John 16:7 - Sumi Naga CL (Re-edited) Bible (BSI)

⁷ Tishinamu I no nongu vilo kuchou tsa pini: nongu kivipu ghenguno I no wuve masae, kughengu I no wumo aye Akukuphuu ye nongu lau ighimo nani. Ikemu I no wuve aye, I no nongu lau pa puwu nani.

BAIBEL (BSI)

⁷ Tishiepimu ino nongu vilo kuchou tsa pini: nongu ghenguno ino wuvekeu pavi kughengu ino wuvemo aye Shikumtokutsuu ye nongu lau ighimo nani. Ikemu ino wuve aye nongu lau ino pa puwuni.

Sümi Tiqhelimi Bible

⁷ Ikemu kuchou no I no nongu vilo piani, I no wuve keu no nongu kivipu ke. I no wuvemo ke thaqhülo Shikumtokütsüu hu ye nongu lau ighimo nani; ikemu I no wu anguno, I no nongu lau pa puwu nani.

John 16:7 ပူးပေါင်းရင်းမြစ်များ

LESHELE 68:18

Nono qhemghai ke-a lo iku, akughumi aqokitikhi sasü O gholo shekujo sawu eno timiqo launo agho ikhilu, hekibidemi lau ghi, tishino No Ampeu Alhou no ngoniye shike.

Luke 24:49

Eno julo, I Pu no kiu piqhi püa keno I no nongu shou puku tsüni. Ikemu kunguu küka no nongu shepichhi moke kutolo aphughi lo ngo aghilo.”

Luke 4:25

Ikemu kuchou loye, I no pi anino Elijah ghuloki lo, kughou atsütsü no ampe küthü no aqhi tsügho khave püzü püqümiye kije ighi keno, chimemi kutomo Israel lo ache kelo,

Luke 9:27

Ikemu mtsüqheino I no nongu vilo piani, hile puthugho akemi dolo khami ye Alhou yekipe ighi keu pano nhethi no ithulu moke kutolo akithi michemo nani.”

John 14:26

Ikemu Akukuphuu, Aghungu Kimthe, khuu Apu no I je lono puwu nani keno, pa no thokha nongu shika nani, I no nongu vilo pive keu kümtsü pa no nongu pelo kümsüchilelu penani.

John 14:28

I no nongu vilo, ‘Ni ye wuveni cheni ikemu nongu lau ighi nani,’ ipikeu nongu no chiluvae. Nongu no I kimiye aye, nongu ye alovi nani, kughengu ni ye Apu lau wucheae eno Apu no I nguno akijeu ke.

John 14:3

I no wuno nongu sala a-a kutotsü kethiu, I no ideighi no I gholo nongu sawu nani, tishikeu lono I no khile ani keno nongu ghi tile anani.

John 15:26

“Ikemu kughou I no Apu launo puwu keu Akukuphuu ighini keno, Kuchou Ghungu, Apu launo ipeghi keu, huno I shepe shitsü nani.

John 16:8

Kughou pa no ighini keno, pa no axine ngo amikucho eno küghaküthapu pesü ayeghilomi kipimi phunani:

John 7:39

Pa no hi pikeu ye pa pülü kemi no Aghungu ithuluni ye akeu ghili piae, kughengu ti kutolo Jisü pesü ajuküvüpu shitsü mphi kehu Aghungu tsümono ake.

Apostolmi 10:34

Ikehu Peter no pithu: “Kuchou no Alhou ye agikuju kühae pi I no vethaluvae,

Apostolmi 2:33

Pa süqhepe Alhou u ajeu qhive no Apu launo Aghungu Kimthe piqhi püakeu ithulu kethiu, nongu ampi no ithulu eno chilu akeu hi ye pa no ningu shou lepuku tsükeu ke.

Rommi 8:28

Eno nino ithi akeu no Alhou kimiye chekemi khunoqo Pa kimji kupulo kiqi lono kuluve akeno, panongu ghengu ye thokha kümtsü Alhou no akivipu ghenguno mla küqhatsü cheni.

2 Kor. 4:17

Kughengu hi ado ikhonhei aghimepu sholu akeu huno ningu ghenguno kiunomu kimghi mla keu lhokta juküvü kutotsü ani,