JEREMIYA 16:17 - Sumi Naga CL (Re-edited) Bible (BSI)

¹⁷ Kughengu I nhethi no pano laghi kümtsü shou ani. Panongu ye I launo itshüve mlae, momu pano xine ye I launo küsüve mlae.

BAIBEL (BSI)

¹⁷ Panonguno shikeu kumtsu ino ithulu ani, ilauno kiumu kusuvemla; panoqo xineye igizu lono povemlake.

JEREMIYA 16:17 ပူးပေါင်းရင်းမြစ်များ

YEKIKITHI AKINIU 16:9

Khunono Ampeu lau tukutiye küha no acheni keno Pa ye akumtoshi tipaqo kuphuni ke ayeghiqha kümtsü thebei jukuto acheni. No ye hipau lo anikha shivae, tighenguno hinguno hilau no ye aghüshi cheniae.”

JOB 10:14

I no axine shiaye Nono miqe apüzü I xine peve tsümoe.

JOB 31:4

Pa ye I laghi ithulu eno I pukhu nepa kümtsü kihi chemo keshea?

LESHELE 109:15

Tipaqo ye Ampeu zülo alhokuthu apelo, tishikeu vecheo Pa no ayeghi lono panoqo kümsümave penike hapheve nani.

LESHELE 139:3

Nono I laghi eno I no ikiqi ihozü keu phuju cheni eno I laghi kümtsü ithi ani.

LESHELE 33:15

pano kükümsü kümtsü kutotsü chekeu huno pano kümla kümtsü jukuto cheni.

LESHELE 51:9

I xine lono O gi küsüve tsülo, I kipimi kümtsü nuxave tsülo.

LESHELE 90:8

Nono ni xine O zülo qhipüani, niw tuqho-tugho xine ye O zülo aküvü lo ani.

AHOLE 15:3

Ampeu nhethi ye a-a kümtsü lo alhoksami ngo akivimi jukuto acheni.

AHOLE 5:21

Kughengu timi küxü ye Ampeu zülo ithulu püqai, pa laghi kümtsü Pa no jukuto acheni.

ISAIAH 29:15

Ampeu launo nongu kukughu küsüpe aküzü lo qhive no, “Khuu no ningu ithulu ani kea? Khuu no ningu ithi ani kea?” ipiche kemi haküsapue!

ISAIAH 66:18

“Kughengu I no panoqo kümla ngo kükümsü ithi ani eno shiye kümtsü hekütsü nikeu, ado kupunu wochea. Panongu no ighi no I juküvü ithulu nanie.

JEREMIYA 2:22

Nono asalu jeli kutomo pesü o qhüve anamu o xine no hedave keu ye I zülo aphie, Ampeu Alhou no asheshu.

JEREMIYA 23:24

Timi lakhi ye I no pa ithumla kepushi tuqhou-a lo itshülu nanio? ipi Ampeu no sheshu. I no atsütsü eno ayeghi shepichhi ke kumo keshea? ipi Ampeu no asheshu.

JEREMIYA 29:23

kughengu panongu no Israel lo kixikila thime mlae, panongu no pano kisüghümi nipuqo sazüe, tishino I no azah tsümo keghi I je lono akimki tsa piani. I no ithi ani, eno I no thopi ke, ipi Ampeu no sheshu.’”

JEREMIYA 32:19

Ow kichekütsü ye kije eno O kümla ye akughushu, O nhethi no timi tianuli laghi kümtsü jukuto acheni, lakhikhi laghi eno pa kümla kiqi lono asaxü tsücheni.

JEREMIYA 7:11

I je lono kukeu ki hipau ye nongu nhethe lo küpkami küghütshü-a shiveni keo? Julo, Ni ampi no hi ithuluvae pi Ampeu no asheshu.

EZEKEL 8:12

Tithiu Pa no I vilo pi, “Timi nu, Israel lagha lo layemi no ajutho akeu chebo lo pütüta shelo aküzü lono kiu shi ani keno no ye ithulu akema? Kughengu panongu no pie, ‘Ampeu ye ningu ithulu amoe, Ampeu ye ayeghi hipau phevae.’”

EZEKEL 9:9

Tile Pa no I vilo pi, “Israel ngo Judah laghami kipimi ye shishe kije ke. Ayeghi hipau ye aji no chhitoivae, eno mishighüna ye achipikumo kümla no chhitoivae. Kughengu panongu no pi, ‘Ampeu ye ayeghi hipau phevae, eno Ampeu ye ithulu amoe.’

ZEFANIA 1:12

Tipa ghuloki lo I no akulu pesü Jerusalem phuju nani, eno khunono akuchhoma shini, eno amlo lono, ‘Ampeu ye akivi mu alhoksa mu shimo nani’ ipini keno I no panoqo ghime nani,

ZEKHARIA 4:10

Kughengu khunono akikishi lo ajuichemo kepi aghüthisü akeno alovive nani, eno Zerubbabel u lo akimghitu ithulu nani. “Akulu tsüni hipaqo ye Ampeu nhethi ayeghiqha kümtsü shou jupuku achekeu ke.”

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

IBRIMI 4:13

Alhou no lhosü keu kiumu pesü küsüve mlae, ikemu ningu no khuu lau kihikülai tsümasa nani keno, Pa nhethe loye kümtsü lhaphepe eno pekipheshi ani.