JEREMIYA 30:7 - Sumi Naga CL (Re-edited) Bible (BSI)

⁷ Oishe! Tipa tsala ye ighono kije, titoi keu tsala küha nani; ti ye Jacob ghenguno aveküsa do; ikemu tipau lono pa xaluve nani.

BAIBEL (BSI)

⁷ Aha! Atsala tipauye akumsapuke; tipa tsalaye kiunomu kimighimla keu tsalake; tiye iwu timiqo ghenguno shilukusa aghime ghulokike, ikemu panongu puxutsu nani.”

JEREMIYA 30:7 ပူးပေါင်းရင်းမြစ်များ

BOTHUBO 32:7

Tileno Jacob ye ighono msave no amloghuju shive. Pa no pa gholo timi akeqo, ambeloji, atsü-aqu eno sayeshiqo aghazü mqo kini shi kijethave,

LESHELE 25:22

O Alhou, aghime kümtsü lono Israel xaphe tsülo.

LESHELE 34:19

Amikuchomi ghime kitikhi ye kutomoe, ikemu Ampeu no ti kümtsü lono pa xaphelu cheni.

ISAIAH 20:6

Tipa tsalani azüghimkü lo küami no ishi pi nani, ‘Nino khuno pükhüpe Assyria kükau launo xaphe peniye akukuphu khuwu chekeno, tipaqo lau kiu shive akeno julo! Imaye, ninguu ye kishino poluni kea?’”

JEREMIYA 14:8

O, No Israel lajupu, aveküsa ghuloki lo xakuluu, kushiye No ye ayeghi lo inami lakhi toi, kicheghüzümi no kijili lakhi ngoke toi ani kea?

JEREMIYA 2:27

Nongu no asübo vilo, ‘No ye I pu,’ eno atu vilo, ‘Nono I punu ke,’ ipi cheni. Kughengu panongu no agi I piye mono kughope azübo I tsüke, Ikemu pano veküsa loye, ‘Ithughi no ni xalulo!’ ipike.

JEREMIYA 2:28

Ikemu nongu no mlakeu lhouqo khile ani kea? O Judah, no veküsa lo nongu xalu kepushi aye pano pelo ithughi pelo; kughengu now mishighünaqo khije ani keno no lhouqo ghi tijehi ani.

JEREMIYA 30:10

“Ikehu msa kevilo, I qeu Jacob, Ampeu no sheshu, aghüthisü kevilo, O Israel; kughengu julo, I no aghacheu no o xalu nani, eno o tikughuko akughushi akeu yeghi lono xalu nani. Jacob ye iqüghai alokughuno shi ideighi nani, khumu pa shikümsa mo nani

AKUMLO 1:12

“Nongu itsüche keqo müzülo hi ye kiumu kumo keshea? Julo, I mloghime khikhi Ampeu no Pa loghu tsala lono I shou pukutsü keno titoi keu mloghime ani kemo keno kümsüju lo.

AKUMLO 2:13

O Jerusalem limi, Ni ye o ghenguno kiu pini, kiu pesü o kimhe tsüni kea? O Zion limi athatheu, Ni ye o lokughuno tsü kepushi o pesü kiu kimihi shitsüni kea? Kughengu o mhekiqi ye azüghi pahi qhachhovae; khuu no o shipivi luni kea?

AKUMLO 4:6

Kughengu Iw timi nga ghime keu ye Sodom ghime nguno akijeu, ti ye khunomu li kuphu mono ghuthu khavino kütsave.

DANIEL 12:1

“Tipa ghuloki lo kükapuu akijeu Michael, khuu ow timiqo shou jukükütsüu keno, pa no ithughi nani. Tile shiye lhosü kelono ishi kutolo khilemu shimphi keu küküpna do lakhi anani. Ikemu tipa ghuloki lo ow timi, khunoqo je kaku lo ye püaghini keno panongu ye xaphe luve nani.

DANIEL 9:12

Pa no amhekiqi kije ningu shou süghi keu vecheo Pa tsa khikhi ningu eno niw yepemi shou pipuku keno ti shikupuvae.

HOSIYA 1:11

Eno Judah ngo Israel nuliqo ye kümtsa hekütsü nani, panongu no pano ghenguno akütsü lakhi süküsü shi nani. Eno panongu no hipau yeghi lono iqhove nani kughengu Jezreel tsala ye kije shi nani.

JOYIL 1:15

Tipa tsala ghenguno ahae! Kughengu Ampeu tsala ye kupunuvae, ti ye Akughushuu launo kütsakungo ighi ketoi nani.

JOYIL 1:2

Hi inilo, nongu layemiqo; akini xükholo, küxümi kümtsü! Nongu momu no puasüqo ghuloki lo hitoi keu shipüani kema?

JOYIL 2:11

Ampeu no Paw ghüshimi zülono asheshu, kughengu Paw ghüshimi ghazü ye shishe kijeke; Khuu no Pa tsa pecheni keno Pa ye aküka kumtou ke. Kughengu Ampeu tsala ye kije eno shishe aküighüpu; khuu no ti puqhelu nani kea?

JOYIL 2:31

Ampeu tsala kije eno akümzapu ighi mphilo khetsünhe no zümoive nani eno aqhi no aji toive nani.

MICAH 4:9

Itehi nongu ye kushiye ighaqa ani kea? Nongu ye akükau kühava kea? Nongu lapiyemi pühave kehu totimi punu küsü toikeu no nongu tsüqü luve akeshea?

HABAKUK 3:16

I no chilu no I phimpi sükidi; aghügha huno I mütsü thüthüshi; tsümave keu no I ghi lo iloghive; I pukhu no khokho shiuve. Ikeghi ni ye inaqhoi shino ni leighi kemi shou aküpüna tsala ighini keu ngokhe anani.

ZEKHARIA 14:7

Ti ye Ampeu likhino ithi akeu akimchi tsala shinani, putho mu pucho mu kumokeu tsala, ikemu avelau no aküvü ighive nani.

MALAKI 4:1

“Kughengu julo, atsala ye cheni, amiphoki lo toi iqü ani, akuchhomami eno küsaküghami kümtsü aghijini toi pitive nani. Atsala tipau chekeu huno panoqo pitive nani, aqokitikhi Mpeu no pi, tishianguno tino panoqo ghenguno akuhu momu aloka mu qhimono pitive nani.

Mark 13:19

Kughengu tipa ghuloki lo kijiküpsa ye inahuu Alhou no pulhosü kelono itehi kutolo khilemu shiju mphi eno hithiu mu khilemu shimo nani.

Apostolmi 2:20

Ampeu juküvüpu tsala kije ighini ke zülo khetsünhe no zümoive nani, aqhi no aji toi huchuyive nani.

Rommi 11:26

Eno hipa ghola lono Israelmi kümtsü xaluve nani, ti ye ishi yepüake toi, “Xaphekuluu ye Zion lono ighi nani, Pa no Jacob lagha launo küsakügha ikhive tsü nani”;

Piyeküsü 6:17

kughengu panongu loghu tsala huye ighivae eno khuu no tipau lo puthugho luni kea?”