KUKAMI ATUGHIU 3:28 - Sumi Naga CL (Re-edited) Bible (BSI)

²⁸ Israelmi kümtsü no akükauw xakütha hipau chilu no agigihu pa tsü, kughengu pa ye achipiu shinike Alhou lokütsü pa lolo anipi panongu no ithive.

BAIBEL (BSI)

²⁸ Kughou Israilmi no Solomon xakutha hipau chilukeno kumtsuno Solomon akiqheu lono asukumsa pa tsulu, kughengu Alhou lokutsu pa lolo akeu vechewo ighono shikusa kukupuna akeu achipi lono xathavetsuke.

KUKAMI ATUGHIU 3:28 ပူးပေါင်းရင်းမြစ်များ

KUKAMI ATUGHIU 10:9

Ampeu o Lhou shelo, Pa no o shou amlokiqi shi no o pesü Israel kükalakhü lo qhike! Kughengu Ampeu no alholo Israel kimiye ke ghenguno Pa no o pesü akükau shike, tishikeu lono o pelo achipiu eno amikucho shi peniye ke.”

KUKAMI ATUGHIU 3:27

Tileno akükau no khochile, “Anu heqhi kevi no atotiu atüghüu tsüve lo; li no paza kuchoue.”

KUKAMI ATUGHIU 4:1

Akükau Solomon no Israelmi kümtsü kükau shi,

YEKIKITHI ATUGHIU 29:24

Sakiphemi, ghüshitomi, eno akükau David nuli kümtsü no akükau Solomon gholo kutuponi keu shi puloluve.

EZRA 7:25

“Eno no, Ezra ye o Lhou lokütsü o lolo akeu kiqi lono yepemi eno xaküthami süküsü shino panoqo pelo Aghoki Kukuu phughi lo timiqow xaküthami shipelo, ti ye o Lhou yezah ithi akemi. Eno panongu no ithi aghimo aye nono shikani.

LESHELE 72:2

Pa pelo achipiu mikucho pesü Ow timiqo, eno kuchou xakütha pesü kumlhomi xatha tsü pelo!

LESHELE 72:4

Pa pelo kumlhomi chipiu süsho tsü kemi shipelo, aveküsami nuliqo xaphelu pelo, eno qhaküsümi qodaqhi pelo!

IPEKULU 14:31

Ampeu no Pa küka kughushu lono Egyptmi mjochile keu Israelmi no ithulue, ikehu timiqo no Ampeu sümsa, eno panongu no Ampeu ngo Pa qeu Moses lau pülübeve.

AHOLE 16:10

Akükau ye müzüküsü tsa piqhi cheni, pa kichi loye küghakütha tsa pive no axine shichemoe.

AHOLE 24:21

I nu, Ampeu ngo akükau msalo, eno tishimo kemi gholo kuloji kevilo,

AHOLE 25:2

Alhou no küsü püakeu thimeqo ye Pa juküvüpu ghengunoe, ikemu tipaqo phuju keu no kükami jekipipue.

AHOLE 8:15

I vecheo kükami no ayepe cheni, eno yepemi no achipiu xaküthaza tsülu cheni;

YETSAPIU 7:19

Alokütsü no alokütsümi lakhi pesü mishighüna lakhi lo yepemi chighi nguno akumtou shitsü cheni.

ISAIAH 28:6

kuchou xakütha nguagha pesü küghatha chekemi tsü nani, akumto pesü khagho lo aghümi tuchile chekemi tsü nani.

DANIEL 1:17

Lhothemi pano bidi ghengu ye, tsaiko eno alokütsü kümtsü lo ithiküphalu keu ngo asüqe kighithi Alhou no panoqo tsüe, eno Daniel ye kungunhetsü ngo asamo kümtsü lo vethakulu ae.

DANIEL 2:21

Pa no ado-aghuloki eno atusho kilivetsü cheni; Pa no kükami ikhive eno süküsü shi cheni; Pa no alokütsümi lau alokütsü tsü eno vethakulumi lau akighithi tsü cheni;

DANIEL 2:47

Akükau no khochile Daniel vilo pi, “Kuchou no o Lhou ye alhouqo Lhou, kükami shou Ampeu, eno tuqhou küsü püakeu pekipheu, kughengu no ye tuqhou küsü püakeu phepe piyelue.”

DANIEL 5:11

Timi lakhi khuu lolo akimthe lhouqo ghungu ani keno, o kükaqha lo ani. O pu ghuloki lo alhouqo lokütsü toikeu aküvü, vethakulu eno alokütsü pa lolo akeu ithulu, eno o pu, Akükau Nebuchadnezzar—o pu akükau no pa pelo küdüumi, shiküghüzü kemi eno yepu-yesü kighithimi shou atou shivepe,

1 Kor. 1:24

ikemu khunoqo kuluve akeno, Jewmi na Greekmi namu, panongu ghengu ye Khristo no Alhou küka eno alokütsü ke.

1 Kor. 1:30

Pa ghenguno nongu ye Jisü Khristo lau kimepe ani, ni ghenguno Khristo ye Alhou launo ighikeu lokütsü, amikucho, shikimthekütsü, eno xachilekulu ke.

Kolosiami 2:2

tishianguno panongu mlo shikumtolu, kikimiye lo ghoküqha luno Alhouw tuqhou kighithi, ti ye Khristo, thebei eno kupukuno shi ithikuthulu penie.

Kolosiami 2:3

Khristo lau alokütsü eno akighithi kini khuki kümtsü küsüpe püani.

JOSHUA 4:14

Tipa tsalani no Ampeu no Israelmi kümtsü zülono Joshua süqhe eno Moses qhoqhü cheke toi panongu no Joshua küxü kupuju pa qhoqhüe.

SAMUEL ATUGHIU 12:18

Ikehu Samuel no Ampeu ku, eno tipa tsalani Ampeu no pasapagha ngo tsütsüghu puwu, eno timi kümtsü no shishe Ampeu ngo Samuel msave.