JOYIL 2:27 - Sumi Naga CL (Re-edited) Bible (BSI)

²⁷ Ni ye Israelmi gholo anie pi nongu no ithi nani, Ni ye Ampeu nongu Lhou eno I nguno kütami ye kühae. Iw timi ye khilemu shikukujo kitheve monani.

BAIBEL (BSI)

²⁷ Tithiuno, Israil, niye nongu gholo anikepi ithi nani, eno ni, AMPEU no nongu Lhou eno kutau Lhou kuhake. Iwu timiqo khilemu jukunatha kithe pemo nani.

JOYIL 2:27 ပူးပေါင်းရင်းမြစ်များ

LESHELE 46:5

Alhou ye aphughi lo ani; li ye ithamo nani; kughou inaqhe vüipeghi keno Alhou no li kuphutsü nani.

LESHELE 68:18

Nono qhemghai ke-a lo iku, akughumi aqokitikhi sasü O gholo shekujo sawu eno timiqo launo agho ikhilu, hekibidemi lau ghi, tishino No Ampeu Alhou no ngoniye shike.

AHOLE 1:23

I no sakiyi kelo nongu no tsüghü ighilu aye, julo, I no nongu shou I ghungu lepuku tsünani; nongu pelo I tsa ithilupe nani.

ISAIAH 12:6

Alovi igha ale phelo, O Zion lo küami, kughengu Israelmiw Akimthe Lhou nongu gholo akeu ye kijeke.”

ISAIAH 44:3

Kughengu I no tüghüthi akeu yeghi lo azü leqhitsü nani, eno qhaike yeghi shou azüpuki qopipe tsü nani; o tianuliqo shou I no I ghungu lepuku nani eno o lagha shou Iw kükümgha puku tsü nani.

ISAIAH 44:8

Msa kevilo, Ni ye khaghino nongu vilo pive ake kumo? Nongu ye Iw thopimi ke! I nguno alhou kütau ani keshea? Atuqu kütau kühae: Ni ye lakhimu mthae.”

ISAIAH 45:18

Kughengu Ampeu no ishi piani, khuu no atsütsü lhophe keno (Pa ye Alhou ke!), khuu no ayeghi lhophe keno (Pa no iqhikumto, eno kümsa qhiniye lhophe moke, ikemu küghüna peniye lhophe ke!): “Ni ye Ampeu, eno kütami khumu kühae.

ISAIAH 45:5

Ni ye Ampeu; alhou kütau khumu kühae, I nguno kütau lhou kühae; nono Ni ithimo kemu, I no o shikumto cheni,

ISAIAH 45:6

tishianguno kipelau no kulolau kutolo I nguno kütami ye khumu küha kepi timiqo pelo ithi peniye ke; Ni ye Ampeu, eno kütami ye khumu kühae.

ISAIAH 46:9

khaghi ghili kümsülu lo; kughengu Ni ye Alhou, eno kütami khumu kühae; Ni ye Alhou, I toike kütami khumu kühae.

ISAIAH 49:23

Kükami no nongu papu kishe shi nani; eno kükalimi no nongu paza shi nani. Panongu no pano gi pishiqhope nongu agigihu tsü nani; eno nongu pukhu lo ayeghimkhu mineve tsü nani. Tileno nongu no Ni ye Ampeu kepi ithi nani; khunono I khe cheni keno, tipaqo ye kujovemo nani.”

ISAIAH 53:6

Ningu kümtsü no ambe toi ala kumo lo wuveke; kümtsü pütüta lalo wukhave; ikemu Ampeu no pa shou ni ghime pukuve tsüe.

EZEKEL 37:6

I no nongu shou anhü ngo apiti ikughi peni, ayiko pesü nongu küzüve no atuthu nongu lolo sütsüni, eno nongu ye xüluve nani, eno Ni ye Ampeu kepi nongu no ithi nani.”

EZEKEL 39:22

Tipau tsala nguno hilau ye Israel kibolomi no Ni ye Ampeu panongu Lhou kepi ithi nani.

EZEKEL 39:28

Tileno panongu no Ni ye Ampeu pano Lhou kepi ithi nani, kughengu I no panoqo pesü shiyeqo gholo akughushi puwuve eno tithiu no pano yeghi lo panoqo hekütsü kumqo ke. Ni ye shiyeqo gholo panongu lakhimu qhivemo nani.

EZEKEL 39:29

Kughou I no Israel kibolomi shou I ghungu lepukuni keno Ni ye panoqo launo khilemu I gi küsüve monani ipi Ampeu Alhou no asheshu.”

JOYIL 2:26

“Nongu no kupukuno shi chuno aghapiqilu nani, eno Ampeu nongu Lhou khuu no akümzapu shi nongu lau mla keno, Pa je sheqhe nani. Eno Iw timi ye khilemu shikukujo kitheve monani.

JOYIL 3:17

“Tileno nongu no Ni ye Ampeu no Lhou, I kimthe toghi Zion lo achekeu pi ithi nani. Jerusalem ye akimthe shinani, eno inaghami ye khilemu itaghi tipau le kithemo nani.

JOYIL 3:21

Aji peleve keu mkhü Ni ye lumphi ke I no amkhü lunani, kughengu Ampeu ye Zion lo anie.”

ZEFANIA 3:11

“Tipani nono I hebide püaghi namu Ni ye o shikujomo nani; kughengu I no o launo aqheküzami tsütsüngoju chekemi ikhive nani, eno Iw akimthe toghi lo nongu ye akuchhoma shikithe mo nani.

ZEFANIA 3:17

Ampeu o Lhou no o gholo ani, akughushuu, xaluni küau no alokivi shi o jupe amloqi; eno nono Paw kikimiye lo iqünhei lunani; Pa no igha alephe o jupe alovi nani.

ZEKHARIA 2:9

“Julo, I no panoqo shou I u peqhe nani eno khunono panongu qe ani keno tipaqo no pano xüle pewuve nani. Tileno aqokitikhi Mpeu no I puwu kepi nongu no ithi nani.

AKIKIHI 11:29

Ikemu Moses no pa khochile, “I ghenguno nono alomsü ani keshea? Ampeu no Paw timi kümtsü shou Pa ghungu puku tsüno panongu pelo tungkupmi shi aghi penishi nolae!”

AKIKIHI 23:21

Pa ye Jacob hasapu ithulu amoe, momu Israel lo aküküpna ithulu amoe. Ampeu panongu Lhou ye pano gholo ani, akükau sütsa ye pano gholo anie.

2 Kor. 6:16

Alhou chineki ye ajulho sasü kiu lono pulokilelu kepu ani kea? Kughengu ningu ye aküxüpu Lhou chineki ke, ti ye Alhou no ishi pi ketoi, “I no panoqo gholo I kungoa shino pano gholo anani, I no panoqo Lhou shi nani, eno panongu no Iw timi shinani.

ZAKINIU 23:14

Kughengu Ampeu nongu Lhou ye nongu xaphelu eno nongu u lo aghümi süve tsüniye aghazü mta lono chesü iqhoiqi acheni kehu nongu ghazü ye akimthe shimasae, tikumo aye Pa no mithekumo ithulu no nongu launo tsüghüve nosake.

1 Peter 2:6

Kughengu Kuchoyesü lo hitoi ani: “Julo, I no Zion lo atuqu sho püani, kishekiphe eno akughupu, atsükupu tuqu, khukhumu Pa lau pülübe keu ye kujovemo nani.”

Piyeküsü 21:3

Kükalakhü lono asütsa kuloghi lakhi no pikeu I no chilu, “Julo, Alhou no achekeu Phiki huye timi gholo auvae. Pa no panongu sasü xü nani eno panongu no Paw timi shi nani, eno Alhou ampi no panongu Lhou shi pano gholo xünani.