JEREMIYA 9:3 - Sumi Naga CL (Re-edited) Bible (BSI)

³ Panongu no pano mili pesü asüzü toi sükuho; kuchou no kumono akimkiu no ayeghi lo mtotoi thuwu ani; panongu no axine lakhi lono lakhiu shino Ni ithimo ke, ipi Ampeu no asheshu.

BAIBEL (BSI)

³ Panonguye pulhapuju mikinike panoqo mili asuzu toi kutope acheni; Amikuchokumono kuchou zuqhu shi aghakhulo akumtoshi thuwu ani. AMPEU no pi, “Iwu timiqono alhoksa lakhi lono alhoksa lakhi papewu acheni, eno niye panoqo Lhou kepi ni ikhilu chemoe.”

JEREMIYA 9:3 ပူးပေါင်းရင်းမြစ်များ

BOTHUBO 39:16

Tishino li no pa mpeu ighi moke kutolo pa phiküzü qhiluve,

AHOLE 12:5

Amikuchomi kükümsü ye achipiu ke ikemu kixikilamiw mijekütsü ye pishikiqhi likhie.

ISAIAH 1:3

Amshitsü eno khurha ghi pano pighiu ithi cheni, ikemu Israelmiu no ithi chemoe, Iw timiqo ye vethalu chemoe.”

ISAIAH 3:5

Aküsami, akitomi, lakhino lakhi dolo nedaqoda kile nani, lhothemi no layemi phi-gihumo, eno kiumu kumo kemi no gihuküzümi thaigha nani.

ISAIAH 6:5

Tileno I no pi, “I hasapuae! Ni ye pühavae; kughengu ni ye akichi mithemo kemi, eno mithekumomi gholo xüacheni; ikeghi I nhethi no aqokitikhi MPEU, Akükau ithuluvae!”

ISAIAH 9:18

Kughengu kixikila ye ami toi iqü cheni, tino aghüsahubo qhoi pitive cheni, tino aghasüli mühasü kunguu phochighi ikuve cheni.

JEREMIYA 12:6

O thiküzümi eno o pu kibolomiu ghi o jechue; eno ighamku o hakuqo ke, panongu no ashou toi o pütsa namu panongu pülü kevilo.”

JEREMIYA 22:16

Pa no mighimi eno kumlhomi ghenguno mlae; tino pa ghenguno akivi shilue. Hi ye Ni ithikeu kiqike kumo? ipi Ampeu no sheshu.

JEREMIYA 31:34

Khunomu pa kisüghüu vilo eno pa thiküzüu vilo, ‘Ampeu ithilo,’ ipi moae, kughengu panongu dolo akitilau lono akijeu kutolo kümtsü no Ni ithi nani, ipi Ampeu no sheshu. I no panoqo kipimi qhivetsü nani, eno Ni ye panongu xine kümsüchilelu tsümo nani.”

JEREMIYA 4:22

“Kughengu Iw timiqo ye küghüzümi; panongu ye Ni ithi amoe; panongu ye akükümsü küha keu tianuliqoe; panongu ye vethakulu kühae. Panongu ye alhoksa kümla lo alotsüe! Ikemu kishino akivi mlani keno panongu ye ithimoe.”

JEREMIYA 5:4

Ikehu I no pi, “Panongu ye kumlhomi; akükümsü kühae; kughengu panongu ye Ampeu pano Lhou achipiu laghi mthae.

JEREMIYA 5:5

I no kijemiqo lau wuni eno panongu vilo pini, kughengu panongu ye pano Lhou Ampeu laghi ithi ani.” Ikemu kümtsü no aphiphishi kuokhasü hephove; eno akütsüghaqo kuqhove ke.

JEREMIYA 6:28

Panongu kümtsü kuthovi ghi hebide chekemi, kühakügha shi itsü cheni, panongu ye alazayi eno ayi; kümtsü küsakügha shikemi.

JEREMIYA 7:26

Ikemu I tsa chiluke kumono panongu kinimu kughopuwo moe, panongu kuo mkamghai kitheve. Panongu ye pano puasüqo nguno alhoksau shive.

JEREMIYA 9:5

Kümtsü no pa kisüghümi pishiqhi, eno khunomu kuchou tsa pimoe; panongu mili pelo akimki tsa pi penike shikae; panongu ye axine shikeno akulhoshi cheni.

JEREMIYA 9:8

Panongu mili ye akithipu piji toike, tino pishikiqhi tsa picheni; pano kichi loye pano kisüghümi lau külakishi tsa picheni, ikemu pano mlo loye ghüthe shipe khe cheni.

EZEKEL 8:13

Pa no I vilo hi ghi pi, “Itaghi panongu no aphikümqhüpu mla akeu hinguno akijeu nono ithulu nani.”

DANIEL 11:27

Akükau pama mlo ye küsakügha shini keu likhi nani. Aghulhu lüpa lakhi lono pama ye akimki tsa pi nani, ikemu kiu vehumu shilumo nani, kughengu ashekha ghuloki ye kihitha püakeu dolono ighini aphike.

ACHINE 19:11

“Pükaqhi, pishiqhi momu miki kevilo.

Mark 8:38

Amlokupu kumo eno axine tiqheli hipau lo khukhumu I je eno I tsa lo puthugho mokeu ye Timi Nu ghi kughou Papu juküvü lono kungumi kimthemi sasü ighini keno, pa ghenguno puthugho tsümo nani.”

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

Apostolmi 24:9

Jewmi ghi hi nguku akeu kümtsü kuchou kepi küqha tsüe.

Rommi 1:16

Ikehu ni ye atsakiviu ghenguno kujove chemoe, kughengu ti ye pülülu kemi kümtsü, atüghüshi Jewmi eno tithiu no Greekmi ghi, xalu nike ghenguno Alhou küka ke.

Rommi 1:28

Panongu no Alhouw kuchou ghili ithini keu pulomo keke panongu pelo shimo kepu shiauve peniye Alhou no shiküpsapu pe pano kükümsü shipuqove tsü.

Rommi 3:13

“Pano baxa ye akumoki lhaphe püake toi; panongu no pishiqhi nike pano mili peitha cheni.” “Apighiw tüghü huno pano milibo qholo ani.”

1 Kor. 15:34

Nonguw shokümzü küzü lono ithuvelo, tino achipi ke, eno axine shikithe akevilo. Kughengu khami ye Alhou mthae. Nongu shikujo nike ni ye hi piani.

FILIPIAMI 1:28

thono kiu lonomu nongu mjochile chekemi pelo shikümsave penishi amoe. Hi no panongu kütsaveni keu michipue, ikemu nongu ghenguu ye hi no Alhou launo ighikeu xakulupu ke.

2 Tim. 3:13

ikemu alhoksami ngo keghilishi kemi ye kütami pishikiqhi eno pano ampi ghi pishiqhi keu lono alhoksa shikithe nani.

Jude 1:3

Kimiye chekeqo, ninguw aqü xakulupu akeu vehu yenishi kütü akemu Alhou no aküpülü khikhi ghuthu khavino küpülümi kümtsü lau tsü keno, tiu süsho penike ni ye nongu ghutu ghi ye masave.

Piyeküsü 12:11

Ni thiküzü chelimi no pa shou tolukeu ye Ambeti ji eno pano küxü shepe tsa lono ke; kughengu panongu ye akithi kutolo mu pano küxü küpümo ke.

XAKUTHAMI 14:17

Li no atsala tsüni aghulhu shi ake kutolo pa zülo qauve, eno atsala akütsüniu lo ye pa no akiqi li vilo pive, kughengu li no pa pünaqhi auveke. Tileno li no sülekutho kiqi liw timiqo vilo pive.

XAKUTHAMI 2:10

Eno tipa tiqhelimi kümtsü thi khave no tipa shelo ipeghi keu tiqhelimi ye Ampeu mtha eno Ampeu no Israel ghenguno kiu mlatsü keno mthae.

SAMUEL ATUGHIU 2:12

Eli nuli pama ye ameküha kemi. Pama ye Ampeu ithi moe.