JEREMIYA 51:35 - Sumi Naga CL (Re-edited) Bible (BSI)

³⁵ Zion lo küami no pilo, Ni eno I laghami heqhikeu makho ye Babylon no pu pelo.” Jerusalem no pilo, “Ni ghime ji ye Chaldeami shou iku pelo.”

BAIBEL (BSI)

³⁵ Zion lo akemiqo pelo pipelo, “Ningu heqhi buqhikeu ghenguno amakhoye Babilon pelo pu pelo!” Jerusalem lo akemiqo pelo pipelo, “Ninguno aghime shivekeu ghenguno amakhoye Babilon pelo pupelo!”

JEREMIYA 51:35 ပူးပေါင်းရင်းမြစ်များ

BOTHUBO 16:5

Sarai no Abram vilo pi, “Akipimi I lau shive keu ye o shou ikughi peniu! I no o pelo valu penike I qeliu tsü, ikemu kughou li no mishi luvae pi ithi keno, li no I jukünathae. Ampeu pelo nikujo dolo xathatsü peniu!”

LESHELE 12:5

“Kumlhomi pükaqhi, aveküsami no aghuju shi kehu, Ni ye itehi ithughi niae,” ipi Ampeu no pi; “Pa no khile sükusho laju cheni keno I no tile pa sawo qhini.”

LESHELE 9:12

Kughengu Pa ye amkhü kulumi kümsüma chemoe; Pa ye aghime shi akemi küqa kümsümave chemoe.

JEREMIYA 50:10

Chaldea ye xüleve nani; khunono tipau xüleni keno panongu ye aghapiqilu nani, ipi Ampeu no sheshu.

JEREMIYA 50:29

“Babylon lenike asüzü kipemi, shexilika piqepe akemi kümtsü kulo. Li sümxape aghazü shilo. Li kümla kiqi lono lochilelo; li no shike toi li lau shilo. Kughengu li no aqheküza shi Ampeu Israel Lhou Akimtheu hebide ke.

JEREMIYA 51:24

“Babylon ngo Chaldea lo küami no Zion lo alhoksa shike ghenguno I no nongu nhethe lono lochile nani, Ampeu no sheshu.

AKUMLO 1:22

“Panow küsakügha kümla kümtsü O zülo süghi pelo, eno Nono I xineqo ghenguno I ghime ketoi panoqo ghimelo; kughengu I küsü ghügha ye kutomo eno I mlo ye hauve anie.”

HABAKUK 2:17

Nono Lebanon kütsale kehu tino o mhoqhive nani, nono kütsale keu tüghashiqo no o shikichiqhi nani, kughengu aji pelekeu eno ayeghi shiküpsa, aphughi eno tile küxümi kümtsü lau nono küsakügha shike.

ZEKHARIA 1:15

Eno Ni ye ililai akeqo shiye jupe shishe amloide ani; Ni ye kitila likhi amloide akemu panongu no ihulo ghimeve ake.

MATTHEW 7:2

Kughengu nongu no küghathabe keu kiqi lono nongu shou küghathabe nani, eno nongu no akimghipu peitha keu qhemi lono nongu mighiju nani.

James 2:13

Kughengu khunono akipimi qhitsü moni keno küghakütha lo pano kipimi qhitsümo nani. Akipimi qhikütsü no küghakütha shou tokulu cheni.

Piyeküsü 16:6

Kughengu panoqo no küpülümi ngo tungkupmi ji peleve tsü kehu Nono panoqo pijeni ke aji pesü tsüvae. Ti ye panongu no ithulu küzüpu huke!”

Piyeküsü 18:20

O kungugha eno nongu küpülümi, apostolmi ngo tungkupmiqo, li jupe alovilo, kughengu Alhou no nongu saphu no li shou küghakütha bevae!”

Piyeküsü 18:6

Li no kütami lau tsü püakeu qhemi tsüchile lo, li kümla pesü kinino küghüsü no lochilelo; kiu qhemi pesü ajukhu lo kitetsü keno ti veküghüsü no li jukhu lo lesü tsülo.

Piyeküsü 6:10

Panongu no asütsa kuloghi lono igha, “O Akughushu Mpeu, akimthe eno kuchou, ayeghilomi no ni pithive keu lo Nono küghatha eno ni mkhü lutsü moke kutolo ningu ye khitohi khea lopi kea?”

XAKUTHAMI 9:20

Ikemu tishimo aye, Abimelek phi lono ami iqü ipeghi keu no Shechem ngo Beth-millo lo sakiphemi pitiqhive peni; eno Shechem ngo Beth-millo lo sakiphemi phi lono ami iqü ipeghi keu no Abimelek pitiqhive peniu.”

XAKUTHAMI 9:24

tishikeu lono Jerubbaal nuli 70 lau akümla lhoksa shikeu ipeghive peniye ke, eno panongu ji ye pano thiküzüu Abimelek khuu panongu pithive keno pa shou, eno Shechemmi khunono Abimelek shikumto keno, tipaqo shou ghi ikughi peniye ke.