LESHELE 10:9 - Sumi Naga CL (Re-edited) Bible (BSI)

⁹ abongshuu toi pa no asüminipho lo itshüpe ghüthe cheni; kumlhomi tsüqü luveni ye pa no itshüpe ngo cheni; pa no kumlhomi tsüqüpe pa khame lono sünhesü luve cheni.

BAIBEL (BSI)

⁹ Paye abongushu toi pa kughutshu alo acheni, paye kumlhomi kughaluniye khe acheni, panoqo ye pa lichhe lono meluve eno sunhe sawuve cheni.

LESHELE 10:9 ပူးပေါင်းရင်းမြစ်များ

LESHELE 109:31

Kughengu Pa no akukuphu avehupu shi akemi u ajeu puthugho cheni, ti ye pithive peniye küghathave kemi Pa no xalu niye ke.

LESHELE 12:5

“Kumlhomi pükaqhi, aveküsami no aghuju shi kehu, Ni ye itehi ithughi niae,” ipi Ampeu no pi; “Pa no khile sükusho laju cheni keno I no tile pa sawo qhini.”

LESHELE 140:5

Qheza-laki chekemi no I ghenguno alichhe shipüani; panongu no ayitho lichhe shipüani; panongu no I ghenguno ala lo alichhe shipe qhipüani.

LESHELE 17:12

Pa ye abongshuu lhothe no ala thepe aketoi, abongshuu no tsüqhi niye khelho aketoi ani.

LESHELE 35:10

I ghi kümtsü no pi nani, “O Ampeu, O toi khuu no kumlhomi eno aveküsami pükaqhi chekemi, pano nguno akumtomi launo panoqo xaphe cheni kea?”

LESHELE 37:14

Kixikilami no kumlhomi ngo aqüaghami pithive niye eno achipiu shiche kemi ghiqhive niye azütakikihi süjo eno asüzü piqe cheni,

LESHELE 59:3

Kughengu julo, panongu ye I küxü miqe ani; mkamihi kemi no I shou aküküpna xukutho ani. O Ampeu, I kipimi momu axine kiumu küha keghi,

AHOLE 14:31

Kumlhomi nedaqoda kemi ye pa Lhoküsüu thogha ani, ikemu aveküsami tsü-jelu keu ye Ampeu gihu ani.

AHOLE 22:16

Küakini kughuko niye kumlhomi nedaqoda, momu tughotili pesü kinimi tsü chekemi ye kumlhomiu shi nani.

AHOLE 28:15

Abongshuu yiküsa no igha momu ava no hache ketoi kixikila yepemi no kumlhomi shou qhasüpe cheni.

ISAIAH 3:15

Kiu kiqi lono nongu ye Iw timi chunuqhi, kumlhomi gi nedape chisheqhi ani kea?” ipi aqokitikhi MPEU no sheshu ani.

ISAIAH 32:7

Amqükiniu ghengu ye, pa mqü ye alhoksae; pa ye kumlhomi no achipiu shi apülaghi akimki tsa pesü pa ghesüqhi niye kixikila mqü kuchughu cheni.

JEREMIYA 5:26

Kixikilami timiqo Iw timi gholono phulue; aghau lichhe shiche kemi toi, timi meluni ke ihozüpe ngokhe. Panongu no timi menike aküsü piqepe qhie.

AKUMLO 3:10

Pa ye I ngokhe akeu ava lakhi, abongshuu itshü akeu lakhie;

EZEKEL 22:29

Ayeghi hipau lo timiqo no kichiqhi süxachu eno pükake. Panongu no kumlhomi eno akukuphu avehupu shi akemi qodaqhi, eno achipiu shitsü mono kupokichemi kichi kümsa eno süxachu ke.

AMUS 3:4

Abongshuu ye tsüqhi kepu lhoxü küha kelo aghasü lo ighani keshea? Abongshuu lhothe ye kiumu tsüqhilu moaye pa ki lono ighani keshea?

MICAH 7:2

Alhou pape chekemi ye ayeghi lono kühavae, eno timi gholo akümzümi ye khumu kühavae; panongu kümtsü no aji peleni ye ngokhe ani eno akhame pesü lakhino lakhi hakuqo ani.

HABAKUK 1:15

Aghümi huno akha kümsüpuyi ngo akhame pesü panongu kümtsü sünhephe; panoqo hakütsüpe ghokütsü keu-a lo süve; eno pa ye alovi eno amloqi ani.

HABAKUK 3:14

Tuqhouno kumlhomi pishiqhini ye alovi ake toi, khuu no I haleveni ye miyitsü toi ighi keno, Nono pa piji pesü paw ghüshimiqo kütsü lo chhesüve tsüe.

ZEKHARIA 11:3

Ambekhemi no mloqa igha ani, kughengu pano jekipi ye kütsavae! Abongshuuqo no ighamku ani, kughengu Jordan lo aghasü ye kütsavae!

John 10:12

Aqekiqemi ye akheu kumo eno ambe kipighiu kumo kehu, kughou tüngtügha cheghi keu ithuluni keno pa ye ambeqo qhive no pove cheni, eno tüngtügha no ambeqo tsüqü luve no hapiyepighive cheni.

Apostolmi 23:21

Ikemu panongu pelo o züluvepe kevilo, kughengu timi lhobidi shou no Paul pithive moke kutolo chushomo nikeu ashoqhi shive no itshüpe pa khe ani. Itehi panongu ye kutope ow puloza khe ani.”