John 1:3 - Sumi Naga CL (Re-edited) Bible (BSI)

³ Pa vecheo thokha lho eno Pa sümo keloye kiumu lho püamoe.

BAIBEL (BSI)

³ Alhou no pa vechewo thwokha lhoke eno pa sumoke loye kiumu lhoqhi pe puamoe.

Sümi Tiqhelimi Bible

³ Pa vechewo thime kümtsü lhophe ke; lhosüpüa keu thimeqo lakhimu pa sümo no lhosü pe püamoe.

John 1:3 ပူးပေါင်းရင်းမြစ်များ

BOTHUBO 1:1

Abothu lono Alhou no atsütsü ngo ayeghi lhoe.

BOTHUBO 1:26

Tithiu Alhou no pi, “Ningu julho eno ningu kimihi lono timi mlani nolo. Eno panoqo pelo azüghi lo akha shou, atsütsü lo aghau shou, eno ayeghi lo pichepighi ngo itikiche lhoxü kümtsü shou qhasülu penie.”

LESHELE 102:25

Nono khaghi no ayeghi boqha ghope qhike, eno kungugha ye O u no mla keu ke.

LESHELE 33:6

Ampeu tsa no kungugha lhoe, eno Pa kichi lo tuthukishe no yepu yesüqo lhoe.

AHOLE 8:30

Kütshakügha kümlau toi ni ye Pa gholo ae, tsalakipe Pa no I jupe alovi, eno I no Pa zülo alovi che,

ISAIAH 45:12

I no ayeghi pulhosü eno tile timi jeli lhosüe; kungugha xachho keu ye I u noke, eno atsütsü lo yepu-yesü kümtsü I zakütsü qholo ani.

ISAIAH 45:18

Kughengu Ampeu no ishi piani, khuu no atsütsü lhophe keno (Pa ye Alhou ke!), khuu no ayeghi lhophe keno (Pa no iqhikumto, eno kümsa qhiniye lhophe moke, ikemu küghüna peniye lhophe ke!): “Ni ye Ampeu, eno kütami khumu kühae.

John 1:10

Pa ye ayeghi lo ae, eno ayeghiqha ye Pa vecheo lhoke, ikeghi ayeghi lomi no Pa ithimoe.

John 1:2

Pa ye abothu lono Alhou gholo ae.

1 Kor. 8:6

ikeghi ningu ghenguno Alhou ye lakhi likhi, Pa ye Apu, thokha Pa launo ighi eno Pa ghenguno ningu ye xüani, eno Ampeu lakhi likhi, Pa ye Jisü Khristo, Pa vecheo thokha ani eno Pa vecheo ningu ye xüani.

Ephesiami 3:9

eno thime kümtsü pulhosü keu Lhou lau tiqheli kümtsü lo küsü püache keu tuqhou kukughu ye kiu keno timi kümtsü zülo pephe tsüniye ke,

IBRIMI 11:3

Atsütsü ayeghi ye Alhou tsa vecheo lhophe kepi ningu no aküpülü lono vethalu cheni, tishikeu lono kiu ithulu ani keno ti ye ithukulu thime lono lhoke kumoe piniye ke.

1 John 5:1

Khunono Jisü ye Messiah kepi pülü cheni keno pa ye Alhou nuli, eno khunono Apu kimiye cheni keno Alhou nuli shiluve kemi kütami ghi kimiye cheni.

Piyeküsü 3:14

“Laodicea kukuhou lo kungumi lau yelo: ‘Pükhükulupu eno Kuchou Thopiu, Alhouw amsüu pulhoküsü Amen tsape.

Piyeküsü 4:11

“Ni Mpeu eno Alhou, ajekipi, agigihu eno aküka ye Nono ithulu küzüe, kughengu Nono thime kümtsü pulhosü, eno tipaqo ye O pulou lono acheghi eno pulhosü ke.”