KUKAMI ATUGHIU 8:29 - Sumi Naga CL (Re-edited) Bible (BSI)

²⁹ O nhethi no putho pucho aki hipau lo jupuku tsülo, a-a hipau ye Nono, ‘I je ye tilehi anani,’ ipi kehu o qeu no a-a hipau küdau juno inikhu kelo chilu tsülo.

BAIBEL (BSI)

²⁹ Akumllaki hipau putho pucho khetsu alo, a-a hipauno omlapeni keu shi nono kishelue. Ino kughouno Akumllaki kudau juno inikhu nikeno ikighiniqo chilutsulo.

KUKAMI ATUGHIU 8:29 ပူးပေါင်းရင်းမြစ်များ

KUKAMI ATUGHIU 11:13

Tishimu Ni ye kükaqha kubove tsümo nani, ikemu I qeu David eno I no kishelu keu Jerusalem phughi ghenguno I no ashiaye lakhi pesü o nu tsü nani.”

KUKAMI ATUGHIU 11:36

Eno pa nu lau I no ashiaye lakhi tsüni, tishikeu lono I qeu David kuluqhe ye I no I je ghenguno kishelu keu phughi Jerusalem lo I zülo ache penie.

KUKAMI ATUGHIU 14:21

Solomon nu Rehoboam ye apunu mpe lhobidi lakhi lono Judah lo ayepe thu eno Jerusalem lono ampe chighitsüni ayepe. Jerusalem ye Ampeu no Pa je ghenguno Israel shiaye kümtsü dolono kishelu keu phughi. Rehoboam pa za ye Ammonmi Naamah.

KUKAMI ATUGHIU 8:16

‘I no Iw timiqo Egypt lono saipeghi ke tsalani no, Ni ye Israel shiaye phughi lakhi lomu I je qhinike ghenguno kishe phemoe. Ikemu Iw timi Israelmi shou ka penike I no David kishe ke.’

KUKAMI ATUGHIU 8:43

O kungo-a kungugha lono ini tsüno inami huno O lau khukeu kiqi lo kümtsü shitsülo, tishikeu lono ayeghi lo ashiaye kümtsü eno ow timi Israelmi pelo No ithilu eno O sümsa peni, eno panongu no I no aki hipau mla püakeu ye O je ghenguno kepi ithi peni.

KUKAMI ATUGHIU 8:52

O nhethi pesü O qeu eno ow timi Israelmi lau jupuku tsülo eno panongu no kugho kughomu O vilo inikhu aye, O kini kughope ini tsülo.

KUKAMI ATUGHIU 9:3

Ampeu no pa vilo pi, “I no o kighini eno nono khukeu chiluvae. Nono aki khikhi shiqhe keno tipau shikimtheve tsüae eno alholo ghenguno I je tile qhivae. I nhethi ngo I mlo ye ado kümtsü lo tile aniae.

KUKAMI AKINIU 19:16

O Ampeu, O kini kughope inilo, O Ampeu, O nhethi tsükho no julo, eno Sennacherib tsa khikhi pa no aküxüküa Lhou thaigha niye pi puwu keno initsü lo.

KUKAMI AKINIU 21:4

Ampeu ki, khile Ampeu no “Jerusalem lo I no I je qhini,” ipi keno, tile pa no akümlla-khacheqo mlave.

KUKAMI AKINIU 21:7

Pa no Asherah julho mlape Ampeu chineki lo qhi, tipa chineki vehulo Ampeu no David ngo pa nu Solomon vilo pi: “Israel shiaye kümtsü gholono I no kishelu keu ki hipau lo eno Jerusalem lo, I no alholo ghenguno I je qhinani.

KUKAMI AKINIU 23:27

Ampeu no pi, “I no Israel ikhive ketoi, Judah ghi I zülono ikhive nani, eno I no kishelu keu mishighüna Jerusalem ngo achineki khipau pesü I no, I je tile anani, ipi keno, I no peve nani.”

YEKIKITHI AKINIU 16:9

Khunono Ampeu lau tukutiye küha no acheni keno Pa ye akumtoshi tipaqo kuphuni ke ayeghiqha kümtsü thebei jukuto acheni. No ye hipau lo anikha shivae, tighenguno hinguno hilau no ye aghüshi cheniae.”

YEKIKITHI AKINIU 20:8

Panongu no hile acheni eno O gihuni ke achineki shiqhe no pi,

YEKIKITHI AKINIU 33:4

Ampeu ki khile Pa no, “I je ye alholo Jerusalem lo anani,” ipi keno, tilehi Manasseh no akümlla-khacheqo mlave.

YEKIKITHI AKINIU 33:7

Pa no ajulho mlape Ampeu kilo qhi, tipa ki vehulo Pa no David ngo pa nu Solomon vilo pi, “Israel shiaye kümtsü dolono I no kishelu keu, aki hipau lo eno Jerusalem lo, I no I je pesü alhokupuju ghenguno qhi nani,

YEKIKITHI AKINIU 6:20

O nhethi no putho pucho aki hipau lo jupuku tsüalo, a-a hipau ye Nono, ‘I je tile anani,’ ipi püakeu shilu pelo, tishianguno o qeu no a-a hipau küdau jupuwo inikhu kelo Nono chilutsü nani.

YEKIKITHI AKINIU 6:40

O I Lhou, itehi O nhethi tsükho no O kini kughope aki hipau lono inikhu keu ini tsülo.

NEHEMIA 1:6

O qeu no akighini shi akeu chilutsü penike, O kini kughope tsaqüi inilo eno o nhethi tsükhope ngo tsülo, kughengu I no O lau putho pucho O qemi Israelmi ghenguno inikhu ani. Eno I no piphe anike ningu Israelmi no pimivae eno O zülo axine shivae. Ni ampi eno I puasüqo ghi axine shivae.

NEHEMIA 1:9

Ikemu nongu no I lau tsüghü ighi no I zakütsüqo pelu aye, nongu dolo hapheve kemi no atsütsü shekha lo wuve aghi namu, tilauno I no panongu sachile ighi nani eno I je pesü tile apeniye kisheluve ke-a lo panongu hekütsüpe qhinani.’

LESHELE 138:2

I no O kimthe chineki küdau juno itsaqi no Ow iqemokeu kikimiye ngo pükhükulu ghenguno O je shikimthi cheni, kughengu Nono O je eno O tsa pesü thokha kümtsü nguno akiqheu lo qhike.

LESHELE 34:15

Ampeu nhethi ye amikuchomi shou jupuku cheni eno Pa kini no panoqo ghügha chilu tsü cheni.

IPEKULU 20:24

Ayeghi no shikeu kiptia I ghenguno mlalo eno akipti kümllagho ngo külakishi kümllagho, nongu mbe ngo amshitsü tipau lono aghashini. I je kümsülu penike I no kishetsü ke-a lo nongu lau ighi nani eno nongu kümghatsü nani.

DANIEL 6:10

Kughou Daniel no kiyepa lo jemchi süvae pi ithive keno, pa ye pa ki kunguu chebo lo alasheqo Jerusalem küdau khaqhipe qhi chekeu lo ikuve. Pa no azüu shiche ketoi, atsala lo ghuthu küthü qhoqhünhe no akighini shi eno pa Lhou zülo shikimthi tsüe.

DANIEL 9:18

O I Lhou, O kini kugho puwolo eno inilo. O nhethi xükho no nino küghüküghalei akeu, eno mishighüna O je lono ku püakeu julo. Kughengu ningu mikucho ghenguno ningu ye O zülo qhüiniju keu hipau süghi anike kumoe, ikemu Ow kikimiye kije akeu ghenguno ke.

ZEKHARIA 12:4

Tipani, Ampeu no asheshu, I no khurshi kümtsü kichimamaive peno ti sakichemi pelo izüvuive penani. Ikemu I no ashiayeqow khurshi nhethi kighicheve tsüno Judah lagha ghenguno I nhethi tsükhope anani.

ZAKINIU 12:11

tileno Ampeu no Pa je ghenguno kishelu ke-a lo, I no nongu vilo süghi lopi azah tsükeu kümtsü peighini: akipti kümllagho, aghakishi kümllagho, chighi saje, nongu no Ampeu lau ashoqhi kümllagho shikeu akiviu kümtsü süghini.

ZAKINIU 12:14

ikemu Ampeu no nongu shiaye yeghi lo a-a kishetsü keu lo likhino akümllagho tsüni, eno tileno I no azah nongu tsükeu jeli kümtsü shilo.

ZAKINIU 12:5

Ikemu Ampeu nongu Lhou no Pa je ghenguno eno Pa kungo-a shikepu nongu shiaye yeghi lo khile kisheni keno nongu ti phuni, eno tilau wuni.

ZAKINIU 16:2

Ampeu nongu Lhou no Pa je ghenguno kishetsü ke-a lono now atsüaqu loji lono Hechekulu ghakishi tsülo.

ZAKINIU 16:6

ikemu Ampeu nongu Lhou no Pa je ghenguno kishetsü ke-a lono Hechekulu ghakishi shilo, ti ye avelau khetsünhe iloche kelo nongu no Egypt lono ipeghi ke ghuloki lono mlla lo.

ZAKINIU 26:2

nongu ye Ampeu no nongu tsü akeu yeghi lo pekighi xathi amsüu hami ashoghi lo süno Ampeu nongu Lhou no Pa je ghenguno kishetsü ke-a lo pewuni.