JEREMIYA 14:7 - Sumi Naga CL (Re-edited) Bible (BSI)

⁷ “Ni xine no ni shou thopi shi ani, O Ampeu, O je lono kiuala shitsü lo; kughengu niw hekibide no ihuloe; nino O shou axine shivae.

BAIBEL (BSI)

⁷ Iw timiqono ilau ighamuku pi, ‘Ni xineno nishou ngukube anamu AMPEU, nono tushoqhiveke toi nikuphulo. Ninguye ghuthu kutomo olauno tsughusu wuveke. Ninguno oshou axine shiveke.

JEREMIYA 14:7 ပူးပေါင်းရင်းမြစ်များ

EZRA 9:15

O Ampeu, Israel Lhou, No ye achipiu ke, ningu ye ishi tsala lo ghükulumi shi pokalu keqo ke. Julo, ni kipimi pesü O zülo ighi anie, kughengu khunomu hipau ghenguno O zülo ighilu amoe.”

LESHELE 115:1

Ni lau kumoe, O Ampeu, ni lau kumoe, ikemu ajuküvü pesü O je shilo, Ow iqemokeu kikimiye eno Ow pükhükulu ghenguno ke!

LESHELE 25:11

O Ampeu, O je lono I kipimi qhive tsülo, kughengu I kipimi ye kije ke.

LESHELE 79:9

O je kipipu ghenguno ni kuphulo, O ni xakulu Lhou; O je lono ni xaphe tsülo eno ni xine lono shikimthe tsülo!

ISAIAH 48:11

I je ghengu likhino I no tishie, kughengu kishino I je shipüthave peni kea? Ni ye I juküvü pesü kütami tsümo nani.

ISAIAH 59:12

Hi ye niw hekibide no O zülo kümzapu shive akehue, eno ni xine no ni shou thopi shi ani; kughengu niw hekibide no ni gholo ani, eno ningu no ni xineqo ithi ani:

JEREMIYA 10:19

I ghüzaku ghenguno I hasapue! I zaku ye zaghi shivae. Ikemu I no pi, “Kuchou no hi ye aghime kitikhi, ni ye puqhelu masae.”

JEREMIYA 2:19

O lhoksa no o ghimeqhi nani, o hekibede no o sakiyi nani. O Mpeu Alhou pheve keu ye alhoksa eno khumtsai kepi ithilo, I sümsa keu o lolo kühae, aqokitikhi Mpeu Alhou no sheshu ani.

JEREMIYA 3:25

Ningu akukujo lono ihozüni, eno niw küthaküghapu no ni küzüluve peni nolo, kughengu ningu no Ampeu ni Lhou mjochile axine shivae, ningu eno ni puasüqo ghi, ni lhothe lono ishi kutolo ningu ye Ampeu ni Lhou tsa gholu move.”

JEREMIYA 3:6

Akükau Josiah no ayepe akelo Ampeu no I vilo pi: “Israel aküpülü kükühau no kiu mlave akeno, li no kishi ato kiqhe kümtsü lo ikuno asüminipho qholono kütüqha keno no ye ithulu kema?

JEREMIYA 5:25

O kümla lhoksa no hipaqo tutsüghüsü wuvae, o xine ghenguno o launo akivi süwuvae.

JEREMIYA 5:6

Ikehu abongshuu no aghasü lono panoqo tsüve nani; tüngtügha no asayeqha lono panongu tsüve nani. Akhighiu ngushuu no panow mishighüna jukuto ani; tileno ipeghi kemi kümtsü sülatha pinyiveni cheni, kughengu pano xine ye kütsasae, panow hekibide ye kije ke.

JEREMIYA 8:14

Kushiye ningu ye iqa aphia? Kumqo lo, ningu aliwo kumto phughiqo ilo no tileno thiveni, kughengu Ampeu ni Alhou no ni pühaveni ke kughuvae, eno tüghü zü pesü ningu piyeni ke tsüvae, kughengu ningu no Ampeu lau axine shiveke.

JEREMIYA 8:5

Imaye kushiye timi hipaqo ye ideighi mono athiu wove kea? Panongu no pishikiqhi tsüqüpe; eno ide ighini keu lachile.

EZEKEL 20:14

Ikemu shiye jeli khunoqo gholo panongu no xüani keno pano nhethe lo I je shikitiqe moniye I no I je ghenguno panoqo saipeghi keu vecheo panoqo pelo Ni ithipe ke.

EZEKEL 20:22

Ikemu I no I u süchile luve eno I je ghenguno tishive, tishianguno shiyeqo nhethe lo I je shikitiqe moniye ke, panoqo nhethe lono I no panoqo saipeghi ke.

EZEKEL 20:9

Ikemu shiye jeli khunoqo gholo panongu no xüani keno pano nhethe lo I je shikitiqe moniye I no I je ghenguno Egypt yeghi lono panoqo saipeghi keu vecheo panoqo pelo Ni ithipe ke.

HOSIYA 5:5

Israel qheküza no pano zülo ashepe shi anie; Israel ngo Ephraim ye pano kipimi lono küpxalu nani; Judah ghi panongu gholono küpxalu nani.

HOSIYA 7:10

Israel qheküza no pano zülo ashepe shitsü akeghi panongu ye Ampeu pano Lhou lau ideighi moe, tike kumono Pa phumove ke.

AMUS 7:2

Kughou tipaqo no ayeghi lo atsüni chukhave tsü keno, I no pi, “O Ampeu Alhou, kimiyeno akipimi qhitsülo! Jacob ye ighono aghuloke kishi puthugho luni kea?”

MICAH 7:9

I no Ampeu zülo axine shive kehu Pa no I she petsü eno I ghenguno xathatsü moke dolo ni ye Pa xukighide xapu niae. Pa no aküvü lo I saipeghi nani; Pa no saphutsü keu shou I no jupuku anani.

Ephesiami 1:12

tishianguno ningu khunoqo paghino Khristo lau lajubelu keno, Alhou jekipipu sheqheni keu lo ghi titoi peniye ke.

Ephesiami 1:6

Paw küpükini kije pephepe Qhuivükicheu nu vecheo ningu kümghatsü keu ye sheqhe akepu lo ani.

ZAKINIU 32:27

ikemu tino pano ghümi tsabo shiveni keu ighüve ke, tikumo aye pano ghümi no vetha pimive no ishi piuve nosae, “Hi ye nino tolu kethono Ampeu no kumoe.”’

JOSHUA 7:9

Kughengu Canaanmi eno hipa qhalo küami no ti chilunia eno panongu no ni botha luve no ningu je ayeghi hipau lono pühave tsüniae. O je kije ghenguno kiu shini akea?”