ISAIAH 9:3 - Sumi Naga CL (Re-edited) Bible (BSI)

³ Nono shiye pesü küghüsü tsü; Nono pa lokivi kighishe tsüe; panongu ye ghile lo alovi akeshi, hakhokulu thime kijelu akeshi, O zülo alovi anie.

BAIBEL (BSI)

³ Nono alokivi kije panoqo tsuke, AMPEU; nono panoqo pelo alovilo pike. Nono shitsukeulo panonguno alovike, tiye timino ghile hukelo lokivi toike, momu kinikulu lepughikeu kijelu akelo toike.

ISAIAH 9:3 ပူးပေါင်းရင်းမြစ်များ

NEHEMIA 9:23

Nono atsütsü lo ayepu jehi, atianuli kutomo pesü panongu tsü, eno pano puasüqo vilo wuno küghüna lo pikeu yeghi lo panongu sailoke.

JOB 12:23

Pa no shiye pesü kije shitsü no itaghi kütsave cheni; Pa no shiye kughukotsü cheni, eno haküghütsüve cheni.

LESHELE 107:38

Paw kükümgha vecheo panongu ye shishe kughuko luve, eno Pa no panow pichepighi lhoxü mpive pemoe.

LESHELE 119:162

Milakhi no aghüshi lono halelu keu ithulu akeshi, ni ye O tsa lo alokivi shi cheni.

LESHELE 4:7

Timi no athi ngo atsaizü kupukuno shi akeu nguno alau Nono I mlo lo alokivi sütsüe.

ISAIAH 10:26

Oreb tuqu qhalo aqokitikhi MPEU no Midianmi ghaqhi kelo toi, Pa no akighikipili pesü panoqo küzaqhi nani. Eno Egypt lo Pa no aqheküsü peqhe keshi, Pa qheküsü huno azüghi shou anani.

ISAIAH 12:1

Tipa tsala lo nono ishi pi nani: “I no O shikimthini, O Ampeu, kughengu Nono I jupe amloide anamu, I lokughuno tsüniye O mlokighide taveke.

ISAIAH 14:5

Ampeu no kixikilami küsü, yepemi kükaküsü hechheve tsüae,

ISAIAH 25:9

Tipa tsala lo ishi pi nani, “Julo, hi no ni Lhou; ni xalu peniye nino Pa khe cheke. Nino khe chekeu MPEU ye hike; Ningu amlokiqi shini eno Paw xakulupu lo alovini nolo.”

ISAIAH 26:15

Ikemu Nono ni shiye kughuko tsüe, O Ampeu, Nono alughi kümtsü pekhope O jekipipu shivae.

ISAIAH 35:10

Ampeu no xachile luve kemi no ale phesü Zion lo ideighi nani; pülhapuju lokivi no panongu kütsü qhopu no amlokiqi shi alovi nani; eno küqa kumlo ye hauve nani.

ISAIAH 35:2

asayeqha no amlokiqi shi ale phe eno axamunu kupu toi juvi nani. Tino Lebanon eno Carmel ngo Sharon nguno alau juvive nani. Timiqo no Ampeu juküvü eno ni Lhou kükanguagha ithulu nani.

ISAIAH 54:1

“O, anga punumo keu, anuhau, ale phelo, no khuu apunu küsü süju mphi keno, alokivishi ighamku ale phelo! Kughengu anuhau totimi tianuli no külauve keu totimi tianuli nguno alau shive nani,” Ampeu no piani.

ISAIAH 55:12

“Kughengu nongu ye alokivi lono ipeve nani ke; eno aloino keu lono saipeve nani; naghutoqo ngo atoghi nongu zülo akeqo no vekipighi ale phenani, eno aluza lo asübo kümtsü no panongu u kukhu nanie.

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

ISAIAH 61:7

Nongu kukujo theli lo nongu saje ye kini kishetsü nani; küthakügha theli lo panongu ye pano makho jupe alokivi shi nani; tighenguno pano yeghi lo, panongu saje ye kini kishetsü nani; panongu ye pülhapuju alovi nani.

ISAIAH 65:14

Julo, I qemiqo no amlo lono alokivi le phe nani, ikemu nongu ye amlo sakütü ighaqa nani, eno alolo itapinyi mloqa nani.

ISAIAH 65:18

Ikemu I no lhophetsü keu shou alholo alovi eno alokiqi shilo; kughengu julo, I no Jerusalem lhophe keu ye alokivi shipeniye ke, eno liw timiqo pelo alovi peniye ke.

ISAIAH 66:10

“Jerusalem gholo alovilo eno li gholo alopiqi lulo; nongu li kimiye chekemi; li sasü alovi küqhalo, nongu li ghenguno mloqa chekemi;

JEREMIYA 31:7

Kughengu Ampeu no ishi piani: “Jacob ghenguno igha ale phelo, eno shiye tomi ghenguno ighamku lo; asheshu lo, akishe tsüno pilo, ‘O Ampeu, Ow timi Israelmi ghükulumi xalulo.’

HOSIYA 4:7

Panongu no khije ikowo keno, tijehi I shou axine alau shike; I no pano gigihu pesü akukujo shive tsü nani.

ACHINE 26:13

Ni ye Ampeu khuu nongu pelo aqüaxemi shipe moniye Egypt lono saipeghi keno, nongu Lhou huke. I no now kuokhasü kuboleve tsüno nongu pelo akütsü peqhepe chewulu peke.”

ZEKHARIA 10:8

“I no miji panongu kuno hekütsü nani, kughengu I no panongu qhüchile luvae, eno panongu ye püzüu qhemi kutomo shive nani.

ZEKHARIA 2:11

Tipa tsalani shiye kutomo no Ampeu gholo küqhave nani, eno Iw timi shive nani. I no nongu gholo xü nani, eno aqokitikhi Mpeu no nongu lau I puwu kepi nongu no ithi nani.

ZEKHARIA 8:23

Aqokitikhi Mpeu no ishi piani: Tipa ghuloki lo shiye eno ashiaye kütüta lono timi chighi no Jewmi lakhi kuuphi tsüqü luve no pi nani, ‘Ni pelo o gholo wu pelo, kughengu Alhou ye o gholo anie pi nino chiluvae.’”

Luke 11:22

Ikemu kughou pa nguno akumtou no pa leighi no theqhiveni keno, aghünanu khikhi pa no pükhüpe ani keno akumtou huno tipaqo ngo hakholu keu thime pewuve no kijeve tsü cheni.

Apostolmi 8:8

Ikehu tipa phughi lo alokivi kije ae.

FILIPIAMI 4:4

Alhokuthu Ampeu lono alovilo, I no itaghi pini: alovilo!

1 Peter 1:8

Nongu ye Pa ithulu mphi kemu Pa kimiye cheni. Itehi mu nongu ye Pa ithulu amoe ikemu Pa lau pülübe cheni eno amlokiqi shi piphekümla lokivi gholo ajuküvü no shepichhipe

XAKUTHAMI 5:3

“Inilo, O kükami; akini xükho lo, O yepemi; Ampeu lau I no ale pheni; I no alekuju kivi Ampeu Israel Lhou lau pheni.

XAKUTHAMI 7:22

Kughou panongu no afuko 300 igha keno, Ampeu no aghümi zütakikihi pelo pano dolono ghiqhikile thuvepe. Ghüshimi no Zererah küdau Beth-shittah kutolo pove eno Tabbath phivilo Abel-meholah kutolo pokhave.

XAKUTHAMI 8:12

Midian kükami Zebah ngo Zalmunna pama ye pove, ikemu pa no hasü wuno küghaluve eno pama ghüshimi kümtsü akümsa lono pokhave.

SAMUEL ATUGHIU 30:16

Kughou pa no David saiqi keno, julo, panongu ye aqha kümtsü nhakhape chusho eno ilhe aghi, kughengu panongu no thime kutomo Philistiami ngo Judah yeghi lono lepu ighilue.