KUKAMI AKINIU 25:27 - Sumi Naga CL (Re-edited) Bible (BSI)

²⁷ Jehoiachin kügha sawuve keu mpe shighi akütsüniu, aqhi chighiakiniu, atsala muku akütsüniu lo Babylon kükau Evil-merodach no ayepe thuke lono, Judah kükau Jehoiachin küpüqhiyi akughu lono khaqhi pheve.

BAIBEL (BSI)

²⁷ Ewilmerodak no Babilon lo akukau shiluke mpe lono pano Juda lo akukau Jehoiachin kimiyeveno akughuki lono khaqhi phevetsu. Ike tiye Jehoiachin kughapesu akughu shiwuvekeu ampe shighi akutsuniu aqhi chighi akiniu atsala muku akutsuniu shi akelonoke.

KUKAMI AKINIU 25:27 ပူးပေါင်းရင်းမြစ်များ

BOTHUBO 40:13

Atsala küthü dolo Pharaoh no o kütsü peqhe tsüno ow hiyam lo süsüve nani, eno püzüu nono pa jukhu kipeu shiche ketoi Pharaoh jukhu pesü pa u lo sütsü nani.

BOTHUBO 40:20

Atsala aküthüu lo Pharaoh punu tsala shiae, pa no aghulhu lakhi pa qemi kümtsü ghenguno kuto eno pa qemi gholono ajukhu kipeu atou ngo asho kümlau atou pama kütsü peqhetsü.

KUKAMI AKINIU 24:12

eno Judah kükau Jehoiachin no pa ampi, paza, paw kijemi, hiyampemi, eno pa kükaki lo kijemiqo pesü Babylon kükau tsüve. Babylon kükau yepe mpe akütacheu lono pa no Jehoiachin akughumi shi sasü wuve,

KUKAMI AKINIU 24:15

Pa no Babylon lo Jehoiachin sawuve. Akükau paza, pa nipuqo, pa qholo kijemi, eno aghakhu lo sakiphemi kümtsü Jerusalem lono küghape Babylon lo wuve.

AHOLE 21:1

Akükau mlo ye Ampeu u lo aghoki zü aketoi, khilekhile mu Pa gholau no sawu cheni.

JEREMIYA 22:26

No eno o za o punuu pesü o punumo keu ghakhu lo I no kihi puwuveni, eno nokujo ye tilano thive nani.

JEREMIYA 28:4

I no Jehoiakim nu, Judah kükau Jeconiah ghi sachile saghive nani, eno Judah lono Babylon lo haphe sawuve kemi sachile saghi nani, ipi Ampeu no sheshu, kughengu I no Babylon kuokhasü hephove tsü nani.”

JEREMIYA 38:17

Ikehu Jeremiah no Zedekiah vilo pi, “Ampeu, aqokitikhi Lhou, Israel Lhou no ishi piani: Nono Babylon kükau hiyampemi lau no liqhipe tsüve aye, o küxü ghülu nani, eno mishighüna hipau ye ami no pitimo nani, no eno o kibo ye xülu nani.