KUKAMI ATUGHIU 11:38 - Sumi Naga CL (Re-edited) Bible (BSI)

³⁸ Tsala I qeu David toi I no azah tsükeu chilu no I laghi lo cheche aye, eno I zülo kiu no achipi keno tishi aye, I no O gholo anani eno David kümghatsü ketoi I no O lagha shikumto no Israel pesü o tsünani.

BAIBEL (BSI)

³⁸ Tsala nono ighokulu shi aye, iyezah vechewo xu aye eno ino kiu zah tsukeno tipau qholono mla aye iqeu David no shiketoi niye alhokuthu osasu anani. Ino opelo Israil kukau shipe nani eno opolo kughuko vechewo oshelo ghi ayeh pelu wopeni ino David lau shitsuketoi.

KUKAMI ATUGHIU 11:38 ပူးပေါင်းရင်းမြစ်များ

SAMUEL AKINIU 7:11

Eno püzüu I no xaküthami süsüke ghuloki lo toi ngukangughami ye panongu ghime kithemo nani. Nongu ghümi kümtsü launo I no nongu kulhoqhi tsü nani. Tinguno alau, Ampeu no o lau shuphe anike Pa no o sala aki shitsü nani.

SAMUEL AKINIU 7:16

O lagha eno o kükaqha ye alholo I zülo mtsüqhei anani. O kükalakhü ye alholo ghenguno shosüve nani.’”

KUKAMI ATUGHIU 11:37

I no o pesü Israel kükau shipeni eno o ngulho no lunishike thaqhü alughi kümtsü shou ayepelu peni.

KUKAMI ATUGHIU 11:39

Solomon xine ghenguno I no David kughukomi aghime tsünani, ikemu alholo ghenguno kumoe.’”

KUKAMI ATUGHIU 11:4

Pa no muchomi shiuve kelo pa nipuqo no pa sasü kütau lhouqo lau wuve, eno pa pu David no amlo kuchopu Ampeu pa Lhou tsüche ketoi, pa ye tishi move.

KUKAMI ATUGHIU 3:14

O pu David toi nono I gholu, I yezah eno azakütsü pelu no I laghi lo cheche aye, I no o xüpushu tsüni.”

KUKAMI ATUGHIU 6:12

“Nono aki hipau mla akeu vehu lo, nono I yezah lo cheche, I khuaye lo gholu, eno I zakütsü kümtsü pelu aye, I no o pu David lau piqhi püakeu, o vecheo shikupu tsüni.

YEKIKITHI ATUGHIU 17:10

ti ye püzüu I no Iw timi Israelmi jukütsü penike xaküthami süküsü shike ghuloki lo toi pemonie. I no o ghümi kümtsü qhasüve tsüni, tinguno alau I no o lau shuphe anike, Ampeu no o sala aki shitsü nani.

IPEKULU 1:21

Jukupunumi pama no Alhou sümsa ke ghenguno Pa no pama kibo kughu tsüe.

IPEKULU 19:5

Tighenguno itehi, nongu no mtsüqheino I tsa gholu eno Iw puloshoqhi pape aye, nongu ye ayeghi lo timiqo kümtsü dolo Iw akughupu mheghi shi nani, kughengu ayeghiqha kümtsü Iw ke;

ZEKHARIA 3:7

“Aqokitikhi Mpeu no hitoi piani: Tsala nono I laghi lo cheche eno I zakütsü pape aye, nono I kilo ayepe nani eno Iw küghaki peitha nani, eno khunoqo hile puthugho ani keno tipaqo gholo ighikulupu chipiu tsü nani.

ZAKINIU 12:25

Nongu ye ti chumoni, kughengu nongu no Ampeu zülo kiu no achipi keno ti shiaye, nongu eno no tianuli ghenguno akivipu shinani.

ZAKINIU 15:5

Nongu no tsaqüi Pa gholu eno ishi tsala lo I no azah nongu tsü akeu kümtsü kutokupui pelu aye,

ZAKINIU 31:8

Ampeu no o züu chenani. Pa ye o gholo chenani eno o phevemo momu qhivemo nani. Msa momu amlo hauve kevilo.”

JOSHUA 1:5

Nono xüake tivilo timi khunomu o theqhimla nani. I no Moses gholo acheke toi o gholo anani. Ni ye khilemu o qhivemo momu o phevemo nani.

SAMUEL ATUGHIU 2:35

Eno I no I ghenguno pükhükulupu chineu lakhi puthu nani, pa no I mlo lo eno I kükümsü lo kiu ani keno tipau kiqi lono mla nani. I no pa ghenguno aki lakhi shiqhe nani pütsa, eno pa no Iw nukishe luve keu zülo pülhapuju ipe-ilo nani.