JEREMIYA 22:26 - Sumi Naga CL (Re-edited) Bible (BSI)

²⁶ No eno o za o punuu pesü o punumo keu ghakhu lo I no kihi puwuveni, eno nokujo ye tilano thive nani.

BAIBEL (BSI)

²⁶ Ino anguka lono no eno oza okujo pesu hakughutsuve nani. Okujo khuumu punumokeu yeghilo puwuve nani eno okujo kinikujo tilauno thive nani.

JEREMIYA 22:26 ပူးပေါင်းရင်းမြစ်များ

KUKAMI AKINIU 24:15

Pa no Babylon lo Jehoiachin sawuve. Akükau paza, pa nipuqo, pa qholo kijemi, eno aghakhu lo sakiphemi kümtsü Jerusalem lono küghape Babylon lo wuve.

KUKAMI AKINIU 24:8

Jehoiachin ye ampe chighitache shi akelono ayepelu eno pa ye Jerusalem lono aqhi küthü ayepelu. Pa za ye Nehushta, Jerusalem lo achekeu Elnathan nonga.

KUKAMI AKINIU 25:27

Jehoiachin kügha sawuve keu mpe shighi akütsüniu, aqhi chighiakiniu, atsala muku akütsüniu lo Babylon kükau Evil-merodach no ayepe thuke lono, Judah kükau Jehoiachin küpüqhiyi akughu lono khaqhi pheve.

KUKAMI AKINIU 25:29

Ikehu Jehoiachin ye akughumi phi xaqhive. Eno tinguno tilau pa ye tsalakipe akükau gholo chusho cheuve,

KUKAMI AKINIU 25:30

pa no xüake tivilo tsalakipe vehupu kümtsü, akükau no achipi lono pa tsüche.

ISAIAH 22:17

Julo, O akumtou, Ampeu no o küzütha pinyive nani. Pa no tsatsai o tsüqüpe

JEREMIYA 10:18

Kughengu Ampeu no ishi piani: “Hipa ghuloki lono I no ayeghi hipau lo xüküami haleveni, panongu pelo michelu penike I no kütakihi keu süghi nani.”

JEREMIYA 13:18

Akükau eno Kükaliu paza vilo pilo: “Aqhou lakhü lo iqave lo, kughengu ow jukivi kütsükuqho ye o kütsü lono ikiqivae.”

JEREMIYA 16:13

Tighenguno I no ayeghi hipau lono no eno o puasüqo no mthakeu yeghi lo küza puwuveni, eno tilauno putho pucho nono kütau lhouqo huthu nani, kughengu Ni ye I pulou o piye moae.’

JEREMIYA 22:27

No ye khilemu nono kümsü akeu yeghi lo ideighimo nani.”

JEREMIYA 28:4

I no Jehoiakim nu, Judah kükau Jeconiah ghi sachile saghive nani, eno Judah lono Babylon lo haphe sawuve kemi sachile saghi nani, ipi Ampeu no sheshu, kughengu I no Babylon kuokhasü hephove tsü nani.”

JEREMIYA 29:2

Hi ye Akükau Jeconiah eno kükaliu paza, shokomi, Judah eno Jerusalem lo hiyampemi, atshamgha kishimi, eno ayi kümlami Jerusalem lo sawuve kethiu noke.

JEREMIYA 44:14

tishianguno Judah lo ghükulumi khunoqo Egypt lo xüuve niye ighi keno milakhimu polu pemo momu Judah lo idewoni shi anamu wopemo nani. Kupokichemi khami kumo aye panoqo gholo milakhimu idewolu monani.”