JOB 30:26 - Sumi Naga CL (Re-edited) Bible (BSI)

²⁶ Ikemu kughou I no akivi laju akeno alhoksau ighive, eno aküvü khe aye aküzüu ighike.

BAIBEL (BSI)

²⁶ Ino akivi laju akelauye alhoksa ighie eno akuvu khe akelauye akuzu ighie.

JOB 30:26 ပူးပေါင်းရင်းမြစ်များ

JOB 18:18

Aküvü lono aküzü lo pa hasüve no ayeghi lono hapheve nani.

JOB 18:6

Pa kilo aküvü ye züchiyi eno pa zülo akulu huye inheve nani.

JOB 19:8

Pa no I pelo wulu pemo niye I la lo atupi yevetsü, eno aküzü pesü I la nhave tsüe.

JOB 23:17

ikeghi aküzü ghenguno ni ye inaqhoive mla momu aküzü kutho no I gi nhaveke ghenguno I hasüve mlae.

JOB 29:18

Tishino I no kümsü, ‘Ni ye I ki lono thinie, I küxü tsala pesü asaye toi kighisheni,

LESHELE 97:11

Aküvü no amikuchomi shou yepuku ke, eno amlo kümzümi shou alovi ke.

ISAIAH 50:10

Nongu dolo khuu no Ampeu sümsa cheni eno Pa qeu tsa lucheni kea? Khuu no aküzü lo püla cheni eno aküvü küha keno, pa pelo Ampeu je pükhübe eno pa Lhou pükhülu pelo.

ISAIAH 59:9

Tighenguno achipiu xakütha ye ni launo putosüvae, eno achipiu-mikucho ye ni heche mlavae; ningu no aküvü lajuke ikemu aküzü ighi; vüqalei keu laju ke ikemu khümüi keu no küzüluve.

JEREMIYA 14:19

No ye qhoi Judah kheleve akeshea? O ngulho no Zion mithive akeshea? Ni shipivi mlave peniye No ye kushiye ningu hekulu kea? Nino aloino keu laju, ikemu akivi ighimoe; shikipivi do huqhe, ikemu akümsapu ithulue.

JEREMIYA 15:18

Kushiye I küsü ye tavemo, I zaku ye zaghi eno shipivi mla kea? No ye kushiye pishikiqhi ghokiti, tuqu lo züha ghoki toi kea?

JEREMIYA 8:15

Ningu no aloino laju, ikemu akivi ighimoe; shikipivi laju, ikemu julo, akümsapu ighie.

AKUMLO 3:2

Pa no I hasü aküvü küha mithe keu küzü-a lo saighi;

MICAH 1:12

Kughengu Maroth lo küxümi no tinhemgha ghenguno kütakihi ngokhe ani, kughengu Ampeu launo amhekiqi Jerusalem khagho lo ighivae.