JOB 40:11 - Sumi Naga CL (Re-edited) Bible (BSI)

¹¹ O xukighide kümtsü pepheju lo, eno aqheküzami shou jupuku no sünheqhi julo.

BAIBEL (BSI)

¹¹ Ologhu kighide lepesu aqhekuzami shou pukujulo eno pa haqhiveju lo.

JOB 40:11 ပူးပေါင်းရင်းမြစ်များ

JOB 20:23

Pa po sünhei tsüniye Alhou no pa shou axukighide puwu no tino pa phimpi shou tsüghuqhi nani.

JOB 21:30

Tishiaye nongu no kixikilau ye küsakusho lono xaluvae, pa ye aloghu tsala lono xaluvae pi chiluni cheke.

JOB 27:22

Tino kimiye mono pa shou vepuku kelo pa ye tipau launo shoxashi po nani.

JOB 4:9

Panongu ye Alhou tuthukishe lakhi lono pühave cheni, eno Pa xukighide mülhü no panongu kütsave cheni.

JOB 9:5

Khumu ithi mono Pa no naghuto pekiqeve cheni, Pa mlokighide lono Pa no tipaqo tukideve tsü cheni.

LESHELE 144:6

Tsütsüpha kulo puwulo eno panoqo kuthole lo; O piji kapuwu no panoqo haleve lo!

LESHELE 94:2

Ithulo O ayeghiqha xaküthau; aqheküzami no kiu ithulu küzü keno tsüchile lo!

IPEKULU 15:6

O Ampeu, O u ajeu küka jekipipu, O Ampeu, O u ajeu huno aghümi kütsa cheni.

IPEKULU 18:11

Itehi ye I no ithive ake Ampeu ye alhouqo kümtsü nguno akijeue, kughengu hipau vehulo panongu no ngukangugha shi timiqo peitha ke.”

ISAIAH 2:17

Timiqo kuchhoma eno tsütsüngoju keu sünheqhipe kuchunive nani; tipani ye Ampeu likhino chuqumghai nani.

ISAIAH 22:19

I no ow hiyam lono o tuhaphe nani eno o lakhü lono sünheqhive nani.

ISAIAH 23:9

Aqokitikhi MPEU no aqheküza ajekipi ikhivetsü, eno agigihu küami shikujo niye kughuke.

ISAIAH 25:11

Azüküghami no pa u chhophepe azü ghakeshi Moab no tübatüzü lono pa u chhophe nani, ikemu pa u no shitsa shi anamu pa qheküza gholono Ampeu no kuchunive nani.

ISAIAH 26:5

Kughengu Pa no aqheküza phughi, akiqhe-a lo küami sünheqhipe chuninhei ayeghimkhu shivetsüe.

ISAIAH 42:25

Tighenguno Pa no Pa xukighide ngo aghükishi ghime pesü panongu shou lepukue; tino panongu homxape iqü, ikemu panongu ye vethamlae; tino panongu piti, ikemu panongu no alomsümoe.

JEREMIYA 48:29

Nino Moab qheküza chiluvae pa ye aqheküza küsae, paw tsütsüngoju, akuchhoma, akülaki eno pa mlo lono pa kümsü pivi chekeu kümtsü chiluvae.

EZEKEL 28:2

“Timi nu, Tyre kükapuu vilo pilo, Ampeu Alhou no ishi piani: “O mlo ye aqheküza eno nono pike, ‘Ni ye alhou, ni ye alhouqo lakhü lo eno azüghi mta lo iqa acheni,’ ikemu nono alhou toi kümsü anamu no ye timi thono alhou kumoe,

DANIEL 4:24

hekupho hu ye hike, O akükau: Hi ye Shishe Akiqheuw xaküthaza lakhi I mpeu akükau lau ighivae,

DANIEL 4:37

Itehi ni, Nebuchadnezzar no kungugha Kükau sheqhe eno agigihu tsü ani, kughengu Pa kümla kümtsü kuchou eno Pa laghi ye achipi; khunono no aqheküza lono checheni keno Pa no kuchunive cheni.

NAHUM 1:6

Khuu no Pa xukighide zülo puthugho luni kea? Khuu no Pa mlokighide kushu puqhe luni kea? Pa loghu no ami toi ghuqhi, Pa no atuquqo mukhumuno shi kubove tsü.

NAHUM 1:8

Ikemu Pa no züqozü kije pesü aghümi qhoi kishekhave tsü nani, Pa ghümi hasü aküzü lo ilo nani.

MALAKI 4:1

“Kughengu julo, atsala ye cheni, amiphoki lo toi iqü ani, akuchhomami eno küsaküghami kümtsü aghijini toi pitive nani. Atsala tipau chekeu huno panoqo pitive nani, aqokitikhi Mpeu no pi, tishianguno tino panoqo ghenguno akuhu momu aloka mu qhimono pitive nani.

Luke 18:14

I no nongu vilo piani, Pharisee no kumono timi hipau no achipikalu no pa kilo idewo lue. Kughengu khuu no pa ampi süqheni keno kuchunive nani, ikemu khuu no aqhokigheu shini keno pa süqhe nani.”

ZAKINIU 32:22

Kughengu I loghu no ami iqüvae, tino Kithigha kutho kutolo piti nani, ayeghi ngo tile akeqo pitive nani, eno naghuto boqha pitive nani.

James 4:6

Ikemu Pa no küpükini alau tsü kehu Kuchoyesü no ishi pie, “Alhou no aqheküzami lakhave cheni ikemu aqhokighemi lau küpükini tsü cheni.”