JEREMIYA 31:35 - Sumi Naga CL (Re-edited) Bible (BSI)

³⁵ Ampeu no ishi piani, khuu no puchou khetsünhe küvü tsü eno aqhi ngo ayepuqo ghope putho lo aküvü tsücheni, khuu no azüghi zü xukutho no ighape cheni keno, Pa je ye aqokitikhi MPEU ke.

BAIBEL (BSI)

³⁵ Puchou tsalalo akuvu ghenguno AMPEU no tsukinhe kutotsuke, putholo vuqai penike aqhi ngo ayepuqo tsuke. Pano azughi xukutho puthuke eno tipau igha chenipeke; pa jeye Aqokitikhi MPEU ke.

JEREMIYA 31:35 ပူးပေါင်းရင်းမြစ်များ

JOB 26:12

Pa küka pesü Pa no azüghi ghasüve; eno Pa lokütsü pesü Rahab kütsave.

JOB 38:33

No ye atsütsü lo pimheye ithi anima? Tipaqo yepesü ayeghi lo peithalu nanima?

LESHELE 106:9

Pa no Akuhu Züghi lomipi, eno tino thoqhaive, eno asayeli lo cheche ketoi Pa no panoqo sasü azüghi kathawu ke.

LESHELE 119:89

O Ampeu, O tsa ye alholo kungugha lo acheni.

LESHELE 119:91

O zakütsü kiqi lono tipaqo ye ishi kutolo acheni, kughengu thokha kümtsü O qe ache keqo ke.

LESHELE 148:6

Pa no pülhapuju eno alholo tipaqo ghope qhike; Pa no xaküthaza tsü kelo tipaqo ye hebide mla nani.

LESHELE 72:17

Alholo pa je ye kümsümave mono ache pelo, atsütsü lo khetsünhe ake kutolo pa jekipi apelo! Pa vecheo timiqo no müghalu pelo, shiye kümtsü no kükümghau ipi pa ku pelo!

LESHELE 72:5

Panongu pelo khetsünhe ake tivilo eno, tiqheli kupuju lo aqhi ake tivilo O sümsa pelo!

LESHELE 74:13

O küka kumto lono Nono azüghi kijethave; Nono azüghi lo ghasükümla ghawu boghe hepho tsüke.

LESHELE 74:16

Tsüküvü tsüküzü tsala ghi Ow; Nono atsütsü lo aküvü eno khetsünhe ghope qhike.

LESHELE 78:13

Pa no azüghi kijethave no panoqo pelo kathape, eno azü pesü amoqhe püake toi puthugho peke.

LESHELE 89:2

Kughengu I no pi, “Iqemokeu kikimiye ye alhokupuju shiqhe nani; kungugha lo Nono O pükhükulu pephe nani.”

ISAIAH 48:2

Kughengu panongu ye akimthe phughi je lono kucheni, eno Israel Lhou qholo xücheni; Pa je ye aqokitikhi Mpeu.

ISAIAH 51:15

Ni ye nongu Lhou Ampeu ke, I no azüghi xukutho no fukukucho no iqhaighu chenipe, aqokitikhi Mpeu no Pa je ke.

ISAIAH 54:5

Kughengu o lhokeu huno o kimi shivae, Pa je ye aqokitikhi Mpeu ke, Israel Lhou akimtheu no o xakuluu ke, Pa ye ayeghiqha Lhou kepi Pa kucheni.

ISAIAH 63:12

Pa no Moses u ajeu Pa kükakumto tsüve, Pa likhi Pa je shekhaha ghenguno ache penike panongu zülono azüghi kijethave tsüke.

JEREMIYA 10:16

Khuu no Jacob Lhou keno Pa ye hipaqo toi moe, kughengu Pa no thime kümtsü kughulho ke, Israel shiaye ye Pa mheghi ke; aqokitikhi MPEU no Pa jeke.

JEREMIYA 32:18

Nono qhethonhe lau iqemokeu kikimiye piye cheni, ikemu apuaza no pimive kelo pano tianuliqo lau aghime süghi cheni, No ye kije eno akughushu Lhou, O je ye aqokitikhi MPEU ke,

JEREMIYA 33:20

“Ampeu no ishi piani: I no tsüküvü ngo tsüküzü qhipüa keu puloshoqhi nono hephove no tishikeu lono tsüküvü ngo tsüküzü no ado kiqi lono ipeghi move aye,

JEREMIYA 33:25

Ampeu no ishi piani: I no tsüküvü ngo tsüküzü sasü puloshoqhi shi püaghimo eno atsütsü ngo ayeghi akikithi lono püaghimo aye,

JEREMIYA 33:26

Ni ye Jacob tikughukomi eno I qeu David ngo pa tikughuko lo timi lakhi kishepe Abraham, Isaac eno Jacob tikughuko shou yepeu shipemoni cheke. Kughengu I no pano kinigha tsüchile no panongu shou kimiyeqhiyi nani.”

JEREMIYA 46:18

“Akükau khuu je aqokitikhi MPEU keno xüküau no sheshu, naghutoqo gholo Tabor toi, eno azüghi phivilo Carmel toi milakhi ighi nani.

JEREMIYA 5:22

Nongu ye Ni msamo keshea? Ampeu no asheshu. Nongu ye I zülo khokhoshi chemo keshea? I no asaye pesü azüghi lughi shi, ti vechemla kepushi alhokuthu ghuthu shi; azü fukucho ighimu ti veche mla; mqhumza igha namu veche mlae.

JEREMIYA 50:34

Ikemu pano Xachilekuluu ye akumtoe; Pa je ye Aqokitikhi MPEU. Mtsüqheino Pa no pano ghenguno pitsü nani; tishikeu lono Pa no ayeghi lo akulhokiqhi süghi nani, ikemu Babylon lau ye aküpüna süghi nani.

JEREMIYA 51:19

Jacob Lhou ye tipaqo toimoe, kughengu Pa no thokha lhoe, Israel ye Pa mheghi shiaye ke, Pa je ye aqokitikhi MPEU.

HOSIYA 13:14

Kithigha küka launo I no panoqo qhüchilelu nani; Akithi lono I no panoqo xachilelu nani. O akithi, ow püsaqo khile ania? O Kithigha, o sahu khile ania? Amlo ighiqhiyi keu ye I nhethe lono küsüvae.

AMUS 9:8

Julo, Ampeu Alhou nhethi ye axine kükaqha ju ani, I no ayeghi lono ti kütsave nani ikemu Ni ye Jacob lagha qhoi kütsaleve monani,” ipi Ampeu no asheshu.

MATTHEW 5:45

tishikeu lono nongu ye khuu kungugha lo ani keno nongu Papu tianuli kepi piyelu nani. Kughengu khetsünhe ghi Paw ke Pa no tsütsüni pesü alhoksami ngo akivimi lau tsücheni, eno tsütsüghu pesü müzüchoi kemi ngo ihoghülai kemi lau puwu tsücheni.

ZAKINIU 4:19

Itaghi nongu no atsütsü lo jupuku kelo, khetsünhe, aqhi, ayepu eno titoike jeli no nongu züluve no tipaqo mllauve nosake kutokughoi lo, kughengu tipaqo ye Ampeu nongu Lhou no atsütsü qholo ashiaye kümtsü sala pulhosü tsüke.