KUKAMI ATUGHIU 14:23 - Sumi Naga CL (Re-edited) Bible (BSI)

²³ Panongu no pano ghenguno atoghi eno asübo kümtsü lo qhemghai ke-a, atsükucho, eno Asherim mlape qhi,

BAIBEL (BSI)

²³ Panonguno kichileu lhou ghenguno akumlla-a shisuno tile atu tsukucho shosuno Ashera julho shipukuno atoghi eno asukicheqho kumtsulo mllapeni keu shie.

KUKAMI ATUGHIU 14:23 ပူးပေါင်းရင်းမြစ်များ

KUKAMI ATUGHIU 12:31

Pa no atoghiqo lo akümlla-a mlano Levi kumomi pesü achinemi shi süsüve.

KUKAMI ATUGHIU 14:15

aghoki lo amtübo sükini aketoi Ampeu no Israel ghime no ayeghi kivi khikhi pano puasüqo tsü keno, tileno panongu nhüpe Euphrates nguno hulau apanagha puwuve nani, kughengu panongu no Asherim mlakeu lono Ampeu mlo shikighide tsüke.

KUKAMI ATUGHIU 15:12

Pa no aghakhu lono achineki lo kiptimi kütüqhami eno pa puasüqo no ajulho mlakeu kümtsü ikhive tsü.

KUKAMI ATUGHIU 20:23

Syria kükau qholo kijemi no pa vilo pi, “Pano lhouqo ye atoghi lhou kehu ningu nguno akumtou kena. Ikemu nino panongu sasü aqa lono aghüshi aye, mtsüqheino pano nguno akumtou shinani.

KUKAMI ATUGHIU 3:2

Ampeu je ghenguno achineki shimono ache kehu timiqo ye qhemghaike-a lono aghashi che.

KUKAMI ATUGHIU 3:3

Solomon no Ampeu kimiye eno papu David pimheyeqo papeche, ikemu pa ye qhemghaike-a lono aghashipe mlla che.

KUKAMI AKINIU 10:26

eno achineki tsükucho pesü ipeghi no pitive tsü.

KUKAMI AKINIU 16:4

Pa no qhemghaike-a, atoghi, eno asübo kicheqho kümtsü lono aghakishi ngo akümllagho pesü mllae.

KUKAMI AKINIU 17:16

Panongu no Ampeu pano Lhou zakütsü kümtsü pheve, eno pano sala ayi no amshiti julho kini mlape qhi; panongu no Asherah mla no atsütsü lo ayepuqo mlla eno Baal huthu.

KUKAMI AKINIU 17:19

Judah ghi Ampeu pano Lhou zakütsü pemove, eno Israelmi no peche keu khuayeqo haluve.

YEKIKITHI AKINIU 24:18

Panongu no pano puasü Lhou Ampeu chineki pheve no Asherah ngo ajulhoqo qeuve. Akipimi hipau ghenguno Judah ngo Jerusalem shou aloghu ikughive.

YEKIKITHI AKINIU 28:4

Pa no aghakishi ngo akümllagho pesü qhemghaike-a, atoghi, asübo kicheqho kümtsü lono mllae.

IPEKULU 34:13

Pano kümlla khache tulave tsü, atsükuchoqo kubove tsü eno Asherah julho loqhive tsülo

ISAIAH 57:5

Nonguw aphisübo ngo asübo jeli qholono ashiaji ghasümla no ghüghüshi chekeqo, nongu ye akhila eno atuxu lono nongu tianuli heqhipe aghakishi shi mllae.

JEREMIYA 17:2

pano tianuliqo no asübo eno qhemghai keu toghi lo pano kiptia eno Asherim akeqo kümsülu nani.

JEREMIYA 2:20

“Khaghi no I no ow kuokhasü hephove tsü eno o kütsüghaqo süthave tsü kemu nono pike, ‘Ni ye O qemoe.’ Iyei, atoghi kümtsü lo eno asübo kümtsü qholo nono kütüqhalimi toi ihozü ke.

JEREMIYA 3:13

Nono Ampeu o Lhou hebideve o pulou pesü asüminipho qholo inaghami lau tsüve no I tsa gholu move keu kipimi kepi ikhilu lo, ipi Ampeu no asheshu.

EZEKEL 6:13

Ghiqhive keqo no akiptia homxape ajulho akeqo gholo, qhemghai keu toghi lo, naghuto kütsüqa lo, asübo lo, aphisübo miniboi keu lo, khile khilemu panongu no pano julhoqo lau axokütsüngü mlla chekeu-aqo lo ikiqi aghi kelono panongu no Ni ye Ampeu kepi ithi nani.

EZEKEL 6:3

Nongu Israel lo naghutoqo, Ampeu Alhou tsa inilo! Ampeu Alhou no naghuto eno atoghi, akuthoku eno akhilaqo vilo ishi piani: Julo, I no azütakikihi nongu shou süghi nani eno qhemghaike-aqo kütsave tsü nani.

EZEKEL 6:6

Nongu no khile khilemu küghüna keu mishighünaqo ye shipüsave nani eno qhemghaike-aqo ye kütsave nani, ikehu nongu kümlla khacheqo ye shipüsa eno kütsave nani, no julhoqo ye kubove eno kütsave nani, now axokütsüngü kiptia hephove nani eno nongu kümlaqo shipühave nani.

HOSIYA 10:1

Israel ye nibonilei keu tsaibo tipau ye axathi pithi acheni. Pa xathi no ikowo ke kümtsü pa no alau akiptia mla cheni; pa ghakhu no ikoishe kelo pa no pa tsükuchoqo shikumto cheni.

ACHINE 26:1

“Asü-atu julho, atsükucho momu atu yekütha koghe mlape tipa zülo itsaqi moni, kughengu Ni ye Ampeu nongu Lhou ke.

MICAH 5:14

I no nonguw Asherah julhoqo akuhu lono nhüve tsüno no phughiqo kütsavetsü nani.

ZAKINIU 12:2

Nongu no shiye hale niye akeqo no pano lhou mlla cheke-a, naghuto kuchuqu, atoghiqo, eno asübo qholo ache keqo kümtsü kütsave lo.

ZAKINIU 16:22

Nongu ye atsükucho qhimoni, kughengu Ampeu no tipaqo mithi ke.”