JOYIL 2:23 - Sumi Naga CL (Re-edited) Bible (BSI)

²³ “Alovilo, O Zion nuliqo, eno Ampeu no Lhou lau alovilo, kughengu Pa no nongu saphu ghi tsütsüghu aitheu tsüvae; Püzüu toi aitheu eno amunuu tsütsüghu Pa no pofushi leqhitsü.

BAIBEL (BSI)

²³ “O Zion lo akemiqo, amlo kiqishilo, AMPEU nongu Lhou no nongu ghenguno kiu shivetsu akeno tipaulo alovilo. Pano ghile tsala tsutsughu achipiu pe nongu tsuke; Pano nongu lau susu tsutsughu ghuqhi tsuke eno puzuu toi ghixu tsutsughu tsuke.

JOYIL 2:23 ပူးပေါင်းရင်းမြစ်များ

KUKAMI ATUGHIU 8:36

kungugha lono chilu tsüno O qemi Israelmi xine qhitsülo. Panongu no chewu kepu laghi kivi kiche tsüno Ow timiqo lau amheghi shi tsüve keu yeghi lo tsütsüghu puwu tsülo.

JOB 33:23

Tsala pa ghenguno kungumi, qhethonhe dolo lakhi, lacheu, timi vilo kiu no achipi keno pini keu aghi aye,

JOB 37:13

Shikithe tsüniye keo, Pa yeghi ghenguno keo, kikimiye ghenguno keno, Pa no tishipe chenie.

LESHELE 104:34

Iw kümsükutho Pa lau ikhikulupu shipelo, kughengu ni ye Ampeu lau alovi cheni.

LESHELE 147:8

Pa no khüngküsü pesü kungugha nhape qhi; Pa no ayeghi ghenguno tsütsüghu kutotsü; Pa no atoghiqo lo atsüni pelo thuwu lupe.

LESHELE 149:2

Israel pelo Pa Pulhoküsüu lau amlokiqi shipelo; Zion tianuli pelo pano kükau lau alokiqi shipelo!

LESHELE 28:7

Ampeu ye I kumto eno I züto ke; I mlo no Pa pükhü ani, eno ni ye akukuphu ithuluvae; I mlo lono aloviqhiyi ani, eno I le kungo pesü Pa shikimthi ani.

LESHELE 32:11

O amikuchomi, Ampeu lau alokiqi shino alovilo, eno nongu amlo kümzümiqo, alovi ighamku lo.

LESHELE 84:6

Baca Khila kathawu chekelo panongu no tipau lo azüpukiqo mlape qhi; tsütsüghu atüghüu no ti ayizükucho shepichhi ke.

AHOLE 16:15

Akükau gi küvü lo aküxüpu ani, pa mlokiqipu shilu keu ye tixilo tsütsüghu süghi chekeu khüngküsü toike.

ISAIAH 30:21

Kughou nongu no ajeu momu piyiu tsüghüveni keno, nongu thiu no, “Ala ye hike, hipa la pülalo” ipikeu sütsa nongu kini lono chilu nani.

ISAIAH 30:23

Nongu no apiti yisü kelo Ampeu no tsütsüghu puwutsü nani, eno ayeghi lo pekighi no kinikülü eno pofushi achuqupu tsü nani. Tipa ghuloki lo now pichepighi no achu kümza-a kije lo mzachu nani,

ISAIAH 41:16

nono tipaqo fule nani eno amülhü no tipaqo fusawuve nani; eno pasapagha no tipaqo apanagha fuleve nani. Tileno nono Ampeu lau alovi nani; nono Israel Lhou akimtheu juküvü shinani.

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

JEREMIYA 3:3

Ikehu tsütsüghu no süchileve, tuqu tsütsüghu no ighi move, ikeghi no ye kujomo mithe küsalhami gi xapu ani.

JEREMIYA 5:24

Panongu ye pano mlo lono ishi pimoe, ‘Ningu MPEU ni Lhou sümsani, khuu no atusho ghuloki lo azü tsücheni, tixi lo eno tuqu lo azü tsücheni keno, Pa no ghile hulu kepu pinedo ni ghenguno kuto tsü cheni.’

AKUMLO 4:2

Zion lo akughupu pumiqo, ameshoyi kivi meküa qhemi, ikeghi panongu ye kishi ali kümlau u no mlakeu aghanili toi peitha ani kelae!

EZEKEL 34:26

I no panoqo eno I toghi hokümxa-a kümtsü lo kükümgha shitsü nani, eno I no panoqo tusho lo tsütsüghu ghuqhitsü nani; tile kükümgha tsütsüghu anani.

HOSIYA 6:3

Ningu pükapütsa no Ampeu ithini nolo; Pa ipeghini keu ye tsüküvü toi mtsüqhei ke; tsülü tusho tsütsüghu no ayeghi vapütsü keshi Pa no tsütsüghu toi ni lau ighi nani.”

ACHINE 26:4

I no ado achipi lono tsütsüghu nongu tsü nani, ayeghi lo tüxatini ikowolu nani, eno asüboqo no axathi pithi nani.

AMUS 4:7

“Kughou ghile hunike aqhi küthü akeno I no nongu launo tsütsüghu ghi süchileve; I no mishighüna lakhi lo tsütsüghu puwu kemu lakhiu loye puwumo; alu lakhi loye tsüghuqhi tsü ikemu alu khile tsüghuqhi mo keno ti ye ighüive;

ZEKHARIA 10:1

Tsülü tusho lo Ampeu vilo tsütsüghu khulo, Pasapagha puwu chekeu ye Ampeu no ke, Pa no timiqo tsütsüghu tsü nani, aluza lo atsüni pesü kümtsü tsü.

ZEKHARIA 10:7

Tishino Ephraim ye aghütomi toive nani, atsaiji shove keshi panongu mlo ye alokiqi shi nani. Pano tianuliqo no ti ithulupe alovi nani; pano mlo no Ampeu lau alovi nani.

ZEKHARIA 9:13

I süzü toi I no Judah piqevae; Ephraim pesü tipau piji shivae. I no o nuli xukutho nani, O Zion, o nuli lachile nani, O Greece, ghüshimi zütakikihi toi o peithani.

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

Apostolmi 14:17

Ikeghi Pa ye thopimi qhimoke kumoe, kughengu Pa no akümla kivi hitoi shi püani: atsütsü lono tsütsüghu piqitsü; atusho kiqi lono axa jeli nongu tsü; achuqupu ngo alokivi pesü nongu mlo piqi tsüke.”

ZAKINIU 11:14

Pa no nongu yeghi ghenguno atusho kiqi lono, tixi eno ghixu tsütsüghu tsü nani, tishianguno nongu no athi, atsaizü eno thazü ililai ithulu nani,

ZAKINIU 28:12

Ampeu no Pa küakini ki nongu lau khaqhitsü nani, atsütsü lono atusho achipi lono tsütsüghu piqitsü nani, eno nongu kümla kümtsü kümghatsü nani, tishikeu lono nongu ye shiye kutomo lau püna nani ikemu kütami launo nalumo nani.

ZAKINIU 32:2

I kükütsü no tsütsüghu kighiji toi, I tsapi no atsüzü toi tsüghükhüi pelo, tsütsüghu kümtsha no atsüni kümtsha shou iku ketoi, eno tsütsüghu no ayeghi shou ghupuku ketoi pelo.

FILIPIAMI 3:1

Ashekha shi I thiküzümiqo, Ampeu lau no alovilo. Nongu lau atsa athoshi yeni keu lo ni ye aküküpna küha eno nongu ghengu ghi tishike.

FILIPIAMI 3:3

Kughengu ningu khunoqo Aghungu lono mlla eno ashi shou pükhübemo no Khristo Jisü lau akijivile cheni keno ninguu no aphighüyiko ghakemi ke,

FILIPIAMI 4:4

Alhokuthu Ampeu lono alovilo, I no itaghi pini: alovilo!