KUKAMI ATUGHIU 8:39 - Sumi Naga CL (Re-edited) Bible (BSI)

³⁹ O kungo-a kungugha lono ini tsüno akipimi qhitsü lo eno pütüta mlo Nono ithi akeu kiqi lono panongu lau mla tsülo (kughengu O likhi no timi kümtsü mlo ithi anie),

BAIBEL (BSI)

³⁹ panongu kighini chilutsulo. Oki kungugha lono inijutsulo, panongu kipimi qhivetsulo eno panongu kuphutsulo. Kughengu olikhino timi mulo kukumsu ithi ani. Pututa kumla kiqi lono kiu tsukuzupu keno tishi shitsulo.

KUKAMI ATUGHIU 8:39 ပူးပေါင်းရင်းမြစ်များ

KUKAMI ATUGHIU 8:32

kungugha lono ini tsüno o qeu lau küghatha tsülo eno küqüve keu ghime lo, ikemu amikuchou ye pa mikucho kiqi lono asaxü tsülo.

KUKAMI ATUGHIU 8:36

kungugha lono chilu tsüno O qemi Israelmi xine qhitsülo. Panongu no chewu kepu laghi kivi kiche tsüno Ow timiqo lau amheghi shi tsüve keu yeghi lo tsütsüghu puwu tsülo.

KUKAMI ATUGHIU 8:38

lüthü na Ow timi Israelmi kümtsü nomu kiu kiumu inikhu eno qhüiniju pütüta mlo ghime ithi no aki hipau küdau au sükhope inikhu aye,

KUKAMI ATUGHIU 8:40

tishikeu lono, Nono ni puasüqo tsükeu yeghi lo Ow timiqo no xüake tivilo O sümsa ghi ache penie.

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

YEKIKITHI AKINIU 6:30

O kungo-a kungugha lono, ini tsüno akipimi qhitsülo, eno pütüta mlo Nono ithi akeu kiqi lono, panongu lau mla tsülo kughengu O likhi no timi kümtsü mlo ithi anike,

LESHELE 130:4

Ikemu O lau ye akipimi qhikütsü ani, tishino O sümsa peniye ke.

LESHELE 139:1

O Ampeu, Nono I phujuvae eno ni ithivae!

LESHELE 28:4

Pano kümla eno pano kixikila kümla kiqi lono lochile lo; pano u no mlakeu kiqi lono tsüchile lo; panongu no ithulu küzüpu pesü pano saxü shitsü lo.

LESHELE 33:14

Pa kükalakhü khile Pa no iqa ani keno tileno Pa no ayeghi lo küxümi kümtsü jucheni,

JEREMIYA 17:10

“Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

JEREMIYA 32:19

Ow kichekütsü ye kije eno O kümla ye akughushu, O nhethi no timi tianuli laghi kümtsü jukuto acheni, lakhikhi laghi eno pa kümla kiqi lono asaxü tsücheni.

EZEKEL 18:30

“Tighenguno, O Israel laghami, timi lakhikhi shou pütüta laghi kiqi lono I no küghatha nani, Ampeu Alhou no asheshu. Xaidelo, eno nongu xine kümtsü lono tsüghüve lo, tikumo aye axine no nongu kütsakungove nosae.

John 21:17

Jisü no ghuthu aküthüu pa vilo pi. “John nu Simon, no ye I kimiye anima?” Peter ye amlo shimove kughengu Jisü no pa vilo ghuthu aküthüu “No ye I kimiye anima?” ipi ighiju ke. Pa no Jisü vilo pi. “Ampeu, nono thokha ithi ani, eno I no o kimiye akeu nono ithi anie.” Jisü no pa vilo pi, “I mbeqo jukuto lo.

Apostolmi 1:24

Panongu no inikhu no pi, “O Ampeu, nono timi kümtsü mlo ithi anike ningu piye tsülo, hi pama dolo Nono khikhiu kishepe

JOSHUA 22:22

“Akughushu Lhou Ampeu! Akughushu Lhou Ampeu! Pa no ithi ani eno Israelmi ampi no ithilo. Tsala hino hekibide momu Ampeu shou aküpülü hephove aghi aye, ningu kipimi qhitsü kevi,

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.

Piyeküsü 22:12

“Julo, Ni ye itheno cheni, milakhikhi no kiu mla püani keno tsüchile nike I no ajume pecheni.

SAMUEL ATUGHIU 16:7

Ikemu Ampeu no Samuel vilo pi, “Pa ju akoghe momu pa thethu ju kevilo, Ni ye pa milivae. Kughengu Ampeu ye timi no ithulu aketoi ju chemoe: timi ye ashou aju akoghe jucheni ikemu Ampeu ye amlo jucheni.”

SAMUEL ATUGHIU 2:3

Aqheküza shi atsa pi akevilo, nongu kichi lo akumchho tsa ipeghipe kevilo; kughengu Ampeu ye akighithi Lhou ke, Pa vecheo akümla kümtsü huju cheni.