James 5:20 - Sumi Naga CL (Re-edited) Bible (BSI)

²⁰ khuu no ala kumo lono axinemi sachile ighi keno, pa ye akithi lono axinemi ngulho xalu ani, eno axine kütsasa pevetsü kulupu shi anie pi ithi pelo.

BAIBEL (BSI)

²⁰ hipau kumsululo: khunono axinemi lakhi alakumolo chechekeu lono sachile saghi nikeno axinemi tipau kuxu akithipu lono xalu anie, eno axine kumzapu pevetsulu kepu shilu anipeke.

Sümi Tiqhelimi Bible

²⁰ hipau kümsüchilelu lo: Khukhumu axinemi lakhi shipimi keu laghi lo cheche keu lono sachile saighi aye axinemi tipaqo küxü akithí lono xalu anie, eno axiné kutomo pevetsülu kepu shilu anie.

James 5:20 ပူးပေါင်းရင်းမြစ်များ

LESHELE 32:1

Khuno kipimi qhive tsü akeno, khuno xine jonhave tsü akeno pa ye akümghapue.

AHOLE 10:12

Kimthi-kimxi keu no mtomshu keu xukutho cheni, ikemu kikimiye no akipimi kümtsü jonhavetsü cheni.

AHOLE 10:2

Küsakügha laghi lono akini ithulu keu ye ala kühae, ikemu achipiu mikucho no akithi lono xaphelu cheni.

AHOLE 11:30

Amikuchomi xathi ye aküxüpu sübo, eno alokütsümi no aküxü pükhalu cheni.

AHOLE 11:4

Aloghu tsala lo küakini ye kiumu ala shimlae ikemu achipiu mikucho huno akithipu lono xaphelu nani.

AHOLE 17:9

Kikimiye lono xünishi chekemi ye akipimi pevetsü cheni, ikemu tipau pi-ide chekemi ye aposhumi pühave cheni.

John 5:24

Kuchou no I no nongu vilo piani, khunono I tsa chilu no I puwu keu pülüni keno lhokta küxü anani. Pa ye küghakütha lo ilomo nani, ikemu akithi lono aküxü lo wuluvae.

Rommi 11:14

tishianguno kishikela shimu niw timi Jewmi nhekushupu shino tipau lono khami likhimu xalu niye ke.

1 Kor. 1:21

Kughengu Alhou lokütsü kiqilo ayeghilomi no Alhou ithimo keke niw mbomzü kükütsü vecheo khunono pülülu keno tipaqo xalu keu no Alhou lopu shilue.

1 Kor. 9:22

Miqemlei kemi gholo ni ye miqemleive, tishianguno ni ye panoqo saghi luniye ke. Kiukiu gholau nomu khami likhimu xalu niye ni ye timi kümtsü lau thokha kümtsü shike.

1 Tim. 4:16

No ampi eno ow shiküka jukuto alo. Phekevi no pükapütsa alo, kughengu nono hipaqo shikeu lono no ampi eno o tsa chilu akemi xalu nani.

Philemon 1:19

Ni Paul no, I u no hi ye ani: I no lochile nani—I no o piputo akepu küha kemu kuchou loye nou no I pi puanie.

James 1:15

Tishino ngosükümla no mishipu luve no axine punu cheni; eno kughou axine no chhikhoi thuwuveni keno akithi süghive cheni.

James 1:21

Tighenguno aphikümqhüpu eno küsakügha kümtsü peve no ivünhei shi xusü püakeu tsa khikhi nongu ngulho xalu nani keno, ti ikhilulo.

James 5:15

Aküpülü lono inikhu kelo aküsüu ye vive nani, eno Ampeu no atho puthotsü no pa no axine shipüaghi aye pevetsü nani.

James 5:19

I thiküzümiqo, nongu gholo milakhi no kuchou launo wuve kelo milakhiu no pa sachile ighi aye,

1 Peter 4:8

Kümtsü nguno alau, kikimiye no axine kutomo nhavetsü cheni kehu aghüiloqhiyi lakhino lakhi kimiye kilelo.

Piyeküsü 20:6

Khunono xüchilekulu atüghüu lo küsaje luni keno akümghapu eno akimthepue. Akithi akiniu ye hipaqo shou aküka kühavae, panongu ye Alhou eno Khristo chinemi shi nani eno Pa gholo ampe qhethonhe ayepe nani.