Kolosiami 1:5 - Sumi Naga CL (Re-edited) Bible (BSI)

⁵ kughengu kuchou tsape, atsakiviu nongu lau atüghüshi ighi kelo tino nongu sala kungugha lo lajupu kike püatsü anie pi nongu chiluke.

BAIBEL (BSI)

⁵ tiye laju apenike ghenguno kungughalo kikepesu anike. Hipau lajupuye atsakiviu sutsa kuchou nongu lau ighi tughi lono nonguno chiluvae.

Sümi Tiqhelimi Bible

⁵ aküpülü eno kikimiye ye nongu ghenguno kungugha lo lajupu pekütsü pe püakeu lono qò ipeghi anike eno nongu lau atsakiviu kükütsü sütsa kuchou khikhi nongu lau ighi keno tile no nongu ye

Kolosiami 1:5 ပူးပေါင်းရင်းမြစ်များ

LESHELE 31:19

O, O sümsa chekemi ghenguno khikhi akivi Nono pekütsü püani keno, O launo sükusho luche kemi ghenguno mla püakeu ye timi zülo kishi kupukuno shi ani kelae!

Luke 12:33

Nonguw tinhemghaqo jepe aveküsami tsülo. Nongu ampi sala kungugha lo pepüha moni keu kinibo, khile küpkami no ighimla eno apila no tsapüha mla keno, tilau pighi lulo.

Apostolmi 10:36

Atsa khikhi Pa no Israelmi lau puwu keno, ti ye Jisü Khristo vecheo aloino keu tsakiviu pesü sheshu keu nongu no ithi ani (Pa ye kümtsü Mpeu ke).

Apostolmi 13:26

“Athiküzümi, Abraham nuli, eno nongu Alhou sümsa chekeqo, xakulupu tsape hipau ningu lau puwuve tsüae.

Apostolmi 23:6

Kughou tile khami no Sadduceemi eno khami no Phariseemi shi akeu Paul no vethalu keno, pa no hoho lo sheshu, “Athiküzümiqo, ni ye Phariseemi, Phariseemi nuke. I no kithimi xüchilekulu shou lajupu akeu ghenguno atsa kükügha zülo puthugho ani.”

Apostolmi 24:15

Alhou khuu timi hipaqo no ikhilu cheni keno, Pa shou Iw lajupu achekeu ye amikuchomi ngo kixikilami kinikujo xüchilekulu anani.

Rommi 10:8

Ikemu hi ye kiu piani kea? “Atsa huye o phivilo ani, o kichi lo eno o mlo lo ani” (ti ye ningu no sheshu chekeu aküpülü tsa piani ke);

1 Kor. 13:13

Tishiaye aküpülü, lajupu eno kikimiye hipano küthü ani; ikemu hipaqo gholo akiqheu ye kikimiye ke.

1 Kor. 15:19

Ningu no hipa yeghi lo küxü ghengu likhino Khristo lau lajupu acheghi aye, ningu ye timi kümtsü nguno alau ahasapu shivae.

2 Kor. 5:19

ti ye, Alhou no timi xine kihitsü mono Khristo küdau no ayeghiqha pesü Pa lau külashi ae, eno ningu shou alupekikili kümlapu piche tsüke.

2 Kor. 6:7

kuchou tsapi eno Alhou küka lono; au ajeu ngo piyiu amikucho ghünanu pesü;

Galatiami 2:14

Ikemu kughou I no panongu ghili-aye ithulu keno panongu ye kuchou tsakiviu lo cheghi move kehu I no panongu kümtsü zülono Cephas vilo pi, “Nono Jewmi keghi Jewmi toi mono Jewkumomi toi xü aye, no ye kishino anguka lono Jewkumomi vilo Jewmi toi xülo piluni kea?”

Galatiami 2:5

Ikemu ningu no asüchedo lakhimu panongu phesümoe, tishianguno kuchou tsakiviu nongu ghenguno püxüpe püatsüni kehue.

Galatiami 5:5

Kughengu ningu ye Aghungu vecheo aküpülü lono achipikani ke khekulho shi laju ani.

Ephesiami 1:13

Kughou nongu no nongu xakulupu tsakiviu kuchou tsape chilu püzü Khristo lau pülübelu keno, Paw shilu keu michishi piqhi püakeu Ghungu Kimthe pesü nongu shou puku tsüe.

Ephesiami 4:21

Nongu ye mtsüqheino Pa ghili chiluvae, eno kuchou huno Jisü lau aketoi Pa launo nongu shika puthu luvae.

Kolosiami 1:23

ikemu nongu ye thebei aküpülü lono puthugholu, ithamo no mtotoilu, lajupu tsakiviu nongu no chiluve keu lono iqeve mono amasae. Atsakiviu hi ye atsütsü qholo pulhoküsü kümtsü lau sheshuve keu, ni Paul ye tipau shepemi lakhi ke.

Kolosiami 1:27

Alhou no panongu kishelu no Jewkumomi gholo ajuküvüpu kini kije pephe tsüke, ajuküvü lajupu huye Khristo nongu lolo akeu ke.

Kolosiami 3:16

Khristo tsa pelo nongu lolo kinikülü shi apelo, alokütsü lono shika eno qophe kile, nongu mlo lono Alhou shikimthi ghi leshele, akishe le, eno aghungulo le phelo.

1 Thes. 2:13

Hi ghengu ghi nino tamono Alhou shikimthi ani, ike kughou nongu no ni launo Alhou tsa ikhilu keno ti ye timi tsa kumoe ikemu nongu küpülümi lolo mla akeu Alhou tsa kuchou kepi nongu no ikhilue.

2 Thes. 2:16

Itehi ye ni Mpeu Jisü Khristo ampi, eno ni Pu Alhou, khuu no ningu kimiye no küpükini vecheo lhokta lokughuno eno lajupu kivi ni tsü keno,

1 Tim. 1:15

Hi ye pükhübekulupu eno ikhikulupu tsae: Khristo Jisü no axinemi xalu nike ayeghi lo ighikeu gholo ni ye axinemi kümtsü nguno alhoksau ke.

2 Tim. 4:8

Hinguno hilau ye I ghenguno tokulu saxü amikucho kütsükuqho ani, ti ye achipiu xaküthau Ampeu no tipa Tsala lono I tsü nani, eno I likhi kumono pa ikighi kimiye chekemi kümtsü tsü nani.

Titus 1:2

Kuchou kighithi hi no khilemu miki chemo keu Lhou no aghuloki huthu mphi züuno piqhi keu lhokta küxü lajupu panongu tsü nani,

IBRIMI 7:19

(kughengu Ayezah ye kiumu kupukülai tsü püamoe); ikemu ala halau ye lajupu akiviu kilethivae, tipau vecheo ningu ye Alhou kupunu wulu cheni.

1 Peter 2:2

Anileshi punu keu ngaqo toi aghungu lo tsüghükhüi keu kichhizü yenishi keu tüghü shilo, tipau vecheo nongu no thuiku xakulupu lo ilolu nani,

1 Peter 3:15

ikemu nongu mlo lo Khristo ye Ampeu eno akimthe kepi gihulo, nongu lolo lajupu akeu kiqi khuana no iniju aye sükusho tsa pilu kepushi alhokuthu kutope alo; tishimu akümtsha eno sükümsa lono shilo,

2 Peter 1:12

Ikehu nongu no tipaqo ithi ani eno kuchou ghili ikhiluve keu shou mtotoi xü acheni kemu I mlo lo alhokuthu thime hipaqo vehu nongu vilo pinishi che kehu ghutulu anike.

1 John 3:3

Eno khuu no Pa lau lajube cheni keno Pa no akimthe shike toi pa ghi pa ampi shikimthe luve cheni.