KUKAMI ATUGHIU 16:24 - Sumi Naga CL (Re-edited) Bible (BSI)

²⁴ Pa no ghükayi ahu 70 pesü Shemer ipikeu launo Samaria toghi qhüluve no atoghi homxa aliwo shive, eno tipau phughi pesü ti ampeu Shemer je lono Samaria ipi kuvetsü.

BAIBEL (BSI)

²⁴ eno tsandiyi 6,000 pesu timi lakhi paje Shemer ipikeu launo Samaria toghi qhulu. Omri no tipau toghi homxa aliwo shive eno taun tile mlasuluve, tipau taun pesu inahuu tipau to pighiu Shemer je lono Samaria ipi aje kuvetsu.

KUKAMI ATUGHIU 16:24 ပူးပေါင်းရင်းမြစ်များ

KUKAMI ATUGHIU 13:32

Kughengu Ampeu tsa vecheo pa no Bethel lo akümlla-khache ngo Samaria lo mishighünaqo lo qhemghai ke-a akeqo lau müsüini püakeu kümtsü shikupu nani.

KUKAMI ATUGHIU 16:32

Pa no Baal kümllaki Samaria lo shiqhe keu lo akiptia mlatsüe.

KUKAMI ATUGHIU 18:2

Elijah no Ahab zülo wu. Tipa ghuloki lo Samaria lo ighono püqümiye ae.

KUKAMI ATUGHIU 20:1

Syria kükau Ben-hadad no paw ghüshimi kümtsü hekütsü. Kükami shighi kini no khurshi ngo khurkulu sasü pa gholo küqha, eno pa no Samaria lenike bosü luve no lethu.

KUKAMI ATUGHIU 22:37

Hitoi akükau ye thive, eno Samaria lo shiqhove.

KUKAMI AKINIU 10:1

Ahab ye anu lhotsüni Samaria lo ache. Ikehu Jehu no yesü hitoi yepe Samaria lo yepemi lau, layemi eno Ahab nuli jukükütsümi kümtsü lau tsüpuwu,

KUKAMI AKINIU 15:13

Akükau Azariah Judah kükau yepe mpe shighi atokuu lono Jabesh nu Shallum no Israel lo ayepelu, eno pa ye Samaria lono aqhi lakhi ayepelu.

KUKAMI AKINIU 17:1

Judah kükau Ahaz yepe mpe chighiakiniu lono Elah nu Hoshea no Samaria lono Israel shou ayepelu, eno pa ye ampe toku ayepe.

KUKAMI AKINIU 17:24

Assyria kükau no Babylon, Cuthah, Avva, Hamath eno Sepharvaim lono timiqo saghi no Samaria mishighünaqo lo Israelmi theli lo qhive. Eno panongu no Samaria qhasü luve no mishighünaqo lo küghünave.

KUKAMI AKINIU 17:6

Hoshea yepe mpe atokuu lo, Assyria kükau no Samaria leluve eno Israelmi küghape Assyria lo sawo Halah lo ngovepe, khami no sawo Gozan ghoki phivilo Habor lo qhive, eno khami no Medes lo mishighünaqo lo ngovepe.

JEREMIYA 41:5

Shechem, Shiloh, eno Samaria lono timi lhotache akichimhi miyeve, aphimini ixü, eno aphimpi kihelepe athi kümllagho ngo axokütsüngü pesü achineki lo Ampeu lau ighi.

AMUS 6:1

“Zion lo akuchhoma shi akemi, eno khunono Samaria naghuto lo ililai ani keno, shiye dolo ajekipimi atüghümi, khunoqo lau Israelmi no wu acheni keno ahasapue!

MICAH 1:5

Hi kümtsü Jacob xine eno Israel lagha xine ghenguno ke. Jacob xine ye kiu kea? Ti ye Samaria ke kumo? Eno Judah kuchuqu-a ye kiu kea? Ti ye Jerusalem ke kumo?