KUKAMI ATUGHIU 17:13 - Sumi Naga CL (Re-edited) Bible (BSI)

¹³ Ikemu Elijah no pi, “Amlosa kevilo, wuno nono pike toi shilo, ikemu atüghüshi tipau pesü asho aghulo lakhi mlape I lau süghilo eno tithiu no achili aghikeu pesü o nu nokujo sala kutolo.

BAIBEL (BSI)

¹³ “Amlo sakivilo, “ pi Elija no li vilo pi. “Wono oghulhu kutolo. Ikemu atughushi nono kiu anikeno tipau pesu asho aghulo lakhi mlano pesu ilau sughilo eno tithiuno achili aghikeu pesu onu okujo sala kutolo.

KUKAMI ATUGHIU 17:13 ပူးပေါင်းရင်းမြစ်များ

BOTHUBO 26:24

Eno Ampeu no tipaji pa lau ipeghi no pi, “Ni ye o pu Abraham Lhou ke. Msa kevilo, kughengu I no o gholo ani, eno o kümghatsü nani eno I qeu Abraham je lono o tikughuko kighishe tsü nani.”

KUKAMI ATUGHIU 17:12

Li no khochile, “Ampeu o Lhou je lono pi anike ni ye asho kunuve keu kühae, ikemu ashomkhu au kichhi lakhi ani eno thazü kitila abohu lo ani. Itehi ni ye asü kichepe ilo no I nu nikujo ghenguno kutope chuve no tithiu ye thiniae.”

KUKAMI ATUGHIU 17:14

Kughengu Ampeu Israel Lhou no ishi piani, ‘Ampeu no tsütsüghu akiniu puwu moke kutolo, abohu lo ashomkhu pepühave monani eno ajukhu lo thazü kümsa shivemo nani.’”

KUKAMI AKINIU 6:16

Elisha no pi, “Msa kevilo, kughengu panongu gholo chekemi ye, ni laumi pachi ani.”

YEKIKITHI AKINIU 20:17

Nongu ye hipa ghüshi shimo nani. Mtotoi puthugho lulo, eno nongu züqhushi Ampeu no xakulu tsükeu julo, O Judah ngo Jerusalem timi.’ Msa kevilo eno aghüthisü kevilo. Thoghiu panongu küpüghü nike wulo, eno Ampeu no nongu gholo anani.”

IPEKULU 14:13

Moses no timiqo vilo pi, “Msa kevilo, mtotoi puthugho lo, eno Ampeuw xakulu, khikhi Pa no nongu ghenguno ishi tsala lo mla nani keno ti julo. Kughengu Egyptmi khunoqo nongu no ishi ithulu ani keno, nongu ye panoqo khilemu ithulu kithemae.

AHOLE 3:9

O küakini eno o u ghülo pekighi amsüu pesü Ampeu gihulo;

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

ISAIAH 41:13

Kughengu Ni Ampeu, o Lhou no, o u ajeu sünhepe anike; I no o vilo hi piani, “Msa kevilo, I no o kuphu nani.”

MALAKI 3:10

Chighi saje kümtsü Iw pekükütsüki lo süghilo, tishianguno I ki lo achuqupu apenie. Tithiuno I no nongu ghenguno atsütsü lashe khaqhi tsüno nongu no lukümkha shimoke kutolo kükümgha lepiqi tsü nani mala I pejulo, aqokitikhi Mpeu no pi.

MATTHEW 10:37

Khukhumu apu momu aza kimiye akeu nguno alau I kimiyemo keu ye I laumi shiküzüpu kumoe, eno khukhumu apuanga kimiye akeu nguno alau I kimiyemo keu ye I laumi shiküzüpu kumoe.

MATTHEW 28:5

Kungumi huno totimiqo vilo pi, “Msa kevilo, kughengu nongu ye kros lo yedave keu Jisü juniye chenie pi I no ithi ani.

MATTHEW 6:33

Ikemu atüghüshi Alhou yekipe eno Pa mikucho phulo, eno thime hi kümtsü pesü nongu lau küphatsü nani.

Apostolmi 27:24

eno pi, ‘Msa kevilo, Paul, no ye Caesar zülo puthugho masae. Julo, Alhou no zükilu lo o gholo kichemi kümtsü o tsüvae.’

IBRIMI 11:17

Aküpülü lono Abraham ye pa peju kelo, pa nu Isaac pesü mlla, Alhouw pikiqhi ithukuluu huno pa nu lakhi akeu pesü mllani ye shi,

1 Peter 1:7

tishianguno nongu küpülü ye ghukimthepe athicho shilu peniye ke. Ameshoyi ye ami lono piti kimthe anamu pühave cheni, ikemu nongu küpülü ye ameshoyi nguno amekushou kehu Jisü Khristo pephe piye kelo shekiqhe, ajuküvü eno agigihu ithulu kepu shimasae.