JEREMIYA 51:44 - Sumi Naga CL (Re-edited) Bible (BSI)

⁴⁴ I no Babylon lhou Bel ghime nani, pa no munove keu ikhipheve tsü nani. Shiyeqo ye pa lau wumoae; Babylon liwo ye ikiqivae.

BAIBEL (BSI)

⁴⁴ Ino Babilon lhou Bel ghimeqhi nani eno tipau pelo pano pukalu puakeu nhemghaqo phevepe nani; ashiayehqoye tipau mlla kithemove nani. “Babilon putupuakeu ikiqivae.

JEREMIYA 51:44 ပူးပေါင်းရင်းမြစ်များ

YEKIKITHI AKINIU 36:7

Nebuchadnezzar no Ampeu kilo abohuqo hami pesü wuve eno Babylon lo pa kükaki lo qhive.

JOB 20:15

Pa no küakini munoqhi püakeu itaghi mughule cheni; Alhou no pa kive lono ikhipheve tsü chenie.

ISAIAH 2:2

Asheazü loye Ampeu Ki akeu naghuto pesü naghutoqo dolo akiqheu shi iqhikumto tsü nani eno atoghiqo shou süqhe nani; shiye kümtsü no tipau lo qokive ilo nani,

ISAIAH 21:9

julo, khurkulu küsami chenie!” Eno pa no pi, “Ikiqivae, Babylon ye ikiqivae; pano lhou julho qhoi aghümi no kuboleve tsüae.”

ISAIAH 60:5

Tileno nongu no ithulu no alokivi yebide nani; nongu mlo ye alokivi no thüthüshi nani eno sheqhe nani, kughengu azüghi lo akini kupukuno shi akeu nongu lau ighive nani; eno shiyeqo küakini ye nongu lau ighive nani.

JEREMIYA 50:15

Li sümxape aghüle kulo; Babylon ye qhoi liqhivae; li qoghekiqo ye ikiqivae; liw aliwoqo ye hepholevae. Kughengu hi ye AMPEUw amkhükulue: li shou amkhü lulo, li no shike toi li peitha lo.

JEREMIYA 50:2

“Shiyeqo gholo sheshulo, michiphi süqhe no pikülhalo, küsüpe qhikevi no veküphalo: ‘Babylon ye leluvae, Bel ye shikujovae, Merodach ye aghüthi süvae. Li julhoqo ye shikujovae, Li julhoqo ye aghüthi süvae.’

JEREMIYA 51:18

Tipaqo ye ame küha eno atichepu kümlae; pano ghimeke ghuloki lo panongu ye pühave nani.

JEREMIYA 51:34

“Nebuchadnezzar Babylon kükau no I tsüchuvae; pa no I chunudaqhi; I pesü azühu kümsa akeu toive tsü; eno aghawu toi ni munove; pa no I chuqupu kivi pesü pa po sünhei luve no I puquleve.

JEREMIYA 51:47

“Julo, I no ajulho kümlla ghimeni keu tsala wocheni; li ghakhu kümtsü shikukujo nani, tile akeqo kümtsü no ikiqi thikhave nani.

JEREMIYA 51:53

Babylon no atsütsü kutolo iku eno aliwo qoghe shi püaghimu, I no kütsani kemi li lau puwu nani, ipi Ampeu no sheshu.

JEREMIYA 51:58

“Aqokitikhi MPEU no piani: Babylon liwo shishoi keu ye ayeghi lo xaleqhive tsü nani, li khagho qhemghai keqo ye ami no pitile qhive tsü nani. Ashiayeqo no mla chekeu ye adou shive nani, shiyeqo no ime chekeu ye ami no pitive nani.”

DANIEL 1:2

Ampeu no Judah kükau Jehoiakim eno pa gholono Alhou kilo tinhemgha hami Nebuchadnezzar u lo phesüve tsü. Pa no Shinar yeghi lo pa lhou kilo tipaqo süghi eno pa lhou kinibo lo qhive.

DANIEL 3:29

Tighenguno I no xaküthaza lakhi mla ani: ashiaye, shiye, momu atsa jeli khunono Shadrach, Meshach, eno Abednego noqo Lhou lachile keu tsa pini keno, timi tipau phiau sütha pinyive tsüni, eno pano kiqo kütsave tsüni, kughengu hitoi xaluni keu lhou kütau ye kühae.”

DANIEL 4:1

Akükau Nebuchadnezzar no ashiaye, shiye eno atsa jeli ayeghi lo akeqo kümtsü lau: aloino keu no küghüsü nongu gholo apeniu!

DANIEL 4:22

ti huye no ke, O akükau, no ye thuwuvae eno akumto shivae. O kughushu ye thuwuvae eno atsütsü tovae, eno o yekipeqha ye ayeghi shekha kuto tovae.

DANIEL 5:19

Eno Pa no kiqhekighe shitsü ke ghenguno, ashiaye, shiye, eno atsa jeli kümtsü no pa zülo khokhoshi eno pa sümsae. Pa no khuu heqhini keno heqhive che; eno pa no khuu püxüni keno püxüve che; khuu xaqheni keno xaqheve che; khuu sünheqhini keno sünheqhive che.

DANIEL 5:26

Tipau hekupho ye hike: MENE, o kükaqha tsala ye Alhou no kihithape qhivae eno tipau kishekhave tsüae;

DANIEL 5:31

Eno Mediami Darius, khuu ampe lhotsügho kini shi akeno, pa no aküka ikhiluve.