ISAIAH 8:10 - Sumi Naga CL (Re-edited) Bible (BSI)

¹⁰ Kughu küqhaju lo, ikemu avehu shimo nani; atsa pijulo, ikemu tolumo nani, kughengu Alhou no ni gholo anie.

BAIBEL (BSI)

¹⁰ Nonguno kughuchope qhilo! Ikemu tipaqoye adou shive nani. Nonguno pinishi ke thaqhu pilo! Ikemu tiye kiumu shimla nani, kughengu Alhou ye nigholo ani!

ISAIAH 8:10 ပူးပေါင်းရင်းမြစ်များ

BOTHUBO 21:22

Tipa ghuloki lo Abimelek ngo paw ghüshimi zatsüu Phicol pama no Abraham vilo pi, “Alhou ye nono shikeu kümtsü lo o gholo ani.

SAMUEL AKINIU 15:31

David vilo ishi pi, “Ahithophel ye Absalom sasü küsüqe akemi gholo anie.” David no pi, “O Ampeu, kimiyeno Ahithophel mijekütsü ye mbomzü shive pelo.”

SAMUEL AKINIU 17:23

Kughou Ahithophel no pa kükümsü lumokeu ithive keno, pa no paw khurha lo ikuve no pa ghüna lo wove. Pa no pa ki hekütsüve no pa likhi pa tshüqhi pithive, eno pa ye papu kumoki lo shiqhove.

SAMUEL AKINIU 17:4

Absalom ngo Israel lo layemi kümtsü zülo akükümsü hi ye achipi shi ithulu.

KUKAMI AKINIU 6:12

Panongu lakhi no khochile, “Ningu khunomu kumoe, O akükau, I mpeu, ikemu Elisha tungkupu khuu Israel lo acheni keno, pa no nono tuqhouno o züabo lono pikeu tsaqo pe akükau vilo pive cheni.”

YEKIKITHI AKINIU 13:12

Julo, Alhou no ni sakipheu shino ni gholo ani, eno Pa chinemi no aghüshi fuko pesü nongu sasü aghü shinike kuniye kutope ani. O Israel nuliqo, Ampeu nongu puasü Lhou sasü aghüshi kevilo, kughengu nongu ye tomla nani.”

JOB 5:12

Pa no mqümghami kukughu hexavetsü cheni, ikehu pano no mlaitha keu kiu nomu tolu chemoe.

LESHELE 21:12

Kughengu Nono panoqo hapupove nani; Nono O piji pesü panoqo gi lo mijipe ngoluve nani.

LESHELE 46:1

Alhou ye niw ijekulu eno ni kumto ke, shiluküsa lo kuphu tsünike ani.

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

LESHELE 46:7

Aqokitikhi Mpeu ye ningu gholo ani; Jacob Lhou ye niw sükusho liwo ke.

LESHELE 46:8

Ighilo, Ampeu kümla julo, Pa no kishi ayeghi lo küghüküghalei süghi kela!

AHOLE 21:30

Alokütsü, vethakulu, mijekütsü kiunomu Ampeu theqhimla nani.

ISAIAH 14:27

Kughengu aqokitikhi MPEU no kughuve ke khuu no moe pini kea? Pa u chhove ke khuu no tuchile luni kea?

ISAIAH 28:18

Tileno now puloshoqhi akithi sasü shikeu ye xave nani, eno Kithigha sasü puloküqha keu ghi pemlave nani; aghümi no züqozü toi jole ighi kelo nongu ye yipe wuve nani.

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

ISAIAH 43:5

Msa kevilo, Ni ye o gholo ani; I no kipelau no o tikughuko saghi nani, eno kulolau no nongu hekütsü saghi nani.

ISAIAH 7:14

Tighenguno Ampeu ampi no amchipu lakhi o tsü nani. Julo, ili thathe lakhi no mishipuve no anu punu nani, eno pa je pesü Immanuel kutsü nani.

ISAIAH 8:8

eno Judah qha kümtsü qoiloghi no akuo kutolo yimi ikughive nani, pa chishibo sükhope nongu yeghi kümtsü qhawo nani, O Immanuel.”

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

JEREMIYA 42:11

Nongu no msa akeu Babylon kükau jupe ighü kevilo, Ampeu no sheshu, kughengu I no nongu gholo ani, eno pa u lono nongu xaphe luve nani.

JEREMIYA 46:28

O I qeu Jacob, msa kevilo, ipi Ampeu no sheshu, kughengu Ni ye o gholo ani. I no khile o hale puwuve keno, shiye ti kümtsü kütsave nani, ikemu nou ye qhoi kütsamoe. Ni ye kiu gholau nomu o ghime mono qhivemo nani, I no aghibiu lono o sakiyi nani.”

AKUMLO 3:37

Ampeu no azah tsümo keloye khuu no piqhive no tipau shikupu kulupu kea?

JOYIL 3:9

Shiyeqo lau hi sheshu lo: Aghüshi ghenguno kuto lo; aghükivimiqo xukutho lo. Ghüshimi pelo kupunu ighi pelo; panoqo pelo ighi pelo.

HAGAYI 1:13

Ikehu Ampeu tsapeu Haggai no timiqo vilo Ampeu tsa pesü pi, “Ni ye nongu gholo ani, ipi Ampeu no sheshu ani.”

AKIKIHI 14:9

Ampeu hebide keu likhi shikevilo. Eno tilau xüküami msa kevilo, kughengu nino asho chu akeshi mlalei pano munove nani. Ampeu no ni gholo ani, eno panow sükusho ye ikhipe wuvae; panongu msa kevilo.”

MATTHEW 1:23

“Julo, ilimi huno mishipuve no anu lakhi punu nani, eno panongu no pa je Immanuel kutsü nani” (Immanuel kiqi ye Alhou no ni gholo ani).

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

Rommi 8:13

Kughengu nongu no ashi gholau no xü aye nongu ye thinia, ikemu Aghungu lono xü aye ashi phimpi lo axine kümtsü pithi luve ani kehu nongu ye xü nani.

Rommi 8:31

Tishi aye, hipa vehulo ningu ye kiu pini kea? Alhou no ni küdau aghi aye, khuu no ningu mjochile kulupu kea?

ZAKINIU 20:1

“Nongu no aghü küpüghü wukelo, now khurshi ngo khurkulu eno ghüshimi nguno alau ithulu namu msa kevilo, kughengu Ampeu khuu Egypt lono nongu xaphelu keno nongu Lhou no nongu gholo anani.

JOSHUA 1:5

Nono xüake tivilo timi khunomu o theqhimla nani. I no Moses gholo acheke toi o gholo anani. Ni ye khilemu o qhivemo momu o phevemo nani.

1 John 4:4

Atianuliqo, nongu ye Alhou laumi eno kichile tungkupmi theqhi luvae, kughengu nongu lolo Khuu ani keno Pa no ayeghi lo akeu nguno akijeu ke.