Kolosiami 2:19 - Sumi Naga CL (Re-edited) Bible (BSI)

¹⁹ eno Khristo khuu Akütsü, khuu launo aphimpi kuchopu tuchomjo tsüno aqü anhü tshü küqhape Alhou launo ighikeu lono thukuu pesü thuwu lupe cheni keno, pa gholo kimepe move pecheni.

BAIBEL (BSI)

¹⁹ Timi tipaqoye Khristo, khuno akutsu keno pa tsuqupe chemovae. Khristo launo atuqhu ngo anhuqo vechewo aphimpi kuchopu kutshukimepe eno aphilo kudapu shilu cheni eno Alhou no thuwupe nishi kehutoi thuwulu cheni.

Sümi Tiqhelimi Bible

¹⁹ Panongu ye Khristo, khuu akütsü keno, pa gholo kimepe movae. Khristo lau no atüqhü ngò anhüqo vechewo aphimpi kuchopu kütshükimelu cheni eno aphi lo küdapu shilu cheni, tisheno Alhou no thuwu penishi ketoi thuwulu cheni.

Kolosiami 2:19 ပူးပေါင်းရင်းမြစ်များ

Luke 5:38

Ikemu atsaiji kithe pesü ahughi kithe lo sümasae.

John 17:21

tishianguno No, Apu no I lolo eno I no O lolo aketoi panongu kümtsü lakhi shilu peni, eno panongu ghi nikujo gholo apeni, tishianguno Nono I puwu kepi ayeghiqha no pülülu penie.

Apostolmi 4:32

Küpülümi kümtsü no amlo akükümsü lakhi shi, eno khunomu pa no kiu akeno ti ye paw ke ipimoe, ikemu panongu ye thokha kümtsü aqü shike.

Rommi 11:17

Ikemu aki lo pighiu olive sübo lo aloka hami no icheve kehu nongu no aghalo olive toi anamu pewo kütami gholo kime kelo itehi ye asübo kuhu gholo thoni-tsanyi küsajelu ani kehu,

1 Kor. 1:10

Athiküzümiqo, ni Mpeu Jisü Khristo je lono I no nongu qhüiniju anike nongu kümtsü no pulo küqhalulo, nongu gholo kijethakile kevi, ikemu akükümsü lo eno küghakütha lo küqhakulu shilo.

1 Kor. 11:3

Ikemu ni ye nongu pelo ithi penishi akeu ye Khristo no kiptimi kümtsü shou akütsü ke, anipu shou ye li kimi no akütsü ke, eno Khristo shou Alhou no akütsü ke.

1 Kor. 3:6

I no abo shosü, Apollos no azü pusü, ikemu Alhou no thuwulu peke.

Ephesiami 1:22

Pa no itaghi thokha kümtsü pesü Khristo pukhu philo qhitsü, eno pa pelo ti kümtsü shou Ampeu shino akukuhou ghenguno akütsü shi peniye ikhiphe tsüe.

Ephesiami 1:23

Ikehu akukuhou ye Khristo phimpi, Pa no kupukülai kughulho tsüke toi tino pa mpi kupukülai tsü cheni.

Ephesiami 2:21

atsükucho eno axu kümtsü Pa gholo kime küqhape Ampeu lau akimthe chineki shi thuwulu cheni.

Ephesiami 4:3

aloino keu kütsügha lono Alhou Ghungu no küqhakulu tsükeu püxü nike alomsülo.

Ephesiami 5:29

Kughengu khunomu pa phimpi mithi chemoe, ikemu Khristo no akukuhou tuchomjo eno loji ketoi pa ghi pa phimpi tucho eno loji cheni,

FILIPIAMI 1:27

Akhotou ye hike, nongu xüghola ye Khristo tsakiviu gholo aküzüqhiyi kimshilu pelo, tishianguno I no ighi no nongu kujuthulu na monamu, nongu ye amlo akükümsü küthape lakhi shino atsakiviu küpülü ghüshi ghenguno kümtsa akumto shi puthugho anipi ni ye chiluni shi ani

Kolosiami 1:10

tishikeu lono nongu pelo qhoi Ampeu lopushi ameküapu küxü xülu: akümla kivi kümtsü lo athi pithilu eno Alhou kighithi ikowolu peni;

Kolosiami 1:18

Pa no aphimpi, ti ye akukuhou, kütsü ke. Pa no hukuthuu, akithi lono xüthughive keu amsüu, ikehu thokha kümtsü lo pa no azüu ke.

Kolosiami 2:2

tishianguno panongu mlo shikumtolu, kikimiye lo ghoküqha luno Alhouw tuqhou kighithi, ti ye Khristo, thebei eno kupukuno shi ithikuthulu penie.

1 Thes. 3:12

eno Ampeu no nongu lau niw kikimiye ikowo eno qochili lupe ketoi, nonguw kikimiye ghi lakhi no lakhi lau tishilu peni,

1 Thes. 4:10

eno kuchou loye Macedonia qha kümtsü lo nongu no timi kümtsü lau tishi cheni. Ikemu athiküzümiqo, nongu pelo hipau alau shi apenike nino nongu hakite ani,

2 Thes. 1:3

Athiküzümiqo, ningu ye alhokuthu nongu ghenguno Alhou shikimthi tsü akepu, ti ye achipi ke, kughengu nongu küpülü ye alau thuiku ani, eno lakhino lakhi lau kikimiye akeu ikowolu ani.

1 Peter 3:8

Ashekhashi nongu kümtsü no akükümsü lo küsükidikulu alo, amlosa küqhalo, athiküzümi toi kimiye kile lo, amlo kümtsha, eno aqhokigheu kükümsü pulo.

2 Peter 3:18

Ikemu ni Mpeu eno Xakuluu Jisü Khristow küpükini eno Pa kighithi lono thuwu alo. Itehi eno lhokta tsala kutolo Pa lau ajekipi shilo. Amen.