JEREMIYA 28:8 - Sumi Naga CL (Re-edited) Bible (BSI)

⁸ Khaghi tungkupmi o züumi eno I züumi tungkuptsa piche kemi no aghakhu kutomo eno kükaqhaqo shou aghükishi, akhüava, eno püsa ighini keu kütüghü ke.

BAIBEL (BSI)

⁸ Tungkupmi khunoqono ighuloki eno nongu ghuloki ighinikeu ado-kushuwa chephi lono aghukishi, akhuava eno kusukini ashiayeh lau eno akukaqha akuka-kumto shi kakeqo lau ighini chekeu ashe-azu tsa shi pipuani.

JEREMIYA 28:8 ပူးပေါင်းရင်းမြစ်များ

KUKAMI ATUGHIU 17:1

Gilead lo Tishbemi Elijah no Ahab vilo pi, “Ampeu Israel Lhou xüküau, I no huthu chekeu je lono pi ani, I tsa lono kumo aye, hithiu ampe hami dolo atsüzü na tsütsüghu namu ighimoae.”

KUKAMI ATUGHIU 22:17

Pa no pi, “Israel ghüshimi kümtsü akheu küha keu mbe toi apanagha naghuto lo chekeu I no ithulue. Eno Ampeu no pi, ‘Hipaqo ye ampeu kühae; panongu pelo iqüghai aki lo wove pelo.’”

KUKAMI ATUGHIU 22:8

Israel kükau no Jehoshaphat vilo pi, “Ampeu lau ighiju luni keu milakhi Imlah nu Micaiah aphi, ikemu ni ye pa mithie, kughengu pa ye alhoksa thono I ghenguno khilemu tungkuptsa akivi pitsü chemoe.” Jehoshaphat no pi. “Akükau ye tishi pikepu kumoe.”

ISAIAH 13:1

Amoz nu Isaiah no Babylon ghenguno ithulu keu tsape.

ISAIAH 13:18

Pano süzü no lhothemi kaqhi nani; akichhelo kupu eno itimiqo shou mu kimiyeqhiyi keu piyemo nani.

AMUS 1:1

Ayeghi küghütha züu ampe kini akelo Uzziah no Judah kükau shi eno Joash nu Jeroboam no Israel kükau shi ake ghuloki lono Amos, khuu Tekoa lo ambekhemi lakhi keno, pa no Israel ghenguno ithulu keu tsape.

AMUS 1:2

Amos no pi: “Ampeu no Zion lono ighamku Jerusalem lono Pa sütsa süqhe; atsüni kümtsha-aqo no mloqa eno Carmel toghi no ighüyivae.”

JONAH 3:1

Tithiu Ampeu tsa akiniu Jonah lau ishi ighi,