KUKAMI ATUGHIU 3:9 - Sumi Naga CL (Re-edited) Bible (BSI)

⁹ Tighenguno timiqo shou achipiu eno kiviküsa kimchilu no ayepelu penike alokütsü I tsülo. Tishimo aye ow timi hijeje shou khuu no ayepe luni kea?”

BAIBEL (BSI)

⁹ Tighenguno timiqo shou achipiu eno kivikusa kimchiluno ayeh pelu penike alokutsu itsulo. Tishimokeloye owu timi hijejehi shou kishi puzu ayeh peluni kya?”

KUKAMI ATUGHIU 3:9 ပူးပေါင်းရင်းမြစ်များ

SAMUEL AKINIU 14:17

Eno o qeliu no kümsü, ‘I mpeu akükau tsa no I pelo akulhoqhi lupe nani,’ kughengu I mpeu akükau ye kivi-küsa michi lunikeu lo Alhouw kungumi toike. Ampeu o Lhou no o gholo apelo!”

KUKAMI ATUGHIU 10:24

Ayeghi kümtsü lono Alhou no pa mlo lo sütsü keu lokütsü inini ke ighiche.

KUKAMI ATUGHIU 3:10

Solomon no hi khukeu no Ampeu lopu shive.

KUKAMI ATUGHIU 3:28

Israelmi kümtsü no akükauw xakütha hipau chilu no agigihu pa tsü, kughengu pa ye achipiu shinike Alhou lokütsü pa lolo anipi panongu no ithive.

YEKIKITHI ATUGHIU 22:12

Kütau nguno alau, Ampeu no alokütsü ngo vethakulu pesü o kümghatsü peni, tishianguno kughou nono Israel yepeu shini keno, o pelo Ampeu o Lhou yezah pelu penie.

YEKIKITHI ATUGHIU 29:19

I nu Solomon pelo amlo tsüqhiyi O zakütsü eno ayezah kümtsü pekupulu pelo, tishianguno aki khipau shinike I no kutope qhivetsü akeno, pa pelo ti shiqhilu penike pulo tsülo.”

YEKIKITHI AKINIU 1:10

Itehi ye timi hipaqo sapheni ke alokütsü eno akighithi I tsülo, kughengu khuu no Ow timi hijeje shou ayepe luni kea?”

LESHELE 119:144

O kükütsü ye alholo lo achipi; vethakulu I tsü lo tishiaye ni ye xülu nani.

LESHELE 119:34

Vethakulu I tsülo, tishiaye ni ye O yezah pelu nani eno I mlo kümtsü no tipau papelu nani.

LESHELE 119:73

O u no ni lhoe eno I pesü kogheküghü kivi shi tsüe; vethakulu I tsülo eno ni ye O zakütsüqo shikalu nani.

AHOLE 14:8

Lotsü-loghümi ye kimchilu kepu lokütsü acheni, ikemu mbomzümi ghüzü ye pishikiqhi ke.

AHOLE 16:16

Alokütsü ithulu keu no ameshoyi nguno kishi akiviu kela! Ghükayi nguno vethakulu kishelu keu pavibei ke.

AHOLE 20:12

Chikulu kini eno ithukulu nhethi kinikujo Ampeu no mla tsüke.

YETSAPIU 7:11

Alokütsü ye amheghi toi aloe, khetsünhe ithulu kemi ghenguno adokivi ke.

YETSAPIU 7:19

Alokütsü no alokütsümi lakhi pesü mishighüna lakhi lo yepemi chighi nguno akumtou shitsü cheni.

JEREMIYA 1:6

Ikehu I no pi, “Ya, Ampeu Alhou! Julo, ni ye kishi pikepu keno mthae, kughengu ni ye lhothemi shiaphi.”

JEREMIYA 45:5

No ye o ghenguno akümzapu thime phucheni keshea? Ti phu kevilo, kughengu I no küxümi kümtsü shou kütsakungo keu süghini cheni ikemu no ye nono khile khile wunamu I no asaxü kumlhoshi o küxü süshotsü nani, Ampeu no sheshu ani.”

DANIEL 2:21

Pa no ado-aghuloki eno atusho kilivetsü cheni; Pa no kükami ikhive eno süküsü shi cheni; Pa no alokütsümi lau alokütsü tsü eno vethakulumi lau akighithi tsü cheni;

MATTHEW 3:11

“Aküxü xaide penike I no azü pesü nongu baptiz shitsüe, ikemu I thiu khuu cheni keno, pa no I nguno akumtou, eno pa pukhukuqho mu ni ye peküzüpu kumoe. Pa no Aghungu Kimthe eno ami pesü nongu baptiz shitsü nani.

MATTHEW 3:14

John no pa lakha ghi pi, “Nou no ni baptiz shitsü kelau thono no ye I lau ighi ani keshea?”

John 5:30

“Ni ye I ka-agha loye kiumu shimlae. I no chilu no küghatha cheni, eno Iw küghakütha ye achipie, kughengu ni ye I gho-apulou kumono I puwu keu gho-apulou shicheni.

2 Kor. 2:16

pühave akemi lau ningu ye akithipu xokütsüngü, xaluve akemi lau ningu ye aküxüpu axokütsüngü ke. Khuu no hipaqo shikulupu kupukülai ani kea?

2 Kor. 3:5

Ningu ampi no ningu ye hi shikulupu anie pi pükha amoe, ikemu nino shikulupu akeu ye Alhou launo ke,

Ephesiami 5:17

Tighenguno mbomzü shi akevilo ikemu Ampeu pulou ye kiu keno ithikuthu lo.

FILIPIAMI 1:10

tishianguno kiu no akighiche keno nongu no kishelu no Khristo Tsala loye mqhamqhiyi eno tukutiye küha püzü

IBRIMI 5:14

Ikemu akümka chuqupu ye kichimi, khunono akivi aküsa dolo kütüta shiniye kimchikulupu küka lono qophe puthupe alhokuthu pepimhe acheni keno, panongu ghenguno ke.

James 1:5

Nongu gholo khami no alokütsü mikhe aghi aye, pa ye Alhou lau khulo eno ti pa tsü nani; kughengu Alhou ye khumu sakiyi mono kümtsü tsü cheni.

James 3:17

Ikemu kunguu no ighikeu lokütsü ye atüghüu no mqhamqhi keu, tishino alakishi, ivünhei, ikhilu kile keu, akipimi qhikütsü likhi keu eno axathi kivi, agikuju küha no tsaqütsalei keu ke.