JEREMIYA 17:9 - Sumi Naga CL (Re-edited) Bible (BSI)

⁹ Amlo ye thime kümtsü nguno pishikiqhiue, shipivimla kepushi sü ani; khuu no ti vethakulupu kea?

BAIBEL (BSI)

⁹ ‘Khuuno timi mlo ithikuthu luni kya? Tiye kutau kumtsu nguno pishikiqhiu ke; tiye vimo kutuke.

JEREMIYA 17:9 ပူးပေါင်းရင်းမြစ်များ

BOTHUBO 6:5

Ampeu no ayeghi lo timiw küsakügha kije ithulu, eno pano kükümsü kupulo ye alhokuthu lo küsakügha likhie.

BOTHUBO 8:21

Kughou Ampeu no tsüngqüi keu xo münalu keno, Ampeu no Pa mlo lono ishi pi, “Ni ye itaghi khilemu timi xine ghenguno ayeghi müsüini moae, kughengu alhothe lonomu timi kükümsü kupulo ye küsaküghae. Ti kumono Ni ye I no shike toi itaghi khilemu lhoxüqo pügha kithemae.

SAMUEL AKINIU 11:15

Pa no yesü lo ishi ye, “Aghüshi mta lo Uriah hasülo, eno pa ghiqhi pithive penike pa qhive no ideighive lo.”

LESHELE 51:5

Julo, ni ye axine lono punue, eno I za no axine lono I mishike.

LESHELE 64:7

Ikemu Alhou no Pa piji kapuwo panoqo veke; panongu ye züleno izavae.

AHOLE 28:26

Alikhi akükümsü shou pükhübe chekemi ye mbomzüe, ikemu alokütsü lono cheche kemi ye xaphe luve nani.

YETSAPIU 9:3

Khetsünhe qholo kiu shi ani keno kümtsü lo alhoksa ye hike: kümtsü lau atüqhüdo aphiphi ighi nani. Itaghi, timi no xüake tivilo pano kükümsü ye alhoksa eno anikha likhi, eno tithiu pano ye thive nani.

ISAIAH 1:5

Kushiye nongu heqhi apeni kea? Nongu ye kushiye hebide auveni kea? Azaku no akütsü kuchopu sü ani, eno amlo no pumhomoivae.

ISAIAH 1:6

Apukhumza lono akütsü kutolo kitilamu vithai keu kühavae, ikemu azaku ngo apiyi eno chiji keu zaku likhivae; tipaqo ye shikimtheve momu khave momu thazü pesü vakümtsha püamoe.

ISAIAH 6:10

Timi hipaqo mlo shikümka lo, panoqo kini kughupove tsü, eno anhethi kighicheve tsülo; tikumo aye panongu no ithulu, chilu eno vethalu no xaide püzü shipivi luve nosake.”

JEREMIYA 16:12

eno nongu no no puasüqo nguno alhoksau shiveke, nongu kümtsü no I tsa inimo no kuthovi, kixikila pulou shike.

JEREMIYA 7:24

Ikemu panongu ye agholu moe eno akini mu kughopuwo mono alhoksa mlo xapu kuthovi ghi pano gho-apulou lono chewuve, eno azüu chewu mono athiu idewove.

MATTHEW 13:15

Kughengu timi hipaqo mlo ye kiumu shikalu moae, pano kini ye ini kushughivae, pano nhethi ye miyi luvae, tikumo aye pano nhethi no ithulu, pano kini no chilu, eno pano mlo no ithikuthulu no tsüghü ighi kelo I no panoqo shipivilu nosa kehue.”

MATTHEW 15:19

Kughengu amlo lono alhoksa kükümsü ipeghi cheni, ghikiqhi, asalha, ghaghu ghale, aküpka, akimki shepe, xikishi.

Mark 2:17

Hi chilu kelo Jisü no panoqo vilo pi, “Ashiaji vithai akeqou no kumo püzü khunono küsükini shi ani keno shikipiviu avehupu shi cheni. I no ighi keu ye amikuchomi kumono axinemi kuniye ke.”

Rommi 1:21

Kughengu panongu no Alhou ithi anamu Pa ye Alhou kepi agigihu momu shikimthi tsümove, tike kumono pano kükümsü ye ame kühave, eno pano mbomzü mlo huno zümoi kitheve.

Rommi 7:11

Kughengu axine no azakütsü tipau vecheo ado kivi luve püzü I pishiqhive no I pithive.

Ephesiami 4:22

Püzüu küxü ghola ye pishikiqhi no shipüsave akehu alhoaye aqau ye xaqhive penike nongu shikavae;

IBRIMI 3:12

Athiküzümiqo, nongu milakhi lolomu alhoksa eno pülükümla mlo xapu aghi no kutou aküxüpu Lhou launo ikiqive nosake kutokupui lo.