KUKAMI ATUGHIU 12:28 - Sumi Naga CL (Re-edited) Bible (BSI)

²⁸ Ikehu akükau no akükümsü luno ameshoyi mishiti julho kini mla, eno timiqo vilo pi, “Nongu ghenguno ado shulo Jerusalem lo wu ighivae. O Israel, nongu lhou Egypt lono nongu saipeghi keu julo.”

BAIBEL (BSI)

²⁸ Tishi kumsuve kethiu, pano shuna no amshiti julho kini mla eno pawu timiqo vilo ishi pi, “Nongu ghenguno Jerusalem lo wuno mlla nikeuye alaghi shuloe. Israilmiqo, hino nongu lhouke, hino Ijip lono nongu saipeghiluke!”

KUKAMI ATUGHIU 12:28 ပူးပေါင်းရင်းမြစ်များ

KUKAMI ATUGHIU 14:9

Ikemu no ye o züumi kümtsü nguno alau axine kije shivae eno I milive no o sala kütau lhou ngo ayi julho mlakeu lono I mlo shikighide tsüke.

KUKAMI ATUGHIU 15:26

Pa ye Ampeu zülo axine shi, eno pa pu laghi lo chewu no pa xine no Israel sasü axine lo ilove.

KUKAMI ATUGHIU 16:19

Hi ye pa no Ampeu zülo axine shikeu, Jeroboam toi xükeu, eno pa no axine shikeu lono Israelmi ghi axine shipe keu ghenguno ke.

KUKAMI AKINIU 10:29

Ikemu Jehu ye Nebat nu Jeroboam no Israel pelo axine shipe keu xine lono tsüghüve moke—ti ye Bethel ngo Dan lo ameshoyi mishitsü julho.

KUKAMI AKINIU 17:16

Panongu no Ampeu pano Lhou zakütsü kümtsü pheve, eno pano sala ayi no amshiti julho kini mlape qhi; panongu no Asherah mla no atsütsü lo ayepuqo mlla eno Baal huthu.

KUKAMI AKINIU 17:8

eno Ampeu no shiye panongu zülono haphe keqo khuaye pape, eno Israel kükami no shiche keu khuaye papeve kehue.

YEKIKITHI AKINIU 11:14

Levimi no panow aqü yeghi ngo amheghiqo qhive no Judah ngo Jerusalem lo ighive, kughengu Jeroboam ngo pa nuliqo no pano pelo Ampeu chinemi shipe move,

YEKIKITHI AKINIU 11:15

Jeroboam no qhemghaike-a lo ane ngo amshiti mla keqo ghenguno pa chinemi süsüve.

YEKIKITHI AKINIU 13:8

“Itehi nongu ye Ampeu no David laghami tsüve keu kükaqha sasü kumjoni ke kümsü no aqokitikhi kije cheni, eno nongu lhou shi penike Jeroboam no mlatsü keu ameshoyi mishitsüqo sasü cheni.

YEKIKITHI AKINIU 15:3

Ado kushuo kutolo Israel ye kuchou Lhou sümo, achinemi shiküka sümo, eno ayezah pemono xüche.

YEKIKITHI AKINIU 17:4

ikemu pa puasüqo Lhou phuke, eno Israelmi khuaye kumono Alhou zakütsüqo pape.

YEKIKITHI AKINIU 21:6

Ahab kibolomi no shike toi pa ghi Israel kükami xine laghi papeuve, kughengu pa nipu ye Ahab nonga ke. Pa ye Ampeu zülo kiu no axine keno shike.

YEKIKITHI AKINIU 33:7

Pa no ajulho mlape Ampeu kilo qhi, tipa ki vehulo Pa no David ngo pa nu Solomon vilo pi, “Israel shiaye kümtsü dolono I no kishelu keu, aki hipau lo eno Jerusalem lo, I no I je pesü alhokupuju ghenguno qhi nani,

IPEKULU 1:10

Ighilo, ningu tsükhüi shi panoqo peitha luveni nolo, tikumo aye panongu no kughuko wove no tsala aghükishi ipeghi aye, panongu no ni ghümi gholo küqhano ni mjochile eno ayeghi hipau lono pokave nosae.”

IPEKULU 20:4

“Nongu ye no sala ajulho mlape qhimoni, momu kunguu atsütsü lo momu aqhou ayeghi lo momu ayeghi qhou azü lo kiu kimihimu mlape qhimoni.

IPEKULU 32:25

Kughou timiqo kighileve aghi keu Moses no ithulu keno (kughengu aghümi zükukujopu shi Aaron no panoqo kighileve ke),

IPEKULU 32:4

Pa no panoqo u lono ikhiluve no kogheküghü mla chekeu tinhemgha pesü ameshoyi mishitsü lakhi mlave. Timiqo no pi, “O Israel, hipaqo no nongu lhou, Egypt yeghi lono nongu saipeghi keqoe!”

IPEKULU 32:8

Panongu ye I no azah tsükeu laghi lono paikhavi tsüghüvae. Panongu ye pano sala ameshoyi mishitsü lakhi mlave no ti mlla auvae eno tipau lau aghashi no pi, ‘O Israel, hipaqo no nongu lhou, Egypt lono nongu saipeghi keqoe!’”

AHOLE 14:12

Alaghi khikhino achipi kepi kümsü ani keno ashekha loye tino akithipu laghi shi aghive cheni.

ISAIAH 30:1

Ampeu no pivae, “I kukughu lumono kughu chekemi eno axine küpha ghi I Ghungu no pulomo keu visho shi, kuthovi chekemi hasapue;

ISAIAH 30:10

tungkupmi vilo ishi picheni, “Juchho kevilo,” momu, “Ni vilo achipiu tsa pi kevilo; akishekütsü, kümsükuju tsau pesü ni vilo pilo,

EZEKEL 16:26

Nono ghaghumi o kisüghümi Egyptmi sasü kütüqhae, eno I loghu shikighide tsüniye nono kütüqha keu küghüsü ke.

EZEKEL 23:8

Li ye asalha khikhi li no Egypt lono huthu keno ti phevemoe; kughengu li lhothe lono apulhothemi no li shou iku eno li thathe kichhi pemgha no panoqow kütüqha keu pesü li shou lepuku ke.

DANIEL 3:1

Akükau Nebuchadnezzar no ameshoyi julho lakhi mla, tipau ye akiqhelau auxakuchho muku tsüni eno akijelau no auxakuchho küthü. Pa no tipau pesü Babylon lo Dura qayeghi lo ghope qhi.

HOSIYA 10:10

Kughou I no puloveni keno, I no panoqo shikümzü nani, panoqo xine kütsasa ghenguno pano tsügha kelo shiyeqo no hekütsüpe panoqo mjochile nani.

HOSIYA 10:8

Aven lo akuchuqu-a, Israel xinepu hu ye kütsaleve nani. Asahu ngo koghesahubo no akiptiaqo lono ipeghive nani, panongu no naghuto vilo, “Ni küghütshülo,” eno atoghi vilo, “Ni nhaluvelo!” ipi nani.

AMUS 5:5

ikemu Bethel phuwu kevi, eno Gilgal momu Beersheba lo wu kevilo; kughengu Gilgal ye mtsüqhei haphe sawuve nani eno Bethel ye kiumu kumove nani.”

AMUS 8:14

Samaria kipimi jeku tushoqhi, eno ‘O Dan, o lhou xü anike,’ momu ‘Beersheba Laghi anike,’ ipi chekemi ye ikiqive nani eno khilemu ithughi kithemo nani.”

2 Peter 2:19

Panongu no khaqhikiphe ghili picheni, ikemu pano ampi ye shiküpsapu qemi. Kughengu kiukiu nomu timi shou qhasü luve aye, timi huye tipau qüaxemi ake.

SAMUEL ATUGHIU 27:1

David no pa mlo lono kümsü, “Ni ye ghulo lakhi lo Saul u lono thive nani. I ghengu ye Philistiami yeghi lo pove keu nguno akiviu kühae. Tileno Saul ye Israel ghuthu lo I phuju pühave no aghüthi süve nani, eno ni ye pa u lono pokaluve nani.”