JEREMIYA 23:25 - Sumi Naga CL (Re-edited) Bible (BSI)

²⁵ Tungkupmi no I je lono akimki tungkuptsa ishi pikeu I no chiluvae, ‘I no asamo pumova, I no asamo pumova!’

BAIBEL (BSI)

²⁵ Tungkupmi hupaqono kiu pikeno, panonguno ije lono akimki tsa pikeu eno panoqo samouno ino itsape pesu panoqo tsuveakepi pichekeqo kumtsu ino ithianike.

JEREMIYA 23:25 ပူးပေါင်းရင်းမြစ်များ

BOTHUBO 37:5

Joseph no asamo lakhi pumo, kughou pa no pa mu noqo vilo pi keno, panongu no alau pa mithiuve.

BOTHUBO 37:9

Tithiu pa no asamo kütau pumo eno pa mu noqo vilo tipau pi, “Julo, I no asamo kütau pumoe. Khetsünhe, aqhi eno ayepu chighiqhaqhi no I zülo pishiqhoe.”

LESHELE 139:2

Kughou I no iqa eno I no ithughi keno Nono ithi ani; Nono putou no I kükümsü jupililu ani.

LESHELE 139:4

I kichi lono atsa piqhi mphi züu nomu julo, O Ampeu, Nono ti kuchopu ithi ani.

JEREMIYA 13:27

I no ow kuchhube kümla, o shupu asalha eno akimine, atoghi lo nono kütüqha keu ithuluvae. O Jerusalem, o hasapue! Khitohi no ye mithe mono anani kea?”

JEREMIYA 14:14

Ampeu no I vilo pi: “Tungkupmi no I je lono akimki tungkuptsa pi ani. Ni ye panongu puwu püamoe, azah mu tsü püamo, eno panongu mu pütsa püamoe. Panongu no akimki kungunhetsü pesü nongu lau tungkuptsa piani, ameküküha tumu eno pano kükümsü lo akeu pesü pishiqhi ani.

JEREMIYA 16:17

Kughengu I nhethi no pano laghi kümtsü shou ani. Panongu ye I launo itshüve mlae, momu pano xine ye I launo küsüve mlae.

JEREMIYA 23:28

Tungkupu khuu no asamo pumo ani keno pa samo pipelo, ikemu khuu no I tsa piani keno pa ye pükhükulupu shi pilo. Aghijini ye kiu lono athi sasü aqü shini kea? ipi Ampeu no sheshu.

JEREMIYA 23:32

Julo, Ni ye khunoqo no akimki samo tungkuptsa picheni keno pano mjochile ani, ipi Ampeu no sheshu. Ni ye panongu puwu püamo eno ghutumo keghi panongu no kühakügha kimki lono Iw timiqo vilo pi eno saküghüzü sawu cheni. Ikehu panongu ye timi hipaqo launo kiumu ala shimlae, ipi Ampeu no sheshu.

JEREMIYA 27:10

Kughengu ti ye akimki lono nongu lau tungkuptsa piani, ti ye nongu pesü no yeghi lono putosüu hapuwuveni keu kiqi ke; I no nongu hapheve no nongu ye pühave nani.

JEREMIYA 27:15

Ni ye panongu puwu püamoe, ipi Ampeu no sheshu, ikemu panongu ye I je lono kichile tungkuptsa piani, ikehu tipau visavili ye I no nongu hapheve no nongu eno tungkuptsa pi akemi tungkupmiqo pühave kelono ipeghi nani.”

JEREMIYA 29:23

kughengu panongu no Israel lo kixikila thime mlae, panongu no pano kisüghümi nipuqo sazüe, tishino I no azah tsümo keghi I je lono akimki tsa piani. I no ithi ani, eno I no thopi ke, ipi Ampeu no sheshu.’”

JEREMIYA 29:8

Aqokitikhi MPEU, Israel Lhou no ishi piani: Nongu gholo tungkupmi ngo atumumi pelo nongu pishiqhive pekevilo, eno panongu no pumo keu samo ini kevilo,

JEREMIYA 8:6

I no amlokütsü shi ini kemu panongu no achipiu tsa pimoe; khunomu pa lhoksa lono xaide mono pi, ‘Ni ye kiu shive kea?’ Khurshi no shoxashi aghüshiqa lo poilo keshi kümtsü no pütüta la lo wuve.

AKUMLO 2:14

Ow tungkupmi no o ghenguno kichile eno pishikiqhi kungunhetsü ithulu; panongu ye o ngukümgha tsüchile peniye o xine pephe tsümoe, ikemu o ghenguno kichile eno sakibide tungkuptsa pitsüe.

EZEKEL 22:28

Liw tungkupmi no panoqo ghenguno metsüghoi keu no nuda ketoi nudave tsüno kichile kungunhetsü ithulu eno akimki saqhi tsüno Ampeu no piqhimo keghi, ‘Ampeu Alhou no ishi piani,’ ipike.

JOYIL 2:28

“Ado hami thiu I no timi kümtsü shou I Ghungu lepuku tsü nani; no tianuli kiptimi totimiqo no tungkupu tsa pi nani, now muchomiqo no asamo pumo eno lhothemiqo no kungunhetsü ithulu nani.

ZEKHARIA 13:3

Khuana no itaghi tungkuptsa pi aye, pa punuu puaza no pa vilo pi nani, ‘No ye xümoae, kughengu nono Ampeu jelono akimki tsa pi anike.’ Eno kughou pa no tungkuptsa pini keno pa punuu puaza no pa jiqhive nani.

AKIKIHI 12:6

Ampeu no pi, “I tsa inilo: Nongu gholo tungkupmi aghi kelo Ni Ampeu no I pesü kungunhetsü lono pa lau kilethitsü, eno asamou no pütsa cheni.

MATTHEW 1:20

Ikemu pa no hipa vehu kümsükuto ake lono julo, Ampeuw kungumi lakhino asamou no pa lau ipeghi no pi, “David nu Joseph, Mary pesü o nipu shinikeu msa kevilo, kughengu li no khikhi mishipu ani keno ti ye Aghungu Kimthe launo ke.

Luke 12:3

Tighenguno nongu no aküzü lono kiu pive akeno aküvü lono chilu nani, eno aki alou lüthü chebo lono kiu akini lo pisüve tsü akeno aki kütsüqa lono sheshu nani.

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

IBRIMI 4:13

Alhou no lhosü keu kiumu pesü küsüve mlae, ikemu ningu no khuu lau kihikülai tsümasa nani keno, Pa nhethe loye kümtsü lhaphepe eno pekipheshi ani.

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.