qhethonhe kutolo ananike.

LESHELE 105:8 ပူးပေါင်းရင်းမြစ်များ

BOTHUBO 17:7

I no o Lhou eno o thiu tikughukomi Lhou shinike Iw puloshoqhi Nikujo dolo shi nani eno o thiu tiqheli kupuju lo shekhaha puloshoqhi shi nani.

BOTHUBO 26:3

Hipa yeghi lo ado hami ngolo, eno I no o gholo anani eno o kümghatsü nani, kughengu o lau eno o tikughukomi lau I no ayeghi hi kümtsü tsü nani, eno o pu Abraham lau ashoqhi khikhi I no tushoqhi keno tipau shikupu tsü nani.

YEKIKITHI ATUGHIU 16:15

Tiqheli qhethonhe ghenguno Pa no azah tsükeu, puloshoqhi alholo kümsülu lo,

NEHEMIA 1:5

Eno I no pi, “O Ampeu, kungugha Lhou, No ye akighiche eno akughushu Lhou, khunono O zakütsü pecheni keno Nono Ow puloshoqhi eno iqemokeu kikimiye piye cheni.

LESHELE 105:42

Kughengu Pa no Abraham, Pa qeu, eno Pa kimthe shoqhi kümsülu ke.

LESHELE 106:45

Panoqo ghenguno Pa no Paw puloshoqhi kümsüchilelu, eno Paw iqemokeu kikimiye kupukuno akeu vecheo Pa no aghime tsüni keu lono süchileve.

LESHELE 111:5

Khunono Pa gihu cheni keno Pa no achuqupu tsü cheni; Pa no Paw puloshoqhi alholo kümsülu cheni.

LESHELE 111:9

Pa no Paw timiqo lau qhüchilekulu tsüke; Paw puloshoqhi ye alholo ache penike Pa no azah tsüe. Pa je ye akimthe eno akümzapu ke!

IPEKULU 2:24

Alhou no panoqo mloghuju chilu, eno Alhou no Abraham, Isaac, eno Jacob sasü puloshoqhi shikeu kümsüchilelu.

JEREMIYA 11:5

tishikeu lono ishi nongu no akichhizü ngo akhingozü qowu akeu yeghi lo xüakeu ye, I no nongu puasüqo lau tushoqhi keu shoqhi shikupu tsüniye ke.” Tile I no khochile, “Ampeu, tishilo.”

DANIEL 9:4

I no Ampeu I Lhou lau inikhu eno axine piphe no pi, “O Ampeu, akughushu eno agigihupu Lhou, khunono Pa kimiye eno Pa yezah pape cheni keno tipaqo lau Paw puloshoqhi ngo iqemokeu kikimiye chekeu,

MICAH 7:20

Nono khaghi no ni puasü lau piqhike toi No ye Jacob lau pükhükulupu eno Abraham lau iqemokeu kikimiye piye nani.

ZAKINIU 7:12

“Nongu no pimheye hipaqo tsaqüi ini no pelu aye, Ampeu nongu Lhou no nongu lau Paw puloshoqhi ngo iqemokeu kikimiye no puasüqo lau tushoqhi püakeu peche nani.

ZAKINIU 7:8

Ikemu Ampeu no nongu kimiye eno no puasüqo lau tushoqhi keu shikupu niye akumto kije lono eno Egypt kükau Pharaoh qüaxe lono nongu xachile luke.

ZAKINIU 7:9

Tighenguno Ampeu nongu Lhou ye Alhou kepi ithilo, khunono Pa kimiye eno Pa zakütsü peluni keno, tiqheli qhethonhe kutolo Paw puloshoqhi eno iqemokeu kikimiye piye chekeu pükhübekulu Lhou ke,

JOSHUA 21:43

Ikehu Ampeu no pano puasü zülo piqhi püake toi, ayeghi kümtsü pe Israelmi tsüve. Eno panongu no tipaqo pükhalu no tilau küghüna auve.