KUKAMI AKINIU 4:38 - Sumi Naga CL (Re-edited) Bible (BSI)

³⁸ Kughou aghakhu lo püqümiye akeno, Elisha no Gilgal lo ighi. Tungkupmi loji no pa zülo iqa akelo, pa no pa qeu vilo pi, “Ali kije lono akulhozü shipe panongu piyelo.”

BAIBEL (BSI)

³⁸ Ghuthu lakhilo, ayeghi kumtsu lo puqumiyekeu ighike lono Elisha ye Gilgal lo idewove. Kughou pano tungkupumi aloji lakhi shika akeno pano pa qeu vilo ali kije lakhi amilo pepukuno akulhozu shipesu panongu piyelo ipi.

KUKAMI AKINIU 4:38 ပူးပေါင်းရင်းမြစ်များ

BOTHUBO 25:29

Ghulo lakhi Jacob no ayekulho lho akelo, Esau ye aluza lono ighi eno pa ye amzü no thiqhivae.

SAMUEL AKINIU 21:1

David ghuloki lo ampe küthü ishokibe püqümiye ighive kehu pa no Ampeu phuighi. Ampeu no pi, “Aji pelekeu kipimi Saul eno pa kibo shou ani, kughengu pa no Gibeonmi pithive ke.”

KUKAMI ATUGHIU 17:1

Gilead lo Tishbemi Elijah no Ahab vilo pi, “Ampeu Israel Lhou xüküau, I no huthu chekeu je lono pi ani, I tsa lono kumo aye, hithiu ampe hami dolo atsüzü na tsütsüghu namu ighimoae.”

KUKAMI AKINIU 2:1

Ampeu no amülhü lono Elijah sasü kungugha lo ikuve niye akelo, Elijah ngo Elisha pama ye Gilgal lono wuche.

KUKAMI AKINIU 2:3

Bethel lo tungkupmi loji no Elisha lau ipeghi no pi, “Ampeu no ishi tsala lono o launo o mpeu sawuve niye akeu no ye ithi anima?” Elisha no khochile, “Iyei, ni ye ithi ani, qümüi shilo.”

KUKAMI AKINIU 4:1

Tungkupmi loji lo milakhi nipu achimeu no Elisha vilo ighamku pi, “O qeu, I kimi ye thivae, eno nono ithi anike o qeu ye Alhou sümsa chekemi, ikemu pa no timi lakhi pi puakeu huno ighi püzü I nu pama aqemi shi penike sawuve niye ani.”

KUKAMI AKINIU 4:39

Panongu gholo lakhi no aluza lo ayetsüni süghi niye wukelo aghasa lo akighibo lakhi ithulu no tipau lono apoxi kutomo xopughi, eno ti ye kiu keno mtha püzü yethape akulhozü lo süve.

KUKAMI AKINIU 8:1

Elisha no aza khuu nu xüputhu tsü keno, li vilo pa no pi, “Ithulo, eno kibolomi sasü khile khilemu ado hami ghenguno ngo kepushi wuve lo, kughengu Ampeu no hipa ghakhu lo ampe tsüni püqümiye puwuni cheni.”

JOB 30:4

vashuniye ngo achhophebo kuhu pesü pano khuna shicheni.

AHOLE 8:34

Khuu no I tsa chilu no tsalakipe Iw khagho lono I jukuto, I kikha lono kheni keno akümghapue.

EZEKEL 11:3

panongu no pi, ‘Aki mlani keu do ighi mphie. Mishighüna hipau ye aliqu ke eno ningu no ashileqhi ke.’

EZEKEL 11:7

Tighenguno Ampeu Alhou no piani: Nonguw hekiqhi bukiqhi khikhi nongu no alaghila lo qhipüani keno, tipaqo ye ashileqhi ke, eno mishighüna hipau ye aliqu ke, ikemu nongu ye tipau lono saipeghive nani.

EZEKEL 14:13

“Timi nu, kughou aküpülü küküha kümla vecheo ayeghi no I hebide ghi axine shini keno, I no tipau lachile ghi I u süqhe nani eno tipau lo chuqu-kusho süghi chekeu lakhave tsüno püqümiye puwu nani, eno tipau lono timi eno tüghashi pithive nani,

EZEKEL 24:3

Hekibidemi kibo vilo aholetsa lakhi sheshu lo, eno panoqo vilo pilo, Ampeu Alhou no ishi piani: “Ali lakhi ghope ami lo pukulo; azü ghi tile lesülo;

ACHINE 26:26

No chuqupu laghi I no hekhave tsü kelo, totimi chighi no amiphoki lakhi lono asho shino aphiphi shi kije nani, nongu no tipau chukhave namu müzüthi nani.

AMUS 7:14

Tileno Amos no Amaziah khochile pi, “Ni ye tungkupu kumo, tike kumono tungkupu nu mu kumoe, ikemu ni ye ambekhemi eno tüküthi-mubuthi chiche kemi ke.

Mark 6:37

Ikemu pa no panoqo khochile, “Nongu no kiuala chukepu panoqo tsülo.” Panoqo no pi, “Ningu vilo milakhiw aqhi tsüni jume qhemi no asho qhü pewo panoqo tsülopi keo?”

Luke 10:39

Li tsünipu lakhi Mary ipikeu no Ampeu pukhu philo iqa no paw shiküka tsa inia.

Luke 2:46

Atsala küthü thiu pa no achineki lo shikükami gholo iqa no panoqo tsa ini eno panoqo vilo ighikuju tsa iniju ake lono pama no wo phulu.

Luke 4:25

Ikemu kuchou loye, I no pi anino Elijah ghuloki lo, kughou atsütsü no ampe küthü no aqhi tsügho khave püzü püqümiye kije ighi keno, chimemi kutomo Israel lo ache kelo,

Luke 8:35

Timiqo no ti juniye wu, eno panongu no Jisü lau ighi kelo khuu philono tüghamiqo haphe keno, timi hu Jisü pukhu philo iqa no aphimini pepusü akükümsü ghi achipilo aghi keu ithulu, panongu ye msave.

Luke 8:38

Eno khuu philono tüghamiqo haphetsü keno, timi huno Jisü vilo pa gholo wulu pelo pi qhüiniju, ikemu pa no ishi pino pa puwove,

Luke 9:13

Ikemu pa no khochile, “Nongu no kiuala chukepu panoqo tsülo.” Panongu no pi, “Ya, ningu ye wuno timi hi kümtsü ghenguno achuqupu qhüsüghi nike kumo aye ningu ye asho pungu eno akha kini nguno alau ye kühae.”

John 21:5

Jisü no panoqo vilo pi, “Anuliqo, nongu ye akha anima?” Panongu no “Moe” ipi khochile,

John 21:9

Kughou panongu no amkü lo ipeghi keno, amiyi no ami shikeu shou akha pügha püaghi eno asho ishi panongu no ithulu.

Apostolmi 10:38

Alhou no Aghungu Kimthe eno aküka pesü Nazarethmi Jisü nukishe. Alhou no pa gholo ake ghenguno pa no aqha kümtsü lo wuno akivi kümla shi eno tüghami no qhasüpe akeqo kümtsü shipivi tsüe.

Apostolmi 15:36

Atsala hami thiu Paul no Barnabas vilo pi, “Nikujo Ampeu tsa pesü sheshuve keu mishighünaqo lo idewo no küpülümi kishi ani keno juni nolo.”

Apostolmi 22:3

“Ni ye Jewmi, Cilicia lo Tarsus lono punu, ikemu mishighüna hipau lono saputhu, eno Gamaliel pukhuphi lono ni puasü Yezah kiqi lono akighithi ithulue. Ishi nongu kümtsü toi ni ghi Alhou ghenguno müamzü chekemi.

SAMUEL ATUGHIU 19:20

Ikehu Saul no David saghi peniye aghinimi puwu. Ikemu kughou panongu no tungkupmi loji tungkuptsa pi eno Samuel no panoqo mpeu shi aghi keu ithulu keno, Alhou Ghungu no Saul ghinimi shou ikughive, eno panongu ghi tungkuptsa piuve.