James 1:21 - Sumi Naga CL (Re-edited) Bible (BSI)

²¹ Tighenguno aphikümqhüpu eno küsakügha kümtsü peve no ivünhei shi xusü püakeu tsa khikhi nongu ngulho xalu nani keno, ti ikhilulo.

BAIBEL (BSI)

²¹ Tighenguno aphi kumqhupu eno kusakugha suqesuli kumtsu pevelo eno akuchuniu shipuzu khikhi nongu xakulupu tsa Alhou no nongu lolo xusu puatsuakeno tipau ikhilulo.

Sümi Tiqhelimi Bible

²¹ Tighenguno, aphikümqhüpu süqesüli eno küsakügha kümlà ighono qhakuchho shi akeu kümtsü qhivelo eno Alhou tsa O lolo shosüpüa keu aqhokigheu shi ikhilulo, tino O xalu nani ke.

James 1:21 ပူးပေါင်းရင်းမြစ်များ

LESHELE 25:9

Pa no aqhokighemi sasü achipiu lo wucheni eno aqhokighemi lau Pa laghi shika cheni.

ISAIAH 2:20

Tipani timiqo no pano sala mlakeu ghükayi ngo ameshoyi julho kümllaqo ikhipe jichukili ngo ashuqhaqo kungo-a lo peve nani,

ISAIAH 29:19

Aqhokighemi no alokivi kithe Ampeu launo ithulu nani, kumlhomi no Israelmiw Akimtheu lau amlokiqi shi nani.

ISAIAH 30:22

Tishino now ghükayi ngo ameshoyi no shikeu julhoqo vilo nongu no, “Chevelo” ipi shipünha nani. Nongu no tipaqo ikhipe mithekumo thime paphishi peve nani.

ISAIAH 61:1

Ampeu Alhou Ghungu no I shou ani, kughengu Ampeu no I nukishevae, I pelo kumlhomi lau sütsa kivi süghi peniye, Pa no amlo ghimeshi akemi shipivi peniye I puwue, akughumi lau kuqhokiphe sütsa sheshu peniye, eno akughumi ghenguno akughuki khaqhitsü peniye ke.

EZEKEL 18:31

Nongu no axine shive keu kümtsü nongu launo pevelo, eno nongu ampi no amlo kithe eno aghungu kithe shilu lo! O Israel laghami, nongu ye kushiye thiveni kea?

EZEKEL 36:25

I no nongu shou azü kimthe küzüte puku nani eno nongu ye now mithekumo kümtsü lono mqhamqhive nani, eno nongu julho kümtsü lono I no nongu shikimtheve nani.

ZEFANIA 2:3

Ampeu phulo, nongu ayeghi lo aqhokighemi, Pa chipiu zakütsü peche kemi; achipiu-mikucho; akümtsha shilo; Ampeu xukighide tsala lo o pesü küghütshüve luvi ke.

MATTHEW 5:5

“Mtshaivü kemi kümghapue, kughengu panongu no ayeghi mheghi ighilu nani.

John 6:63

Aküxü tsü chekeu ye Aghungu noke; ashi ye kiumu shimlae. I no nongu vilo pivekeu tsa no aghungu eno aküxüpu ke.

John 6:68

Simon Peter no pa khochile, “Ampeu, ningu ye khuu lau wuni kea? Nono lhokta küxüpu tsa ani,

Apostolmi 10:33

Ikehu I no mtazü o kupuwu kelo nono ighi tsüke alovae. Tighenguno itehi Ampeu no o vilo kiu pilo pi azah tsü keno thokha chiluni ke ningu kümtsü Alhou zülo anie.”

Apostolmi 13:26

“Athiküzümi, Abraham nuli, eno nongu Alhou sümsa chekeqo, xakulupu tsape hipau ningu lau puwuve tsüae.

Rommi 1:16

Ikehu ni ye atsakiviu ghenguno kujove chemoe, kughengu ti ye pülülu kemi kümtsü, atüghüshi Jewmi eno tithiu no Greekmi ghi, xalu nike ghenguno Alhou küka ke.

Rommi 11:17

Ikemu aki lo pighiu olive sübo lo aloka hami no icheve kehu nongu no aghalo olive toi anamu pewo kütami gholo kime kelo itehi ye asübo kuhu gholo thoni-tsanyi küsajelu ani kehu,

Rommi 6:17

Ikemu Alhou shikimthi akeu ye nongu khunoqo ghuthu lakhi lo axine qüaxemi shi ache keno, itehi ye nonguu no amlo lono ipeghi püzü agholuqhiyi akükütsü tsa nongu lau apasü shi shikave keu ikhiluvae,

1 Kor. 15:2

Nongu no adou lono pülü püaghimo aye, I no nongu kütsü piyekeu tsa nongu no mtotoi tsüqülu keu lono nongu xalu nani.

2 Kor. 7:1

Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

Ephesiami 1:13

Kughou nongu no nongu xakulupu tsakiviu kuchou tsape chilu püzü Khristo lau pülübelu keno, Paw shilu keu michishi piqhi püakeu Ghungu Kimthe pesü nongu shou puku tsüe.

Ephesiami 4:22

Püzüu küxü ghola ye pishikiqhi no shipüsave akehu alhoaye aqau ye xaqhive penike nongu shikavae;

Ephesiami 4:25

Tighenguno, kichile ye qhoi pheve no kümtsü no pütüta küsapau lau kuchou tsa pilo, kughengu ningu ye kümtsü aphimpi lakhi lo kihimpemi ke.

Ephesiami 5:4

Tike kumono alhoksa tsa, mbomzü eno ghapha ghale tsa ye nongu ghenguno aküzüpu kumoe, tishinike züqhulo shikimthi tsüalo.

1 Thes. 1:5

kughengu ningu tsakiviu ye atsa likhi kumono aküka, Aghungu Kimthe, eno zükulupu küka lono nongu lau ighi. Nongu kivipu ghenguno nino nongu gholo akelo kishi xü keno nongu no ithi ani.

1 Thes. 2:13

Hi ghengu ghi nino tamono Alhou shikimthi ani, ike kughou nongu no ni launo Alhou tsa ikhilu keno ti ye timi tsa kumoe ikemu nongu küpülümi lolo mla akeu Alhou tsa kuchou kepi nongu no ikhilue.

Titus 2:11

Kughengu Alhouw küpükini ye timi kümtsü xakulupu ghenguno ipeghivae,

IBRIMI 12:1

Tighenguno, thopimi aqokitikhi kije no ningu sühope ani kehu, ningu ghi ape kimshi jeli, eno axine khikhino tsatsai ningu tsüghave cheni keno tipaqo xaqhiveni nolo, eno ningu zülo kuto tsükeu kupo kheakulu shi poni nolo.

IBRIMI 2:3

xakulupu kije hikithipu kughuchove aye, kishino ningu ye poluni kea? Ampeu no atüghüshi hi sheshue, eno tithiu khunoqo no chilu keno panongu no ni vilo mtsüqhei shitsüe.

IBRIMI 4:2

Kughengu panoqo lau toi ningu lau ghi atsakiviu ighi, ikemu panongu no chilu keu tsape ye pano lapu shimove, ti ye panongu no aküpülü süno ti chilu kemi sasü küqhalu moke.

James 4:8

Alhou lau kupunu ighilo eno Pa no nongu kupunu ighi nani. Nongu axinemiqo, nongu u qhukimtheve lo, nongu amlo kini kupumiqo, nongu mlo shikütsüghüve lo.

James 5:20

khuu no ala kumo lono axinemi sachile ighi keno, pa ye akithi lono axinemi ngulho xalu ani, eno axine kütsasa pevetsü kulupu shi anie pi ithi pelo.

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

1 Peter 1:9

nongu ngulho xakulupu, ti ye nongu küpülü vecheo iqüphelu keu hu ithukulupu shike.

1 Peter 2:1

Tighenguno küsakügha, pishikiqhi, kühakügha, anhekushu, eno piküptha kümtsü qhivelo.

1 Peter 2:11

Kimiye chekemiqo, I no nongu hakite anike kupokichemi eno haküghütsüve kemi akehu ashi lo pitipüza keu lhoaye khikhi nongu ngulho sasü aghüshi acheni keno tipaqo launo putosü lulo.