JOB 34:19 - Sumi Naga CL (Re-edited) Bible (BSI)

¹⁹ yepemi lau mu agiju chemo, momu kumlhomi nguno alau kinimiu kihi chemoe, kughengu panongu kümtsü Pa u lo kümla ke.

BAIBEL (BSI)

¹⁹ Paye kijemi gi juve chemo, momu kumlhomi nguno alau kinimi kumsulu chenike kumoe, kughengu Panongu kumtsu pano lhoke.

JOB 34:19 ပူးပေါင်းရင်းမြစ်များ

YEKIKITHI AKINIU 19:7

Tishiaye Ampeu sükümsa nongu shou alo. Nongu no xatha keu lo kutokupui lo, kughengu Ampeu ni Lhou ghenguno amikucho kumo momu agikuju momu külügho kulu ye a-a kühae.”

JOB 10:3

O u lo kümla ye jukünatha, kixikilami kukughu lou azüvü, eno I qoda keu no O pulou kea?

JOB 12:19

Achinemi phimini chijeboi keu Pa no xavetsü cheni, eno kükagha kipemi ikhive cheni.

JOB 12:21

Pa no gihuküzümi shou thoküghapu pukutsü cheni, akumtomi pokha xavetsü cheni.

JOB 13:10

Nongu no tuqhou no agiju aye, Pa ye mtsüqheino sakiyi nani.

JOB 13:8

Nongu ye Pa zülo agijuni kea? Pa zülo atsa küghaluni keshea?

JOB 31:15

I za polo I lhophe keu no panoqo ghi lhoke kumo? Eno atita lono ningu mlaphe keu ye Pa no kekumo keshea?

JOB 32:21

Ni ye khuu gimu jumo momu akumou lono akishe tsümo nani.

JOB 34:18

Pa no ayeghi lo kükami vilo, ‘Amekükühau,’ eno kijemi vilo, ‘Kixikilau’ ipi cheni,

JOB 36:19

Akijiksapu lono o xaphelu penike nono ighamku o küka kumto pephe akeu ye o kuphulu nanima?

IPEKULU 30:15

Kughou nongu no nongu küxü shikimthe keu ghenguno Ampeu lau akümllagho tsüni keno, shekel tüxa nguno alau ye kinimi mu ala tsümoni, kumlhomi mu tülalo tsümoni.

AHOLE 14:31

Kumlhomi nedaqoda kemi ye pa Lhoküsüu thogha ani, ikemu aveküsami tsü-jelu keu ye Ampeu gihu ani.

AHOLE 22:2

Kinimi ngo kumlhomi dolo kimshilu chekeu ye hike: Ampeu no pama kinikujo lhoke.

YETSAPIU 5:8

Yepeka no kumlhomi nedaqoda eno kuchou xakütha ngo achipiu hexave keu nono ithulu kelo akümza kevilo, kughengu kijemi tipau ye pa nguno akijeu no pa juani, eno panongu shou itaghi akijeu aphike.

ISAIAH 3:14

Ampeu no küghaküthapu lo Paw timiqow layemi ngo mijekütsümi saghini cheni: “Atsailu külhü chuve keu ye nongu no ke, kumlhomiw hakholu keu no nongu ki chhitoi ani.

ACHINE 19:15

“Küghaki lo achipi kumo shimoni. Kumlhomi lau agiju no kinimi saphuve moni, ikemu amikucho lono akisüghüu shou xathani.

Apostolmi 10:34

Ikehu Peter no pithu: “Kuchou no Alhou ye agikuju kühae pi I no vethaluvae,

Rommi 2:11

Kughengu Alhou ye agi juchemoe.

1 Kor. 1:28

Ayeghi lo akhotopu thimeqo pesü avehu kühave tsüniye Alhou no chuninhei eno jukünatha kemi, eno avehu kühakeu thimeqo kishelu,

Galatiami 2:6

Ikemu khunono akhotomi ipi kihiche keno (panongu no kiu kiu shi aghimu I ghengu ye kiumu tipaqo kimhe akepu kühae; Alhou ye agiju chemoe) I no pi anike akhotomi ipi chekeqo ye I ghenguno ame kühae.

Ephesiami 6:9

Ampemiqo, nongu ghi aqü-axemi peitha pivilo, eno panoqo kichi kümsa kevilo. Kughengu nongu Mpeu kungugha lo akeu no pano Mpeu ghi kepi ithilo, eno Pa gholo ye agikuju kühae.

ZAKINIU 10:17

Kughengu Ampeu nongu Lhou ye alhouqo Lhou eno ampemi shou Ampeu, Pa ye kije, akumto, eno akighiche Lhou, Pa ye agi juchemo eno külügho luchemoe.

Kolosiami 3:25

Kughengu alhoksa kümlami ye pa lhoksa kümla ghenguno agikuju kühano ajume tsüchile nani.

IBRIMI 12:28

Tighenguno ningu süküghütha mlakeu yekipe ithulu ke ghenguno shikimthi ani nolo, tishikeu lono msaighü qhiyi Alhou lau ikhikulupu kümlla shini nolo,

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

1 Peter 1:17

Nongu no Apu Khuu agiju mono kümtsü lau pütüta kümla kiqi lono küghathabe cheni keno Pa lau inikhu acheni aye, now kupokiche küxü tivilo Pa sümsaqhiyi keu süqesüli pepulo,