KUKAMI ATUGHIU 18:26 - Sumi Naga CL (Re-edited) Bible (BSI)

²⁶ Panongu no amshitsü ikhipe kishekulu shino inaqhe no puchomghü kutolo Baal vilo inikhu, “O Baal, ni khochile tsülo!” Ikemu kiu sütsa mu ighimo, eno khunomu khochile moe. Panongu no akiptia homxa ilhe ae.

BAIBEL (BSI)

²⁶ Panonguno amshitsu panongu lau sughikeu ikhiluno kutothuve eno puchomughu kutolo Baal vilo inikhu. Panonguno ighamuku, “Baal ni khochile tsulo!” akiptia homxa ilhe ae. Ikemu kiumu khokichile ighimove.

KUKAMI ATUGHIU 18:26 ပူးပေါင်းရင်းမြစ်များ

KUKAMI ATUGHIU 18:24

Tishino nongu no nongu lhou vilo inikhuni, eno ni ghi I Mpeu vilo inikhuni, Alhou khuu no ami pesü khochile tsüni keno, Pa no Alhou ke.” Timi kümtsü no khochile, “Ti ye achipi shi ani.”

KUKAMI ATUGHIU 18:25

Tileno Elijah no Baal tungkupmi vilo pi, “Nongu ye kutomo ani kehu atüghüshi nongu no amshitsü lakhi kishepe kishekulu shino no lhou lau inikhu lo, ikemu ami ye sükevilo.”

KUKAMI ATUGHIU 18:27

Pucho mta lo Elijah no panongu junuqhi no pi, “Ighamku lo, kughengu pa ye alhoue. Pa ye mighimghai ani keo, akulhoqhi ani keo, aghüzüla lo cheni keo, ikeo zü anino küda masa nani keno mthae.”

IPEKULU 8:14

Panongu no tipaqo hekütsüpe amoqhe, eno ayeghi no muthu münashuive.

ISAIAH 37:38

Pa no pa lhou Nisrokh chineki lo mlla akelono pa nu Adrammelech ngo Sharezer pama no azütakikihi pesü pa ghiqhive. Tithiu pama ye Ararat yeghi lo pove, eno pa nu Esarhaddon no pa thisü luve.

ISAIAH 44:17

Asü tüxa pesü pa no ajulho shisü no tipau zülo pishiqho no mlla cheni. Tipau vilo pa no inikhu, “I xalulo kughengu no ye I lhou ke!”

ISAIAH 45:20

“Nongu hekumqope ighilo, shiye lo nongu ghükulumi, kümtsa kupunu ighilo! Ajulho pesü kulobide chekemi ye akighithi alokütsü mu kühae, panongu ye xamlani keu lhou lau inikhu cheni.

ISAIAH 46:7

Panongu no abighi lo tipau ikhiqhepe xapu cheni; panongu no a-a lakhi lo ti ghope qhive cheni; ti ye tipa-a lono ithauve mlae. Milakhi no tipau lau ighamku namu, ti ye khochile chemo momu pa küküpna lono xaphelu chemoe.

JEREMIYA 10:5

Pano julhoqo ye akukali lo aluthu toi, tipaqo ye atsa pimla; ala chemla kehu xapu masae. Tipaqo msa kevilo, kughengu tipaqo ye alhoksa shimlae, momu akivimu shimlae.”

DANIEL 5:23

ikemu kungugha lo Ampeu shou no ampi süqheke. Eno Pa kilo abohuqo o zülo süghipe eno no ngo o qholo ampemi, o nipuqo eno o nipu amishiuqo no tipaqo lono aji shomzüe. Nono ghükayi, ameshoyi, alazayi, ayi, asü-atu lhou, khunoqo ithulu chemo, chilu chemo, momu ithi chemo keno panoqo sheqheke, ikemu Alhou khuu u lo o tuthu ani, eno khuu no o laghi keno, nono gihu movae.

JONAH 1:5

Tile zükilu sakichemi ye msave eno pütüta müzülo alhou lau ighamku. Zükilu kümthüni ke panoqo no anhemgha azüghi lo vesüve. Ikemu Jonah ye iqi zükilu chebo alou lo züchei ae.

HABAKUK 2:18

“Ayi julho kiyiqiu no akoghe mlaphe keu, pishikiqhi shika chekeu huye kiu ala ani kea? Kughengu atsa pikümla julho mla kelo akümlau ye pa no mlaphe keu pükhübe cheni!

HABAKUK 2:19

Khuu no asülu vilo, Ithulo; iqünhei keu tuqu vilo, Ithulo! ipi cheni keno ahaküsapue. Hipau ye shikalu nani keo? Julo, hi ye ameshoyi ngo ghükayi no dapüani kemu atuthu ye kühae.

ZEFANIA 1:9

Tipani khunono akikhasü ilhe kache ilo anguka eno pishikiqhi vecheo pano mpeu ki shepichhi tsü cheni keno I no ghime nani.

MATTHEW 6:7

“Kughou nongu no inikhuni keno, khalaumi toi akiqi küha keu tsa chilo pi kevilo, kughengu panongu ye atsa kutomo eno kushuo pikeu huno Alhou no chilu tsü nanie pi kümsü cheni.

1 Kor. 12:2

Nongu no ithi anike kughou nongu no Alhou mthano ache keno kiukiu gholau nomu nongu sasü atsa pikümla julho lau wuve cheke.

1 Kor. 8:4

Ikehu, achuqupu pesü ajulho mllakeu tsa loye, ningu no ithi anike “ajulho ye kuchocho aküxü anike kumoe,” eno “Alhou ye lakhi likhi ani.”

SAMUEL ATUGHIU 5:3

Tishiwo thoghiu inaqhe kughou Ashdodmi no ithughi keno, julo, Dagon ye agi no ayeghi lo pishiqhope Ampeuw Puloshoqhi Bohu zülo ikiqipe aghi. Tighenguno panongu no Dagon ikhiqhe luve eno pa-a lo ghope qhive.