JOB 33:27 - Sumi Naga CL (Re-edited) Bible (BSI)

²⁷ Pa no timiqo zülo alokivishi alephe pi nani: ‘I no axine shive no achipiu pesü tuchighive kemu tipau lame I tsüchile moke.

BAIBEL (BSI)

²⁷ Pano aqo gholo ishi pi nani; “Niye axine shiveke, eno akumzu pesu akughuho shivetsu ake, tiye ila heshekepu shimlae.

JOB 33:27 ပူးပေါင်းရင်းမြစ်များ

BOTHUBO 16:13

Ikehu li no Ampeu khuu li pütsa keno, Pa je pesü, “No ye ithukuluu Lhou,” ipi kuvetsü, kughengu li no pi, “Kuchou no khuu no I jukuto akeno I no hileno pa ithuluvae.”

SAMUEL AKINIU 12:13

David no Nathan vilo pi, “Ampeu zülo I no axine shivae.” Nathan no pa vilo pi, “Ampeu no o xine peve tsüae; no ye thimo nani.

YEKIKITHI AKINIU 16:9

Khunono Ampeu lau tukutiye küha no acheni keno Pa ye akumtoshi tipaqo kuphuni ke ayeghiqha kümtsü thebei jukuto acheni. No ye hipau lo anikha shivae, tighenguno hinguno hilau no ye aghüshi cheniae.”

JOB 34:32

I no kiu ithuluamo keno I shika tsülo; akumou shi püaghi aye, ni ye shikithe moae’ ipi püani nio?

JOB 34:9

Kughengu pa no pivae, ‘Alhou züküvüpu shikeu lono timi ye kiumu ala shilu chemoe.’

JOB 7:20

Timi hikujuu, I no pimive aye ni ye O lau kiu shilopi kea? Kushiye I küghape Ow vemijipu shi ani kea? Ni ye kishino O ghenguno amakho shive aghi kea?

LESHELE 103:10

Pa ye ni xine qhemi lono ni ghimeqhi chemoe, momu ni kipimi qhemi lono tsüchile chemoe.

LESHELE 11:4

Ampeu ye Pa kimthe chineki lo ani; Ampeu kükalakhü ye kungugha lo ani; Pa nhethi no timi nuliqo jukuto cheni.

LESHELE 119:128

Tighenguno ni ye O kükütsü kümtsü achipiu kepi kihi cheni; kichile laghi kümtsü I no mithi cheni.

LESHELE 14:2

Ampeu no kungugha lono pishipiqi timi nuli lakhi nomu vethalu no Alhou phuju cheni kemo keno jucheni.

AHOLE 15:3

Ampeu nhethi ye a-a kümtsü lo alhoksami ngo akivimi jukuto acheni.

AHOLE 28:13

Axine peküsü chekemi ye aküxü lo ikoishe lumo nani, ikemu ti piphe no qhive aye kimiyeqhiyi keu ithulu nani.

AHOLE 5:21

Kughengu timi küxü ye Ampeu zülo ithulu püqai, pa laghi kümtsü Pa no jukuto acheni.

YETSAPIU 5:8

Yepeka no kumlhomi nedaqoda eno kuchou xakütha ngo achipiu hexave keu nono ithulu kelo akümza kevilo, kughengu kijemi tipau ye pa nguno akijeu no pa juani, eno panongu shou itaghi akijeu aphike.

JEREMIYA 2:8

Achinemi ye ishi pimoe, ‘Ampeu ye khile ani kea?’ Ayezah kipemi no Ni mthae, ambekhemi no I shou axine shive, tungkupmi no Baal je lono tungkuptsa pi eno ala shimo keu thime pape wuveke.

JEREMIYA 23:24

Timi lakhi ye I no pa ithumla kepushi tuqhou-a lo itshülu nanio? ipi Ampeu no sheshu. I no atsütsü eno ayeghi shepichhi ke kumo keshea? ipi Ampeu no asheshu.

JEREMIYA 3:13

Nono Ampeu o Lhou hebideve o pulou pesü asüminipho qholo inaghami lau tsüve no I tsa gholu move keu kipimi kepi ikhilu lo, ipi Ampeu no asheshu.

EZEKEL 14:23

Kughou nongu no pano küxü eno akümla ithuluni keno, panongu no nongu lopiqi tsü nani, eno tipau lono I no kiu shi keno ti kümtsü Ni ye akiqi küha keu lono kumo kepi nongu no ithi nani, Ampeu Alhou no sheshue.”

AKIKIHI 12:11

Pa no Moses vilo pi, “O, I mpeu, nino mbomzü shi axine shiveke ghenguno ni ghime kevilo.

MATTHEW 16:26

Timi lakhi no ayeghiqha kümtsü paw shive namu pa küxü pühave aye pa ghenguno kiu ala ani kea? Momu timi ye pa küxü theli lo kiu pesü tsülu nani kea?

Luke 18:13

Ikemu zame küqhau ye putou pa kütashi puthughope pa kütsü mu peqhemo no pa mla kukhu ghi pi, ‘Alhou, ni axinemi kimiyekütü tsülo!’

Rommi 6:21

Ikemu itehi thime khipaqo ghenguno nongu no kujo ani keno, tipa ghuloki lo nongu ye thime tipaqo launo kiu ala shilu kea? Kughengu thime tipaqo shekuho ye akithi ke.

Rommi 7:16

Ikehu I no kiu shinishi chemo keno shiuve cheghi aye, Ayezah ye aloe pi ni ghi pulo auvae.

Rommi 7:22

Kughengu I mlo alouno ni ye Alhou Yezah lo I züküvü acheni,