KUKAMI AKINIU 23:24 - Sumi Naga CL (Re-edited) Bible (BSI)

²⁴ Tinguno alau, achinetou Hilkiah no Ampeu ki lono ithulu keu kaku lo yepüa keqo pepimhe wonike akükau Josiah no Judah yeghi lo eno Jerusalem lono tumumi eno kithixashemi, akibo lhouqo, ajulhoqo, eno aphikümqhüpu kümtsü ikhive.

BAIBEL (BSI)

²⁴ Achinetou Hilkiya no Achineki lono ithulukeu yezah kakulo yepua ketoi pimhe wonike ghenguno akukau Josia no Jerusalem lo eno Juda yeghiqhalo tusatumo eno saqhi-sali shichekemi, akilo qhichekeu lhouqo, asu-atu eno ayekumthalo pimhe chekeu khuayeh kumtsu ikhi pevetsu.

KUKAMI AKINIU 23:24 ပူးပေါင်းရင်းမြစ်များ

BOTHUBO 31:19

Laban ye pa mbe mhi ghoniye wuve, eno Rachel no li papu kibo lo pighi chekeu lhouqo püka luve.

KUKAMI AKINIU 21:11

“Judah kükau Manasseh no aphikümqhüpu hipaqo shi, pa züu Amorimi nguno kuthoküzü xine shi, eno pa julhoqo vecheo Judah pelo axine shipe,

KUKAMI AKINIU 21:21

Papu no cheche keu la kümtsü lo pa no chewu eno papu no ajulho huthu chekeqo pa no huthu eno mllae.

KUKAMI AKINIU 21:3

Kughengu papu Hezekiah no qhemghaike-a kütsave tsükeqo pa no shiqhe kitheve, pa no Baal kümlla-aqo mla, Israel kükau Ahab no mlake toi Asherah julho mlae, eno atsütsü lo aqhi ayepu kümtsü mlla ke.

KUKAMI AKINIU 21:6

Pa no pa nu küghape piti mllave eno asheazü kipimi, asakiqhi, tumumi ngo kithixashemi peitha ke. Pa no Ampeu zülo shishe axine shikeu lono Ampeu mlo shikighideve tsüe.

KUKAMI AKINIU 23:23

Ikemu Josiah yepe mpe chighiakütacheu lono Ampeu lau Hechekulu Ghulhu hipau Jerusalem lono ikhilue.

ISAIAH 19:3

pano dolo aghüthiküxü kühave nani, eno I no pano kimji hexavetsü nani; panongu no ajulho, küdüu, tumumi eno kithixashemi küsütsa nani;

HOSIYA 3:4

Kughengu Israel tianuliqo ye atsala kutomo akükau momu kükapumi kühano xünani, aghakishi momu chini kepu tsükucho küha nani, ajulho shisükeu momu asü atu julho pe asaqhi chekeu kühave nani.

ACHINE 19:31

“Tumumi momu kithixashemi lau wumoni; panongu vecheo nongu shikitiqe moni: Ni ye Ampeu nongu Lhou ke.

ACHINE 20:27

“Kiptimi na totimi namu tumumi momu kithixashemi küsütsa keu ye atu no veqhiveni; pa kithi ye pa makho shini.”

Rommi 3:20

Kughengu Ayezah vecheo axine shinikeu ithi keke timi ye khunomu Ayezah pelu keu lono Alhou zülo achipikalu monani.

James 1:25

Ikemu khuu no kupukülai keu yezah, timi kuqhophe chekeu yezah shou jupuku no papeni keno, pa ye chilu no kümsümave kemi kumono mlaitha kemi kehu pa kümla lo kümgha keu shinani.

Piyeküsü 22:15

Kughengu khalau ye atsüqo, küdüu kishimi, ashupu asalhami, ghikiqhimi, ajulho kümllami, eno pishikiqhi kimiye no tipau lono xüche kemi no acheni.

XAKUTHAMI 17:5

Micah ye pa kümlla khache ache, ikehu pa no Ephod ngo aki lhouqo mla no pa nuli lakhi pelo pa chineu kümla shipe.