JEREMIYA 36:7 - Sumi Naga CL (Re-edited) Bible (BSI)

⁷ Ishiake panongu no kimiye tsü penike Ampeu zülo qhüiniju luvi, eno kümtsü no Ampeu mlokighide eno aloghu panongu shou shuphe püakeu no kije kehu pano kümla lhoksa lono tsüghü ighi luvike.”

BAIBEL (BSI)

⁷ Ishiake panonguno AMPEU lau inikhu puzu panoqo laghi lhoksa lono ideighi luvike, kughengu AMPEU no pa loghu kighide eno pa xukighide pesu timi hipaqo shikichiveake.”

JEREMIYA 36:7 ပူးပေါင်းရင်းမြစ်များ

KUKAMI AKINIU 22:13

“Wulo, eno kaku hipau lo yepüa keu kiqi lono ni eno timiqo ghenguno, eno Judah timi kümtsü ghenguno Ampeu lau ighiju lo. Ampeu ye ningu lau shishe aloghu ide ani, kughengu ni puasüqo no kaku hipau lo shilo pikeu pape movae, eno ningu ghenguno yepüa tsükeu kiqi lono xümovae.”

KUKAMI AKINIU 22:17

Kughengu panongu no I milive eno pano kümla vecheo I mlo shikighide tsüniye kütau lhouqo lau akümllagho tsüke, tighenguno I loghu ye a-a hipau shou ikughi nani eno ti ye iqüvemo nani.

YEKIKITHI AKINIU 34:21

“Wulo, eno kaku hipau lo yepüa keu kiqi lono I ghenguno eno Israel ngo Judah lo akeqo ghenguno Ampeu pütsa julo. Ampeu ye ningu lau shishe aloghu ide ani, kughengu ni puasüqo no kaku hipau lo shilo pikeu pape move ke.”

JEREMIYA 1:3

Itaghi Josiah nu Jehoiakim, Judah kükau no ka akelono ighi, ti ye Josiah nu Zedekiah, Judah kükau yepe mpe chighiaqhaqhiu aqhi apunguu lo Jerusalem no akughu lo wuve kelono ke.

JEREMIYA 16:10

“Kughou nono hipa tsa pesü timiqo vilo pi keno panongu no o vilo iniju nani, ‘Ampeu ye kushiye alhoksa kije hipaqo ni shou pipuku ani kea? Ningu xine ye kiu kea? Ningu ye Ampeu ni Lhou lau kiu xine shive kea?’

JEREMIYA 19:15

“Israel Lhou, Aqokitikhi MPEU no ishi piani, julo, I no kütüghü püake toi mishighüna hipau eno mishiphu kümtsü lo amhekiqi süghini cheni, kughengu panongu no I tsa ini mono kuthovi auveke.”

JEREMIYA 21:5

Ni ampi no au xachhope au kumto pesü axukighide, mqhumza eno aloghu kije lono nongu sasü aghüshi nani.

JEREMIYA 25:5

eno pi, ‘Itehi nongu pütüta laghi eno akümla lhoksa lono tsüghü ighilo, eno Ampeu no khaghi no alholo ghenguno nongu eno no puasüqo tsükeu yeghi lo xülulo.

JEREMIYA 26:3

Ishiake panongu no ini luvi, eno lakhikhi no pano laghi lono xaide ighi luvie, eno pano kümla lhoksa ghenguno I no ahaküsapu kughu akeu süchile luvike.

JEREMIYA 36:3

Ishiake Judah lagha ye I no pano shou kütsakungo nike kughu akeu chilu no kümtsü no pano lhoksa lono tsüghü ighi luvi, tishianguno I no pano kipimi xine qhitsü nani.”

JEREMIYA 37:20

Itehi kimiyeno inilo, O I mpeu akükau: I no aqhokigheu lono o qhüiniju akeu ye akiyeu Jonathan kilo I puwu kithe kevilo, tikumo aye ni ye tileno thiniae.”

JEREMIYA 4:4

Ampeu lau nongu phighüyiko ghalo, nongu mlo yiko ikhivelo, Judah ngo Jerusalem lo küami; tikumo aye no lhoksa ghenguno I loghu no ami toi khunomu ghapinhe mla kepushi piti nani.”

JEREMIYA 42:2

Jeremiah vilo pi, “Ni kimiye tsü penike o lau ighi ani, hi ghükulumi ghenguno O Lhou Ampeu lau inikhu tsülo. Kughengu o nhethi no ithulu anike, ningu ye aghulo likhivae,

AKUMLO 4:11

Ampeu no Pa loghu kümtsü pükhüle; Pa mlokighide külü lephe, eno Zion lo ami küiqü no tipau boqhaqo pitileve tsü.

EZEKEL 12:3

Timi nu, o ghenguno haphe sawuve kemi toi akho kutolo, eno tsüküvü lono panoqo nhethe lono haphe sawuve kemi paphishi wuvelo. No ye haphe sawuve kemi toi o kungo-a lono a-a kütau lo panoqo nhethe lono wuve lo. Ishiake panongu no hekibide kibolomi lakhi shi aghimu panongu ghi vethaluvi ke.

EZEKEL 13:13

Ikehu Ampeu Alhou no ishi piani: I loghu lono I no pasapagha mülhü puwu nani, I mlokighide lono tsütsüghu kije ghuqhi nani, eno aloghu lono mürasü kije puwu no qhoi kütsaleve nani.

EZEKEL 20:33

“I no xüake toi, Ampeu Alhou no asheshu, mtsüqheino au kumto eno au xachhope aloghu lephe keu lono I no nongu shou akükau shi nani.

EZEKEL 22:20

Milakhi no ghükayi, alazayi, ayi, aküsayi, eno tinyi pesü ayi kiyiqi miküqü lo xukumqo no ami lono tipaqo piti niye fuake toi I mlokighide eno I loghu lono I no nongu xukütsü nani, eno I no tile nongu vesüve no pitive nani.

EZEKEL 5:13

“Ikehu I mlokighide ye titoi ighi nani, eno I no I loghu panoqo shou lepuku no I likhi I ghapiqi nani. Panongu no Ni ye Ampeu kepi ithi nani, kughou I no I loghu kighide panoqo shou lepukuni keno panongu no Ni ye I nhekushu lono piqhi kepi ithi nani.

EZEKEL 8:18

Tighenguno Ni ye aloghu pepheniae. I nhethi ye panoqo juzüvemo nani, momu Ni ye amlosa qhiyi monani. Eno panongu no asütsa kuloghi lono I kini lo ighasü anamu, I no panoqo ghügha chilu tsümo nani.”

DANIEL 9:13

Moses Yezah lo yepüake toi, amhekiqi hipaqo kümtsü ningu shou ikughivae; tishimu ningu ye Ampeu ni Lhouw kikimiye qhüiniju ighimo eno ni kipimi xine lono tsüghüve no Ow kuchou vecheo vethakulu ithi küphalu move.

DANIEL 9:18

O I Lhou, O kini kugho puwolo eno inilo. O nhethi xükho no nino küghüküghalei akeu, eno mishighüna O je lono ku püakeu julo. Kughengu ningu mikucho ghenguno ningu ye O zülo qhüiniju keu hipau süghi anike kumoe, ikemu Ow kikimiye kije akeu ghenguno ke.

HOSIYA 5:15

Panongu no pano kipimi ithi no aghime lono müamzü I phuighi moke kutolo Ni ye itaghi I kungo-a lo ideighive nani.

JOYIL 2:12

Ampeu no pi, “Itehi nomu nongu mlo tsüqhiyi shino kümvü keu, aküqa eno akumlo lono I lau xaide ighilo;

JOYIL 2:13

eno nongu phimini kumono nongu mlo süxülo.” Ampeu nongu Lhou lau xaidelo, kughengu Pa ye küpükini eno kimiyekiniu, asheshi no amloide cheni, iqemokeu kikimiye no kupukuno eno amhekiqi süchileve chekeu ke.

JONAH 3:8

ikemu timi eno tüghashi ghi yeqhiyephi pepuni, eno Alhou lau akumtoshi ighamkuni. Kümtsü no paw küsakügha laghi eno kütsakungo keu lono xaideghi lo.

ZEKHARIA 1:4

No puasüqo toi kevilo, azüu tungkupmi no panoqo vilo igha pi, ‘Aqokitikhi Mpeu no piani, Nonguw küsakügha laghi eno küsakügha kümla lono ideighive lo.’ Ikemu panongu no chiluke kumono I lau amlo tsümoe, ipi Ampeu no asheshu.

ZAKINIU 31:16

Ampeu no Moses vilo pi, “No ye o puasüqo gholo züuveni keu do tovae. Tithiu timi hipaqo ye panongu no iloche keu yeghi lo I milive no inami lhouqo mllauve nani, eno I no pano sasü puloshoqhi shikeu kubove nani.

ZAKINIU 31:17

Tipani I mlo kighide panongu shou ikughi no panoqo pheve nani, panongu launo I gi kughove nani, tileno panongu ye kütsaleve nani. Panongu shou alhoksa ngo shiluküsa kutomo ikughi nani, eno panongu no pi nani, ‘Alhoksa hipaqo ni shou ikughi akeu ye, ni Lhou no ni gholo kühave kehu keshea?’