JEREMIYA 29:10 - Sumi Naga CL (Re-edited) Bible (BSI)

¹⁰ “Kughengu Ampeu no ishi piani: Kughou Babylon lo ampe lhotsüni kupuveni keno I no nongu xuju nani, I shoqhi shikupu nani eno hipa-a lo nongu sachile saghi nani.

BAIBEL (BSI)

¹⁰ “AMPEU no pianike, ‘Kughono Babilon lo wukeu ampe lhotsuni kupuveni keno ino nongu ghenguno alokumsu anani eno noyeghilo nongu saideghini ke ishoqhi penani.

JEREMIYA 29:10 ပူးပေါင်းရင်းမြစ်များ

YEKIKITHI AKINIU 36:21

Ampeu no tungkupu Jeremiah vecheo pi püakeu shikupu ghi ampe lhotsüni kupu moke kutolo, aghakhu no Sabbath kulhokiqhi ithulue; pighive keu do kupuju yenguyive.

YEKIKITHI AKINIU 36:22

Persia kükau Cyrus yepe mpe atüghüu lo Ampeu no tungkupu Jeremiah vecheo pi püakeu shipuku niye Pa no Cyrus mlo peitha püzü pa kükaqha lo sheshu eno akiye lo ghi ishi yeve:

EZRA 1:1

Persia kükau Cyrus mpe atüghüu lo, Ampeu tsa Jeremiah kichi lono pikeu shikupu niye, Ampeu no Persia kükau Cyrus ghungu xukutho, ikehu pa no pa kükaqha kümtsü lo ashekushu lakhi shino tipau akiye lo süve:

EZRA 1:2

“Persia kükau Cyrus no ishi piani: Ampeu, kungugha Lhou no ayeghiqha lo kükaqha kümtsü I tsüvae, eno Pa no Jerusalem, khikhi Judah lo ani keno, tile Pa ki shiqhe peniye azah I tsüvae.

LESHELE 102:14

Kughengu O qemi no li tuquqo kimiye cheni, eno li yeghimkhu kimiye cheni.

JEREMIYA 25:11

Ayeghi qhoi kütsape kümsa shive tsüni, shiye hipaqo ye ampe lhotsüni Babylon kükau huthu nani.

JEREMIYA 25:12

Tishino ampe lhotsüni kupuve kethiu I no Babylon kükau eno tipau shiye, Chaldeami yeghi ghime nani, pano kipimi ghenguno alholo ayeghi pighive tsü nani, ipi Ampeu no sheshu.

JEREMIYA 27:22

Hipaqo ye Babylon lo xapu wuve nani eno I no panongu xuju moke kutolo tile anani, ipi Ampeu no sheshu. Tishino I no hipaqo süchile süwo hipa-a lo qhikitheve nani.”

JEREMIYA 27:7

Pano ghakhu do aghuloki ighi moke kutolo shiye kümtsü no pa ngo pa nu eno pa tilimi kutolo huthu nani. Tithiu no shiye kutomo, eno kükami kijeqo no pa pesü pano qeu shive nani.

JEREMIYA 29:28

Kughengu pa no ningu pesü Babylon lo puwuve no pi, “Nongu kughukishi ye ado kushuo wonani, aki shiqhelo eno tipaqo lo xülo, aghutu shilo, eno tipau lo pekighi chulo.”’”

JEREMIYA 29:32

Ampeu no ishi piani: Julo, I no Nehelammi Shemaiah eno pa pishe amzü ghime nani. Timi hipaqo gholo pa kughukomi lakhimu küha nani, eno pa ye I no Iw timi lau akivi mlani keu ithulumo nani, ipi Ampeu no sheshu, kughengu pa no Ampeu hekibide tsa pike.’”

JEREMIYA 30:3

Kughengu julo, Ampeu no sheshu, I no Iw timi Israel ngo Judah kinigha athoputho tsüni keu tsala cheni, Ampeu no pi, eno pano puasüqo tsükeu yeghi lo panongu sachile saghi no panongu no tipau pighi luve nani.”

JEREMIYA 33:14

“Julo, Ampeu no asheshu, I no Israel ngo Judah kibo lau tushoqhi püakeu shikupuni keu tsala cheni.

EZEKEL 11:17

Tighenguno pilo, ‘Ampeu Alhou no ishi piani: I no timiqo gholono nongu hekütsü nani eno aghakhu khipaqo lo nongu kutholeve puwuve keno tipaqo lono nongu kumqo nani, eno I no Israel yeghi pesü nongu tsü nani.’

DANIEL 9:2

pa yepe mpe atüghüu lo, ni, Daniel no Ampeu tsa tungkupu Jeremiah lau ighi keu kiqi lono Jerusalem pighive keu ashekha shinike zülo ampe kikihi khije wove aghi masa keno kakuqo lono phukidelu, ti ye, ampe lhotsüni.

ZEFANIA 2:7

Azüghimkü huye Judah lagha lo ghülu kemi sala shive nani, pano tsü-aqu no tile mzachu eno akhemi no kijiliu Ashkelon lo aki akeqo lo ihozü nani. Kughengu Ampeu panongu Lhou no panoqo kümsülu no pano ngukümgha tsüchile nani.

ZEKHARIA 1:12

Ikehu Ampeuu kungumi no pi, ‘O aqokitikhi Mpeu, No ye Jerusalem eno Judah phughiqo shou ampe lhotsüni amloideve ake itaghi khitohi küpükini piye mono ani kea?’

ZEKHARIA 7:5

“Aghakhu lo timi eno achinemi vilo pilo, ‘Kughou nongu no ampe lhotsüni kutolo aqhi apunguu eno akütsüniu lo kümvü eno mloqa keno, nongu ye I ghenguno kümvü keshea?

RUTH 1:6

Tileno li no li mukishiu pama sasü Moab ghakhu lono idewo niye kutove, kughengu Ampeu no Paw timiqo xuju no achuqupu tsü anie pi li no Moab luza lono chilue.