LESHELE 1:3 - Sumi Naga CL (Re-edited) Bible (BSI)

³ Pa ye aghoki mkülo asübo akeu toi atusho achipi lono axathi pithi cheni, tipau nipa ye ighüive chemoe. Pa no mlakeu kümtsü lo ghenighilai cheni.

BAIBEL (BSI)

³ Paye aghoki phivilo asubo thuwu aketoi, tiye ado achipi lono athi pithi cheni eno tipau nipaqoye ighuive chemoe. Pano shikeu thwokha kumtsulo ghenighilai acheni.

LESHELE 1:3 ပူးပေါင်းရင်းမြစ်များ

BOTHUBO 39:23

Joseph no ghatou shikeu vehu lo akughu kheu ye kiumu alomsü moe, kughengu Ampeu no pa gholo ake. Eno pa no kiu shi keno kümtsü lo Ampeu no tokulu shilupe ke.

BOTHUBO 39:3

Ampeu no pa gholo akeu eno pa u no mlakeu kümtsü lo tokulu shikeu pa mpeu no ithive.

KUKAMI AKINIU 18:7

Tighenguno Ampeu no pa gholo ae eno pa no kiu shikeno ti kümtsü lo tokulu shilue. Pa no Assyriami kükau sasü kumgho eno pa huthumoe.

YEKIKITHI ATUGHIU 22:11

“Ikehu I nu, Ampeu no o gholo apeni, tishianguno Pa no o ghenguno piqhi püake toi o pelo Ampeu o Lhou ghenguno aki shiqhilu penie.

YEKIKITHI ATUGHIU 22:13

Tsala Ampeu no Moses vecheo Israelmi tsükeu khuaye eno pimheyeqo nono tsaqütsalei pelu aye, no ye ikoishelu nani. Akumto shino amlo kuloghi shilo. Msa kevi; alomtshüve kevilo.

YEKIKITHI AKINIU 31:21

Eno Alhou ki ghenguno pa no ayezah lo akeu kiqi lono, pa Lhou phuno akümla shikeu kümtsü, pa mlo kuchopu pesü shino ikoishe lue.

YEKIKITHI AKINIU 32:23

Timi kutomo no Jerusalem lo Ampeu lau agho peighi tsü, eno akughupu thimeqo pesü Judah kükau Hezekiah tsüno tinguno tilau ye shiye kümtsü no pa süqhe.

JOB 14:9

azü dilu kemtsa tino mini ipeghi eno abo lhothe toi aloka ishe ipeghive cheni.

JOB 22:28

Nono xatha keu kümtsü o ghenguno shikuputsü nani, o la lo aküvü no yepüvütsü nani.

LESHELE 128:2

No ye o likhi o u no mlaqhikulu xathi chulu nani; no ye alokivi shi nani eno o ghenguno akivipu shi nani.

LESHELE 129:8

tipau veche wuche kemi ye, “Ampeuw kükümgha o shou apelo! Ampeu je lono nino o kümghatsü ani!” ipi chemoe.

LESHELE 92:14

Panongu ye kitemi shiveke thiu ghi athi pithi cheni panongu ye pülhapuju xüthilei eno mtotoi ke.

LESHELE 92:15

Ampeu ye achipiu kepi asheshu; Pa ye I tuqu, eno Pa lolo ye achipikumo ye kühae.

ISAIAH 27:11

Alokaqo no thive no icheve kelo totimiqo no ti ghepe ami shiani. Timi hipaqo ye kimchikulupu küha kehu panongu lhokeu ye panoqo kimiyeqhiyi monani; Pa ye panoqo saphuni chemoe.

ISAIAH 3:10

Amikuchomi vilo pano sala akivi anie pilo, kughengu pano ye pano kümla xochu nani.

ISAIAH 44:4

Panongu no atsüni dolono ishe ipeghi nani aghoki zü qowu akeu phelo mulosübo aketoi nani.

ISAIAH 58:11

Eno Ampeu no tamono nongu mijetsü nani, eno küsakusho lo ghi nongu pulou shitsü nani, nongu saghi shikumtotsü nani; eno nongu ye azü no pütsüve keu ghutu toi nani, eno azü hauvemo keu ghoki toi nani.

JEREMIYA 17:8

Pa ye azü phivilo asübo shosü püakeu toi, ti ye aghoki lo azü no akuhu pütsütsü cheni, akülü tsala ighimu msamoe, pa nipa ye xüthilei acheni, ti ye züha mpe lomu mlomoe, ti ye axathi pithi tave chemoe.

EZEKEL 17:8

Tipau ye azü kupukuno-a phivilo ayeghi kivi lo shosüpe ae, tishikeu lono tino alokaqo qhawo no axathi pithilu no akighiche tsaibo shiniye ke.

EZEKEL 19:10

O za ye atsailu lo azü phivilo atsaibo toie, azü kupukuno shi akeu lono axathi kutomo pithi eno alokaqo no chhitoi ke.

EZEKEL 31:5

Ikehu ti ye aluza lo asübo kümtsü nguno qhemghaive; tipau khuni lo azü no kupukuno kehu alokaqo ye kije kushuo shi thuikuve.

EZEKEL 47:12

Aghoki xüsa hikukuu eno hukukuu achuqupu shi penike asübo jeli thuipeghi nani. Tipaqo nipa ye ighüivemo momu athi pithi-ixivemo nani, ikemu aqhi atsütsü axathi anileshi pithi nani, kughengu tipaqo ghenguno akimtheki lono azü qoighi nani. Tipaqo xathi no achuqupu shi nani, eno anipaqo no shikipivi ghenguno peitha nani.”

AKIKIHI 24:6

Amsabo no kujope aketoi, aghoki phivilo aghutu toi, Ampeu no aloebo shosü ketoi, momu azü phivilo cedarbo toi.

MATTHEW 13:6

ikemu kughou khetsünhe ipeghi keno, tipaqo ye püghaqhive. Eno akuhu qüsümo keke tipaqo ye thizümüi hailove.

MATTHEW 21:19

Alaghi phivilo mububo ithulu kehu pa no wu kemu tile anipa likhi thono kiumu küha. Ikehu pa no asübo vilo pi, “No ye khilemu athi pithi pemoniu!” Paikhavi mububo no thizümüive.

MATTHEW 21:34

Atsaithi xoluke tusho touve kelo pa no mishikulumi launo pa saje süghi penike pa qemi puwu.

MATTHEW 21:41

Panongu no pa khochile, “Pa no akithi kijiküsa pesü küsaküghami tipaqo tsü nani, eno atsailu pesü mishikulumi khunono axathi xoluke tusho lo asaje achipishi pa tsü nani keno tipaqo pichive nani.”

John 15:6

Khunono I lau kimepe moni keno aloka lakhi toi ikhipe peve cheni eno thizümüive cheni; aloka tipaqo ye xukumqope ami lo vesü no pitive cheni.

ZAKINIU 28:8

Ampeu no nongu biale kümghatsü eno no kümla küghütha kümtsü kümghatsü nani. Pa no nongu tsü akeu yeghi lo nongu kümghatsü nani.

Jude 1:12

Hipaqo no ighümo no nongu gholo kuposhu kelo nonguw kikimiye ghulhu tichetighepu shivetsü ani, ambekhemi no panongu ampi loji aketoi; tsütsüghu küha keu khüngküsü amülhü no fupe chekeshi; tixi lo axathi pithimo keu sübo, akuhu lono nhüve no thi kitheve ketoi;

Piyeküsü 22:2

ti ye aphughi lo alaghila mta züsü qowu, eno aghoki ajeu piyiu ghi aküxüpu sübo aghi, tipau lo axathi jeli chighikini pithi eno aqhi atsütsü xolu cheghi. Asübo nipaqo ye shiye shikipivi ghenguno ae.