Kolosiami 1:10 - Sumi Naga CL (Re-edited) Bible (BSI)

¹⁰ tishikeu lono nongu pelo qhoi Ampeu lopushi ameküapu küxü xülu: akümla kivi kümtsü lo athi pithilu eno Alhou kighithi ikowolu peni;

BAIBEL (BSI)

¹⁰ Tishino nonguye Ampeu pulou lono ame kua kuxu xulu, pa lokiqipu shilu, akumla kivi kumtsulo athi pithilu eno Alhou kighithi alau shilu ishi nanike.

Sümi Tiqhelimi Bible

¹⁰ tishianguno nongu pelo Ampeu no pulo keu aküzüpu küxü xülu no alaghi thowkha lono pa pulou shilu peniye ke. Eno akivi kümlà kümtsü lo axathi pithílu, Alhou kighithi lono thuwulu,

Kolosiami 1:10 ပူးပေါင်းရင်းမြစ်များ

AHOLE 16:7

Kughou milakhi no Ampeu lopu shini keno, Ampeu no pa ghümiu ghi pesü külashitsü cheni.

ISAIAH 53:11

Pa ngulho no ghichheghime shi akeu dolono Pa no juno aghapiqilu nani; I qeu, achipiu huno Pa lokütsü vecheo, timi kutomo pelo achipiu shilupe nani, eno Pa no tipaqo kipimi puluve tsünani.

DANIEL 12:4

Ikemu no, Daniel ye ashekha ghuloki ighi moke kutolo atsa hu kütsüpe qhivelo eno kaku mekhape qhivelo. Kutomo no huju woju nani, eno akighithi ikoishe wove nani.”

MICAH 4:5

Kughengu ashiaye kümtsü no pütüta lhou je lono cheche nani, ikemu ningu ye ni Lhou Ampeu je lono pülhapuju eno alholo cheche nani.

HABAKUK 2:14

Kughengu azü no azüghi pichhi püake toi Ampeu juküvüpu kighithi no ayeghi shepichhi nani.

John 15:16

Nongu no I kisheluke kumoe, ikemu I no nongu kishelu eno nongu pelo wuno ighive moni keu xathi kutomo pithi peniye süsüe, tishianguno nongu no I je lono Apu vilo kiu kiumu khu aye Pa no nongu tsünani.

John 15:8

Nongu no axathi kutomo pithi keu lono I khopemi kepi pephe piyekeu no I Pu jekipipu shitsü cheni.

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

Rommi 1:13

Aküsamiqo, nongu pelo mthano apeni shimoye pi ani, ni ye ghuthu kutomo nongu lau eno Jewkumomi lau ghi ighi no nongu gholo ghile hunike kughu ighivae (ikemu ishi kutolo lakhave ke likhie).

Rommi 4:12

tihutoi itaghi khunono aphighüyiko ghaveke likhi kumono aküpülü lo ghi ni pu Abraham no ayiko ghamphi lo cheche keu nepa lo cheghini keno, panoqo papu ghi shipeniye ke.

Rommi 6:4

Ikehu akithi lo baptiz shisü luve keu lono ningu ye Pa gholo qhove, tishikeu lono Apu juküvü küka lono Khristo pesü xüputhuve ketoi, ningu ghi aküxü kitheu lo cheche peniye ke.

2 Kor. 2:14

Ikemu Alhou shikimthi, Pa no Khristo gholono alhokuthu ningu sasü aghü tolu no shekujo woche keshi cheni eno ningu vecheo Khristo kighithi xokütsüngü aqha kümtsü lo veküpha cheni.

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

2 Kor. 5:9

Ikehu aki lo na putosüu namu, ningu ye Pa pulou shini keu no ni kimji ke.

2 Kor. 9:8

Eno Alhou ye kupukuno shi nongu kümghatsü kulupu ani, tishianguno ado kümtsü lo kiukiu lomu nongu no avehupu shikeu lukümkha shilu nani, eno akümla kivi kümtsü lo nongu ye ikoishelu nani.

Ephesiami 1:17

Ikehu ajuküvü Papu, ni Mpeu Jisü Khristo Lhou no alokütsü ngo piyeküsü ghungu pesü nongu tsüno Pa kighithi lo thuwulu peni;

Ephesiami 2:10

Kughengu Alhou ye ningu pelo Khristo Jisü gholono Pa no azünatha kughu püake toi akümla kivi mlalu eno tipa lalo cheche peniye ningu pulhosüe, ikehu ningu ye Paw kütshakügha kümla ke.

Ephesiami 4:1

Ikehu ni, Ampeu ghenguno akughumi, huno nongu ghutu ani, khipa lalo cheche penike Alhou no nongu kuluve akeno nongu ye aküzüpu shi chechelo,

Ephesiami 4:13

Ningu kümtsü no tekhoi xükülaye luno aküpülü ngo Alhou Nu kighithi lo lakhi shi küqhalu, eno Khristo lhoaye kupukülai shi ithilu moke kutolo hitoi mla apeniye ke,

Ephesiami 5:10

Kiu no Ampeu lopu shilu cheni keno pükapütsa no vethalulo.

Ephesiami 5:15

Tishiaye nongu no kishi checheni keno jukuto lo, mbomzümi toimo no alokütsümi shi püzü

Ephesiami 5:2

Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.

FILIPIAMI 1:11

Jisü Khristo launo ighikeu mikucho xathi huno nongu shepichhi pe Alhou juküvü eno shekiqhe shilu penie.

FILIPIAMI 1:27

Akhotou ye hike, nongu xüghola ye Khristo tsakiviu gholo aküzüqhiyi kimshilu pelo, tishianguno I no ighi no nongu kujuthulu na monamu, nongu ye amlo akükümsü küthape lakhi shino atsakiviu küpülü ghüshi ghenguno kümtsa akumto shi puthugho anipi ni ye chiluni shi ani

FILIPIAMI 4:18

Nongu no I tsüpuwu keu eno tinguno alau ghi ithuluvae. Nongu no Epaphroditus launo agho tsüpuwu keu ithulu ke ni ye lukümkha shivae, ti ye axokütsüngü kümllagho, Alhou lau ikhikulupu eno Pa pulou ghakishi ke.

Kolosiami 2:19

eno Khristo khuu Akütsü, khuu launo aphimpi kuchopu tuchomjo tsüno aqü anhü tshü küqhape Alhou launo ighikeu lono thukuu pesü thuwu lupe cheni keno, pa gholo kimepe move pecheni.

Kolosiami 2:6

Tighenguno nongu no Khristo Jisü ye Ampeu kepi ikhiluve ketoi, pa gholo cheche lo,

Kolosiami 3:20

Atianuliqo, thokha lo nongu puaza gholu lo, kughengu hi no Ampeu lopushi cheni.

Kolosiami 4:5

Ado akiviu peitha no khalaumi zülo alokütsü lono xüpiye lo.

1 Thes. 2:12

Alhou khuu no Pa yekipe eno ajuküvü lo nongu kuluve akeno Pa lau ameküapu shi xü penike nino nongu hakutho eno shikumto ke.

1 Thes. 4:1

Ashekha shi athiküzümiqo, Ampeu Jisü je lono nino nongu qhüiniju eno hakite ani, nongu no ni launo kishi Alhou lopu shi xükepu keno ithuluve ketoi, ti ye nongu no itehi xüake toi, itaghi tinguno alau shi xülo.

2 Tim. 2:4

Ghüshimi khumu aqoaho küxü lo xukütshü chemoe, kughengu pa kimji ye pa kishesü keu pulou shinikeu ke.

Titus 3:1

Yepemi ngo kükagha kipemi qhoqhü penike panongu ghutu lo, aghokulu shino akümla kivi shinike kutolo pilo.

Titus 3:14

Niw timiqo pelo amlo tsüqhiyi akümla kivi shikalu pelo, tishikeu lono avehu küküha küxü xümono avehupu shikütü akemi kuphulu peni.

IBRIMI 11:5

Aküpülü lono Enoch ye akithi miche pemoni ye Alhou no saikuve, Alhou no pa sawuve kehu khunomu pa phumlave. Pa sawuve mphi lono pa ye Alhou lopu shiche kepi pa shepe shitsüe.

IBRIMI 13:16

Akivi mlani keu kughucho kevilo eno nongu no akeu pesü küsaje kilelo, kughengu titoike ghakishi no Alhou lopuke.

IBRIMI 13:21

akivi thime kümtsü pesü nongu tsüno Pa pulou shilu peni, eno Pa no Jisü Khristo vecheo ni lolo Pa pulou shipeni; alho lono alholo Pa lau ajekipi apelo. Amen.

2 Peter 1:8

Kughengu ameküapu hipaqo pesü nonguw shilu no kighishelu aye, nongu ye ni Mpeu Jisü Khristo kighithi lo khilemu qeinai eno amekühave monani.

2 Peter 3:18

Ikemu ni Mpeu eno Xakuluu Jisü Khristow küpükini eno Pa kighithi lono thuwu alo. Itehi eno lhokta tsala kutolo Pa lau ajekipi shilo. Amen.

1 John 3:22

eno kiu kiumu nino khu kelo ithulu cheni, kughengu ningu no Pa zakütsü pelu eno Pa pulou shi cheni kehue.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

3 John 1:6

panongu no ow kikimiye ghili pesü akukuhou lau ashepe shivae. Panongu kicheghüzü ghenguno nono akivishi aghili kuto puwutsü aye Alhou zülo ameküapu shinani.