KUKAMI ATUGHIU 11:23 - Sumi Naga CL (Re-edited) Bible (BSI)

²³ Alhou no Eliada nu Rezon ghi xukutho no Solomon ghümi shivepe. Rezon ye pa mpeu Zobab kükau Hadadezer launo pove ke.

BAIBEL (BSI)

²³ Alhou no Eliada nu Rezon ghi xukuthono Solomon mithi thuvepe. Rezon ye pa mpiu Zoba lo akeu akukau Hadadezer launo povekemike,

KUKAMI ATUGHIU 11:23 ပူးပေါင်းရင်းမြစ်များ

SAMUEL AKINIU 10:8

Ammonmi no ipeghi no khagho ikulo lo aghü shiniye kutope ngove, Zobah ngo Rehob lo Syriami eno Tobmi ngo Maacahmi no bokütha kühakeu qhalo ngove.

SAMUEL AKINIU 16:11

David no Abishai eno pa qemi kümtsü vilo pi, “Julo, I nu thotsü I küxü phucheni aye itehi Benjaminmi hipau ye tinguno alau shinani thono! Pa lokutove lo, pa pelo ghusho apelo, kughengu Ampeu no pa vilo tishilo pike.

SAMUEL AKINIU 8:3

David no Euphrates ghoki qhalo pa küka ikhichile luve niye wuke lono Rehob nu Hadadezer Zobah kükau ghi theqhive.

SAMUEL AKINIU 8:5

Kughou Damascus lo Syriami no Zobah kükau Hadadezer kuphuni ye ighi keno, David no Syriami qhethonhe muku kini ghiqhive.

SAMUEL AKINIU 8:8

Hadadezerw mishighüna Betah ngo Berothai lono Akükau David no alazayi kümzapu ikhipe wuvetsü.

KUKAMI ATUGHIU 11:14

Ampeu no Edom küka lagha lono ighikeu Hadad pesü Solomon ghümi shivepe.

KUKAMI ATUGHIU 11:22

Ikemu Pharaoh no pi, “No ye I gholo kiu püqüve keno itehi ye o ghakhu lo woveni ke kughu ani kea?” Ikemu pa no pi, “Tishimoe, qeti I pelo wove pelo.”

KUKAMI ATUGHIU 15:18

Tileno Asa no Ampeu kilo eno kükaki lo akini küakini ghükayi eno ameshoyi kümtsü pa qemi u lo sütsü no Damascus lo Hezion nu Tabrimmon nu Syria kükau Ben-hadad lau puwu no pipe,

YEKIKITHI ATUGHIU 19:6

Kughou Hanun ngo Ammonmi no panongu ye David lau kumthu-kümna shivae pi vethalu keno, panongu no Mesopotamia, Aram-maacah, eno Zobah lono khurkulu ngo khurshimi piqe nike ghükayi ahu qhethonhe shighi-bidi qhalo pesü tsüpuwu.

EZRA 1:1

Persia kükau Cyrus mpe atüghüu lo, Ampeu tsa Jeremiah kichi lono pikeu shikupu niye, Ampeu no Persia kükau Cyrus ghungu xukutho, ikehu pa no pa kükaqha kümtsü lo ashekushu lakhi shino tipau akiye lo süve:

LESHELE 60:1

O Alhou, Nono ni milivae, ni ghukhe-a kubove tsüae; No ye amlo ideve ke; ningu pesü athoputho tsülo.

ISAIAH 13:17

Julo, Babylon sasü küpüghü penike ghükayi ngo ameshoyi no qhümlani kemi Mediami I no xukutho ani.

ISAIAH 37:26

“I no khaghi no kughupe qhive keu no ye chimla aphi keshea? Ishi kiu shikupu ani keno, ti ye I no püzüu no kughuchhove ke, ikehu nono aliwo kuptu phughiqo hepho ilo mukhumuno shilue,

ISAIAH 45:5

Ni ye Ampeu; alhou kütau khumu kühae, I nguno kütau lhou kühae; nono Ni ithimo kemu, I no o shikumto cheni,

EZEKEL 38:16

Khüngküsü kije no ayeghi küzüpe aketoi nono Iw timi Israelmi leighi nani. O Gog, hithiu tsala lo I no o sawo I yeghi lepe nani, tishikeu lono shiyeqo nhethe lo o vecheo I no I kimthe chipiu phuphe kelono panongu no Ni ithi nani.