Kolosiami 3:11 - Sumi Naga CL (Re-edited) Bible (BSI)

¹¹ Hipau loye Greekmi eno Jewmi, aphighüyiko ghave kemi eno ghamo kemi, ayekümthami, tüghashi toi xükemi, aqemi eno ililai kemi kühae; ikemu Khristo no thokha ke, eno kümtsü lo ani.

BAIBEL (BSI)

¹¹ Hipau kuxuloye Grikmi, Judami, aphighu yiko ghakeu, ghamokeu, ayekumthami, akupusho akuxulo achekemi, aquaxemi momu timi qechemokemi ipi kututa shiakepu kuhae, ikemu Khristo ye thwokhalo ke eno kumtsu gholo anie.

Sümi Tiqhelimi Bible

¹¹ Alhoaye akitheu küxü hipau lo ye Jewmi momu Jewkumomi, aphighüyiko ghave kemi momu aphighüyiko ghamo kemi, ayekümthami, Scythiami, aqüaxemi momu kuqhopheve kemi kühae, ikemu Khristo no kümtsü nguno akhotou eno pa ye kümtsü lolo anike.

Kolosiami 3:11 ပူးပေါင်းရင်းမြစ်များ

LESHELE 117:2

Kughengu ningu lau Paw iqemokeu kikimiye ye kije, eno Ampeu pükhükulu ye alhokupuju acheni. Ampeu sheqhelo!

ISAIAH 49:6

Pa no pi: “I no O pelo Jacob shiaye xaqhe eno Israelmi püxü püakeqo sachile saghi peniye I qeu shipekeu ye mthülo ke; ikehu I no o pelo shiyeqo lau aküvü ghi shipeni, tishikeu lono Iw xakulupu no ayeghi shekha tolu peni.”

ISAIAH 52:10

Ampeu no shiyeqo zülono Pa u kimthe xachhovae, eno ayeghi shekha kümtsü lono Alhouw xakulupu ithulu nani.

JEREMIYA 16:19

O Ampeu, I kumto eno I liwo, I veküsa tsala lo I kicheqho, ayeghi shekhau no shiyeqo no O lau ighi no pi nani: “Ni puasüqo ye akimki, ala küha keu ameküküha thimeqo kumo aye kiumu ighilu moe.

EZEKEL 47:22

Nongu dolo eno inaghami nongu gholo auve no atianuli shive kemi sasü amheghi shi kijetha tsülo. Panongu ye Israelmi tianuli aghakütsami kiqi lono kihini, eno nongu Israel shiaye gholono amheghi kothape tsüni.

HOSIYA 2:23

I no I sala shi aghakhu lo li shosü nani. Eno I no küpümoe ipi keqo shou küpükini anani, Iw timi kumoe ipi keqo lau, ‘Nongu ye Iw timie’ ipi nani; pa no pi nani, ‘No ye I Lhou.’”

AMUS 9:12

tishianguno panoqo no Edom lo ghükulumi eno shiye khipaqo Iw ke ipiche keno tipaqo leluve nani,” ipi Ampeu khuu no hipau shi cheni keno Pa no piqhivae.

MICAH 4:2

eno shiye kutomo no ighi no pi nani: “Ighilo, ningu AMPEUw naghuto lo wuni, Jacob Lhou kilo wuni nolo, tishino Pa laghiqo ni shika peni eno nino Pa laghi lo pülanie.” Kughengu Zion lono Pa yezah eno Jerusalem lono Ampeu tsa ighi nani.

ZEKHARIA 2:11

Tipa tsalani shiye kutomo no Ampeu gholo küqhave nani, eno Iw timi shive nani. I no nongu gholo xü nani, eno aqokitikhi Mpeu no nongu lau I puwu kepi nongu no ithi nani.

MALAKI 1:11

Kughengu khetsünhe ipeghike lono ilo moke kutolo I je ye shiyeqo dolo kije shi nani, eno a-a kümtsü lo tsüngqüi keu kümllagho eno akimthe kümllagho I je lono mlla nani. Kughengu I je ye shiyeqo dolo kije shi nani, aqokitikhi Mpeu no pi.

John 14:23

Jisü no pa khochile, “Khunono I kimiye keno, pa no I tsa pelu nani eno I Pu no pa kimiye nani, nikujo no pa lau ighi no pa sasü xünani.

John 15:5

Ni ye atsaibo; eno nongu no alokaqo ke. Khunono I lau ani eno I no khuno lau ani keno, pa no axathi kutomo pithi cheni, kughengu I sümo keloye nongu ye kiumu shimlae.

John 17:23

I no panongu lolo, eno Nono I lolo, tishikeu lono panongu ye kupukülai kubocholu peni, tishianguno ayeghiqha pelo Nono I puwu eno Nono I kimiye ketoi panoqo kimiye cheni kepi ithi penie.

Apostolmi 15:17

tishianguno timi jeli eno Jewkumomi khunoqo I je vecheo kuluve akeno, panongu pelo Ampeu phu peni, ipi Ampeu khuu no khaghi no hipaqo ithipe keno, Pa no pi.’

Apostolmi 28:2

Tile küxümi no paküta keu kimiyekini ningu piye, kughengu tsüghuuve no süthi akehu, panongu no ami shino ningu kümtsü ikhilue.

Apostolmi 28:4

Kughou tipano ghami no pa u lo lhoxü hechijepe akeu ithulu keno, lakhino lakhi vilo pi, “Timi hipau ye mtsüqheino ghikiqhimie. Azüghi lono pojolu namu, Kuchou Xakütha huno pa püxü movae.”

Rommi 1:14

Ni ye Greekmi ngo ayekümthami lau, ithishe kemi ngo mbomzümi lau ghi api xapu anie.

Rommi 10:12

Ikehu Jewmi ngo Greekmi dolo kiyeqü keu kühae; kughengu Ampeu atho no kümtsü Mpeu, eno Pa phuighi kemi kümtsü shou kupukuno shi kümghatsü cheni.

Rommi 3:22

Jisü Khristo lau aküpülü akeu vecheo pülülu kemi kümtsü Alhou lau achipikalu peniye ke. Ikehu tile kiyeqü keu kühae:

Rommi 3:29

Ikeo Alhou ye Jewmi Lhou likhi kea? Pa ye Jewkumomi Lhou ghi ke kumo? Iyei, Jewkumomiw ghi ke,

1 Kor. 12:13

Kughengu Aghungu lakhi lono ningu kümtsü aphimpi lakhi lo baptiz shisüe—Jewmi momu Greekmi na, aqüaxemi momu ghoshixümi namu—eno kümtsü pelo tipau Ghungu yelu peke.

1 Kor. 14:11

ikemu I no akiqi mtha aye khuu no piani keno ni ye pa lau tüsümi eno pa ghi I lau tüsümiae.

1 Kor. 7:19

Kughengu aphighüyiko ghana monamu kihi amoe, ikemu Alhou zakütsü pelukeu no akhotou ke.

Galatiami 2:20

Ni ye Khristo gholono yedavae. I lolo xüakeu ye ni kumovae, ikemu Khristo no I lolo xüani. Eno itehi I no ashi lo xüakeu ye Alhou Nu, khuu no I kimiye no I ghenguno pa ampi tsüve keno, pa gholo aküpülü vecheo xüani.

Galatiami 5:6

Kughengu Khristo Jisü küdau ye aphighüyiko ghakeu na ghamo keu namu kihi amoe, ikemu kikimiye vecheo aküpülü lono mlakeu likhino ke.

Ephesiami 1:23

Ikehu akukuhou ye Khristo phimpi, Pa no kupukülai kughulho tsüke toi tino pa mpi kupukülai tsü cheni.

Ephesiami 2:14

Kughengu Khristo ampi no niw külakishiu ke, pa no ashiaye kini pesü lakhi shive tsüno pa phimpi pesü ningu dolo kijethape kimthikile chekeu tupi hephove tsü,

Ephesiami 2:15

ti ye Ayezah lo azakütsü eno akhuaye jeli kümtsü shipühave tsükeu lono ke, tishianguno pa no timi mqo kini pesü pa lau timi kithe lakhi shi kughulhophe no külashi tsü,

Ephesiami 3:17

tishianguno aküpülü vecheo Khristo no nongu mlo lo ngolu peni, eno kikimiye lo akuhu qüsüpe mtotoi luno nongu no

Ephesiami 3:6

Tuqhou hipau ye Jewkumomi ghi amheghi kiyighimi; aphimpi lakhi lo kuloji küqha kemi; eno atsakiviu vecheo Khristo Jisü gholo Alhou shoqhi küsajelu kemiae.

Ephesiami 6:8

Aqü-axemi na monamu pa no akümla kivi shipüa keu ye Ampeu no tsüchile nani kepi ithilo.

Kolosiami 2:10

eno nongu ye pa launo chhikhoi luvae, pa no ayekipe eno kükagha kümtsü shou akütsü ke.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

2 John 1:9

Khuu no Khristo kükütsü lo kumono pa la kütashi wuveni keno, Alhou ye pa gholo kühae. Khukhumu Khristo kükütsü lo kimepe aghi keu ye Apu eno Anu kinikujo ani.