KUKAMI ATUGHIU 8:38 - Sumi Naga CL (Re-edited) Bible (BSI)

³⁸ lüthü na Ow timi Israelmi kümtsü nomu kiu kiumu inikhu eno qhüiniju pütüta mlo ghime ithi no aki hipau küdau au sükhope inikhu aye,

BAIBEL (BSI)

³⁸ panongu kighini initsulo. Owu timi Israilmi khuwalano amlo ghime lono au xacho pesu akumllaki hipau lono inikhuni keno

KUKAMI ATUGHIU 8:38 ပူးပေါင်းရင်းမြစ်များ

KUKAMI ATUGHIU 8:22

Tishino Israelmi qoaho zülo Solomon no Ampeu kümlla khache lo puthugho no pa u kungugha küdau süqhe,

KUKAMI ATUGHIU 8:37

“Aghakhu lo püqümiye, asagha, amülhü kushu no axabo fupithi, tülhaqu momu katsülanga ighi, momu pano ghümi no leighi no khagho khasü luve, momu püsa eno kiukiu küsü mu ighi aye,

KUKAMI ATUGHIU 8:39

O kungo-a kungugha lono ini tsüno akipimi qhitsü lo eno pütüta mlo Nono ithi akeu kiqi lono panongu lau mla tsülo (kughengu O likhi no timi kümtsü mlo ithi anie),

YEKIKITHI AKINIU 6:29

khuana momu Ow timi Israelmi kümtsü no pütüta mlo ghime ithi no au sükhope akümllaki hipau lono kiukiu inikhu momu qhüiniju aye,

JOB 7:11

“Ikehu ni ye I kichi kujukhave moni, I nguagha no iju ake lono I no pini; I küxü kukhukimji lono I no muchhoni.

LESHELE 42:11

O I ngulho, kushiye aghüthisü eno I lolo pütaqhi ani kea? Alhou lau pükhülo; kughengu ni ye itaghi Pa sheqhe nani, I xakuluu eno I Lhou.

LESHELE 42:6

eno I Lhou. I ngulho ye I lo lono aghime shi ani; tighenguno Jordan eno Hermon yeghi lono Mizar Naghuto lono I no O kümsülue.

LESHELE 42:9

I no I Lhou I tuqu vilo pi: “No ye kushiye I kümsümave ani kea? Kushiye I ghümi no I ghimeqhi keu ghenguno ni ye qanimlo ani kea?”

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

LESHELE 91:15

Kughou pa no I kuni keno, I no pa khochile nani; aveküsa lo I no pa gholo anani; I no pa xalu nani eno pa gihu nani.

IPEKULU 9:29

Moses no pa vilo pi, “I no mishighüna lono ipeve kemtsa, Ampeu lau I u peqheni. Pasapagha ye kishekhave nani, eno mürasü kühave nani, tishikeu lono ayeghi ye Ampeuw kepi nono ithi nani.

AHOLE 14:10

Alolo kukhukimji akeu ye amlo no ithi ani eno khunomu tipau pesü küsajelu chemoe.

ISAIAH 1:15

Kughou nongu no au sükhope I kuni keno, I no nongu launo I nhethi kughove nani; nongu no akighini kutomo shimu I no inimo nani; nongu u lo aji no chhitoi anie.

ISAIAH 37:4

O Lhou Ampeu no Rabshakeh, khuu Assyria kükau no aküxüküa Lhou thaigha peniye puwu keno, pa tsa chilu kelo tipau ghenguno sakiyi nani niake; tighenguno ghükulumi aghulo akeqo ghenguno Alhou lau o kighini süqhe tsülo.’”

JOYIL 2:17

Ahukikha ngo akiptia dolono achinemi, Ampeu qemi no qa ghi pilo, “O Ampeu, Ow timi kipimi qhitsü lo, eno O mheghi pesü shiyeqo zülo atichepu shivepe kevilo. Kushiye ashiaye zülono pano pelo ishi pi apeni kea, ‘Pano Lhou ye khile ani kea?’”

ACHINE 13:12

Ikemu apügha kimihi ayiko küsü no akütsü lono apukhu kutolo qhawove aye,

JONAH 2:4

Ikehu I no pi, ‘O nhethe lono I küghape hapupovae; ikeghi O kimthe chineki shou I no jupuku anani.’

Rommi 7:24

Ni ye kiu toi anguküsapu timi kelae! Khuu no akithi phimpi hipau lono I xaphetsü nani kea?

FILIPIAMI 4:6

kiu lonomu amlo kütakihi kevilo, ikemu thokha lo shikimthikütsü gholono akighini eno akupulo pesü Alhou lau qhüiniju lo.