JEREMIYA 33:9 - Sumi Naga CL (Re-edited) Bible (BSI)

⁹ Mishighüna hipau no ayeghi lo shiye khunono I no akivi mlakeu sütsa chilu cheni keno, kümtsü zülo alokivi, ajekipi, shekiqhe eno agigihu pesü I tsü nani. Tipaqo no msa khokhoshi nani, kughengu I no akivi eno küakini pesü aphughi kümghatsü nani kehue.

BAIBEL (BSI)

⁹ Jerusalem ye ilau alokivi, agigihupu eno akijivilo kepu puki shive nani; eno ino Jerusalem lo akemi qo lau akivipu jeliqo shikeu ngo aphughilo ino kinikulu shilupekeu ayeghiqhalo ashiayeh kumtsuno chilu puzu panonguye musa ighuve nani.”

JEREMIYA 33:9 ပူးပေါင်းရင်းမြစ်များ

YEKIKITHI AKINIU 20:29

Ampeu kümsa no aghakhu kükaqha kümtsü shou ikughive, kughengu Ampeu no Israelmi ghümi sasü aghü shikeu panongu no chiluve.

NEHEMIA 6:16

Kughou ni ghümi kümtsü no hi chilu keno, shiye ni hokümxa lo küami kümtsü msave eno panongu nguagha ye shishe thibuive, kughengu akümla hi ye Alhou kukuphu lono kepi panongu no ithive.

ESTHER 8:17

Aphughi kümtsü lo khile akükau yezah ighi keno, tile Jewmi dolo amlokiqi eno alokivi, aghulhu eno tiqhetini shi. Eno aghakhu lo timi kutomo no panongu ghi Jewmi kepi shuphe, kughengu Jewmi kümsa no panongu shou ikughive ke.

LESHELE 130:4

Ikemu O lau ye akipimi qhikütsü ani, tishino O sümsa peniye ke.

LESHELE 40:3

Pa no ni Lhou shekiqhe le, ale akithe I kichi lo sütsüe. Kutomo no ti ithulu no ighüve nani, eno Ampeu shou pükhübe nani.

ISAIAH 43:21

Timi tipaqo ye I no I sala shi lhophe keqo, tishianguno panongu pelo I sheqhe shipili peniye ke.”

ISAIAH 55:13

Asahuqo züqhulo cypressbo ipeghive nani; eno asahubo lono myrtlebo ipeghive nani; eno tino Ampeu je shitsü nani eno alhokupuju lo acheni keu michipu shi nani.”

ISAIAH 60:5

Tileno nongu no ithulu no alokivi yebide nani; nongu mlo ye alokivi no thüthüshi nani eno sheqhe nani, kughengu azüghi lo akini kupukuno shi akeu nongu lau ighive nani; eno shiyeqo küakini ye nongu lau ighive nani.

ISAIAH 62:1

Zion ghenguno Ni ye inaqhoi mo nani, eno Jerusalem ghenguno Ni ye qümüive mo nani, Liw achipiu-mikucho no vüqai yepüvü moke kutolo, eno liw xakulupu no akuluqhe iqü aketoi moke kutolo, Ni ye inaqhoive mo nani.

ISAIAH 62:12

Panongu ye Akimthemi ipi ku nani; eno Ampeu no xachile luve kemi ipi ku nani; eno nongu pesü Alhou no Phuche kemi, eno Qhivemokeu Mishighüna ipi ku nani.

ISAIAH 62:4

Hinguno hilau no ye Pheve kemi ipi kumo nani, eno nongu ghakhu ye khilemu Pighive keu ipi kumae, ikemu o pesü ishi pinani, I züküvü ye li shou ani, eno o ghakhu ye külakupu shiluvae; kughengu Ampeu no o lau amloqi ani, eno Pa no o ghakhu ye külauvepe nani.

ISAIAH 62:7

Pa no Jerusalem shiqhe kithe moke kutolo, eno ayeghi lo tino shekiqhepu shimoke kutolo, pa pelo akulhoqhipe kevilo.

ISAIAH 64:2

tipaqo pelo ami no asü lokaqo piti akeshi, eno ami no azü kumqho akeshi— tileno O ghümi pelo O je ithi penike, eno shiyeqo pelo O zülo khokhoshi msa peniye ke.

JEREMIYA 13:11

Chighichephi pesü timi polo khapu ketoi, I no Israel ngo Judah kibo kuchopu pesü I khada peke, ipi Ampeu no asheshu, tishianguno panongu pelo Iw timi shilu, I jeku, shekiqhe eno agigihu tsü peniye ke, ikemu panongu no initsü moe.

JEREMIYA 16:19

O Ampeu, I kumto eno I liwo, I veküsa tsala lo I kicheqho, ayeghi shekhau no shiyeqo no O lau ighi no pi nani: “Ni puasüqo ye akimki, ala küha keu ameküküha thimeqo kumo aye kiumu ighilu moe.

JEREMIYA 24:6

Akivipu ghenguno I nhethi no panoqo shou anani, eno ayeghi hipau lo panoqo sachile saghi nani. Ni ye panoqo xaleqhive mono shiqhe nani, panoqo nhüvemo no shosü nani.

JEREMIYA 26:6

I no akibo hipau pesü Shiloh toi shitsüni, eno mishighüna hipau pe ayeghi lo shiye kümtsü ghenguno ghukusho shivetsü nani.’”

JEREMIYA 29:1

Tungkupu Jeremiah no yesü tsa hipaqo pesü akughumi aküxü aghi kemi layemi, achinemi, tungkupmi, eno timi khunoqo Nebuchadnezzar no Jerusalem lono kughu sasü Babylon lo wuve keno tipaqo lau tsüpuwu.

JEREMIYA 3:17

Tipau ghuloki lo Jerusalem ye Ampeu kükalakhü ipi kunani, Jerusalem lo Ampeu nhethe lo shiye kümtsü tile kumqo nani, panongu ye kuthovi ghi pano mlo lhoksa papemo nani.

JEREMIYA 3:19

“‘I no pi, Ni ye kishi o pesü I nuli gholo qhino ayeghi kivi o tsü, shiye kümtsü nguno jukivi mheghi shitsü nishi chekelae. No ye I vilo, I Pu, ipi no I launo idewove monanie pi kümsü ake.

JEREMIYA 31:14

I no pofushi achinemi ghapiqitsü nani, eno Iw timiqo no I kivi ghenguno aghakiqi shinani, ipi Ampeu no sheshu.”

JEREMIYA 31:4

I no itaghi o shiqheni, eno o pesü shiqheve nani, O amikuchou Israel! Itaghi nono amqübo ikhipe alokivimi kighilhe shinani.

JEREMIYA 32:42

“Ampeu no ishi piani: I no amhekiqi kije hijeje timi hipaqo shou süghike toi I no pano lau tushoqhi püakeu ngukümgha kümtsü panongu lau süghitsü nani.

JEREMIYA 33:14

“Julo, Ampeu no asheshu, I no Israel ngo Judah kibo lau tushoqhi püakeu shikupuni keu tsala cheni.

JEREMIYA 4:2

eno kuchou, kuchou xakütha, ngo achipiu mikucho lono nono, ‘Ampeu xü ani,’ ipi tushoqhi aye Pa no shiyeqo kümghatsü nani, eno Pa gholono panongu jekipi shinani.”

JEREMIYA 44:8

Kushiye nongu no xüuve niye ighikeu Egypt yeghi lo nongu ye kütau lhouqo lau axokütsüngü pesü mlla eno au no ajulho mlano I mlo shikighide ani kea? Nongu ye nongu ampi kütsave ani eno müsüinive keu shive no ayeghi lo shiyeqo kümtsü no cheqhi kepu vehu shivae.

JEREMIYA 49:25

Alokivi, ajekipi mishighüna ye kishino pighive mphi kea?

EZEKEL 26:20

tileno I no o pesü khaghi no akuthoku lo ilove keqo gholo puwuve nani, eno ayeghi qhou khaghi no kütsave keqo gholo o pelo küghünape nani; tishikeu lono o ghakhu ye küghüna kithepe moveni; ikemu I no küxümi yeghi lo jukivi kutope qhitsü nani.

EZEKEL 36:35

Eno panongu no pi nani, ‘Ayeghi hipau küghüküghalei achekeu ye Eden ghutu toivae, eno kütsave keu, ixapinyi shipüsape akeu mishighünaqo ye itehi ye kümtsü shiqhevae eno küghüna luvae.’

EZEKEL 39:13

I no I juküvü pepheke tsalani I no aghakhu lo timi kümtsü no panoqo shiqho nani, eno tino panoqo jekipipu shitsü nani, ipi Ampeu Alhou no asheshu.

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

ZEKHARIA 1:17

Itaghi ighamku lo, aqokitikhi Mpeu no piani: Iw mishighünaqo ye itaghi küakini no qole nani, Ampeu no itaghi Zion lokughunotsü nani eno itaghi Jerusalem kisheluve nani.’”

ZEKHARIA 12:2

“Julo, I no Jerusalem pesü hokümxa lo ashiaye kümtsü lau hevülalai keu jukhu lakhi shi tsüniye ani. Jerusalem leluve aye Judah ghi qhasü luve nani.

ZAKINIU 30:5

Ampeu nongu Lhou no nongu puasüqo mheghi yeghi lo nongu saghi no nongu pelo tile ngope nani. Eno Pa no nongu puasüqo nguno alau kinikülü ngo atianuli kughuko tsü nani.