KUKAMI ATUGHIU 2:5 - Sumi Naga CL (Re-edited) Bible (BSI)

⁵ “Tinguno alau, Zeruiah nu Joab no I lau kiu mla keno nono ithi ani, pa no püzüu aghüshi ghuloki lono aji peleve keu mkhülu anipi iqüghaive kethiu no Israel ghüshimi zatsüu kini, Ner nu Abner ngo Jether nu Amasa pama pithive, eno aghü ji pesü pa pokha ngo apukhuqho lo lepuku ke.

BAIBEL (BSI)

⁵ “Tinguno alaughi hi aphie. Joab no ilau kiu mlakeno kumsulu ani Israilmi ghushimi zahtsuu kini Ner nu Abner eno Amasa Jether nu pama heqhivetsue. Puzuu aghukishi lono thivekeu mukhulu aniepi kulashi ake lono pama heqhivetsu, itehiye pano kiu mlave keno tipaqo kumtsu amakho ishou bevetsuno ime ani.

KUKAMI ATUGHIU 2:5 ပူးပေါင်းရင်းမြစ်များ

SAMUEL AKINIU 17:25

Absalom no Joab züqhulo Amasa pesü ghüshimi shou ampeu shivepe. Amasa ye Ishmaelmi Ithra nu ke, pa ye Nahash nonga Abigail sasü akibo shive, li ye Zeruiah tsünipu, Joab paza ke.

SAMUEL AKINIU 18:12

Ikemu timi huno Joab vilo pi, “I u lo ghükayi ahu qhethonhe lakhi iloghi namu, ni ye akükau nu shou I u bemo nani, kughengu ningu no chilu ghi akükau no Abishai ngo Ittai azah tsüe, ‘I je lono apumi Absalom süsho tsülo.’

SAMUEL AKINIU 18:14

Joab no pi, “Ni ye hitoi o sasü ado kilhe amlae.” Eno pa no angupa küthü ikhipe Absalom no aphisübo lo heküxape xüaphi lono pa mlo lo jisüve tsü.

SAMUEL AKINIU 18:5

Akükau no Joab, Abishai eno Ittai azah tsü, “I je lono apumi Absalom lau akümtsha shitsülo.” Akükau no Absalom ghenguno zatsümi lau azah tsükeu timi kümtsü no chiluve.

SAMUEL AKINIU 2:13

Eno Zeruiah nu Joab ngo David qemiqo ghi wuno Gibeon yizükucho lono panoqo sasü kusho. Kütamiqo ye ayizükucho kukuu ngove.

SAMUEL AKINIU 2:18

Zeruiah nu pano küthü, Joab, Abishai eno Asahel ye tile ae. Asahel ye aghalo anetsü pukhu toi mthüe.

SAMUEL AKINIU 20:10

Ikemu Amasa ye Joab u lo azütakikihi akeu ithumlave. Ikehu Joab no tipau pesü pa polo qhusüve tsüno akiniu ye qhusü move, paw kighinoli no ayeghi lo ile ipeghive eno pa ye thive. Tishino Joab ngo pa thiküzüu Abishai pama no Bikhri nu Sheba hawuve.

SAMUEL AKINIU 3:27

Eno kughou Abner no Hebron lo idechile ighi keno, Joab no tuqhou shi pa pütsani ye pa sasü khagho phivilo wu, eno tileno pa polo qhusüve tsü, ikehu pa ye thive, ti ye pa thiküzüu Asahel ji peleve tsükeu ghenguno ke.

SAMUEL AKINIU 3:39

Eno akükau lakhi shi nukishe püaghimu ishi tsala lo ni ye aghüthi süvae. Zeruiah nuli, timi hipaqo ye I nguno alau mkamihi ke. Ampeu no küsakügha kümlami lau paw küsakügha kiqi lono tsüchile peniu!”

KUKAMI ATUGHIU 1:7

Pa no Zeruiah nu Joab ngo achineu Abiathar pama pütsave, eno pama no Adonijah pape wuve no pa kuphu.

KUKAMI ATUGHIU 2:32

Pa no aji peleve keu Ampeu no pa kütsü lo pukutsü nani, kughengu I pu vilo pimono pa no timi kini, Ner nu Abner Israel ghüshimi zatsüu ngo Jether nu Amasa Judah ghüshimi zatsüu, pa nguno amikuchou eno akiviu pithive tsüe.

JEREMIYA 2:34

Pimimo kemi kumlhomi no hepho ilo pükamo keghi nongu phiküzü lo pano küxü ji ithulue. Hikithipu shinamu

JEREMIYA 6:15

Kuchhube kümla shive kelo panongu ye kujo keshea? Moe, panongu ye khilemu kujomoe; panongu ye kujoke ye mthae. Ikehu I no pano ghimeke tsala lo, panongu ye ikiqive kemi gholono ikiqive nani,” ipi Ampeu no pi.

MATTHEW 3:4

John ye sayeshi mhi phimini pepu eno ashiyiko pokha pesü pa chita khapu, eno leusü ngo aghalo khingozü no pa chuqupu shiche.

ZAKINIU 27:24

“‘Khukhumu tuqhouno pa kisüghüu ghiqhive keu ye müsüinivae.’ Eno timi kümtsü no ‘Amen,’ ipini.