ISAIAH 66:18 - Sumi Naga CL (Re-edited) Bible (BSI)

¹⁸ “Kughengu I no panoqo kümla ngo kükümsü ithi ani eno shiye kümtsü hekütsü nikeu, ado kupunu wochea. Panongu no ighi no I juküvü ithulu nanie.

BAIBEL (BSI)

¹⁸ Ino panoqo kukumsu eno panoqo kumla ithi ani. Ashiayeh kumtsu gholo timiqo hekutsunike niye cheae! Kughono panongu kumqoluveni keno, ikukaye kiu shilu nani keno panonguno ithulu nani,

ISAIAH 66:18 ပူးပေါင်းရင်းမြစ်များ

JOB 42:2

“I no ithi anike No ye thokha kümtsü shilu nani, eno kiu nomu O kimji hakhave mlae.

LESHELE 139:2

Kughou I no iqa eno I no ithughi keno Nono ithi ani; Nono putou no I kükümsü jupililu ani.

LESHELE 67:2

tishianguno ayeghi lo shiye kümtsü no O laghi ithi, Ow xakulu küka ithi penie.

LESHELE 72:11

Kükami kümtsü pelo pa zülo qhoqhünhe pelo, eno shiye kümtsü pelo pa qe pelo!

LESHELE 72:17

Alholo pa je ye kümsümave mono ache pelo, atsütsü lo khetsünhe ake kutolo pa jekipi apelo! Pa vecheo timiqo no müghalu pelo, shiye kümtsü no kükümghau ipi pa ku pelo!

LESHELE 82:8

Ithulo, O Alhou, ayeghi shou küghathabe lo kughengu shiye kümtsü Nono amheghi shiluve nani!

LESHELE 86:9

Nono shiye lhokemi kümtsü no O zülo ighi no itsaqi O mlla nani, O Ampeu, eno O je sheqhe nani.

LESHELE 94:11

Ampeu huno—timi kükümsü ithi ani, panoqo küxü ye atuthu kishe lakhi toi kepi ithi ani.

LESHELE 97:6

Kungugha no Pa chipiu mikucho pesü sheshu ani eno shiye kümtsü no Pa juküvü ithuluke.

ISAIAH 11:9

Iw akimthe toghi lo ghüzaghügha momu kütsakungo keu shimo nani; kughengu azü no azüghi nhape akeshi Ampeu kighithi no ayeghi chhitoi nani.

ISAIAH 2:2

Asheazü loye Ampeu Ki akeu naghuto pesü naghutoqo dolo akiqheu shi iqhikumto tsü nani eno atoghiqo shou süqhe nani; shiye kümtsü no tipau lo qokive ilo nani,

ISAIAH 37:28

“Nono iqa-ithu keu, ipe-ilo keu, eno I lau axuide keu I no ithi ani.

ISAIAH 40:5

Tileno Ampeu juküvü piye nani, eno timi kümtsü no tipau ithulu nani, kughengu Ampeu kichi no pivae.”

ISAIAH 45:22

“Ayeghiqha kümtsü no I lau tsüghü ighi no xakulupu shilo! Kughengu Ni ye Alhou, eno kütami khumu kühae.

ISAIAH 52:10

Ampeu no shiyeqo zülono Pa u kimthe xachhovae, eno ayeghi shekha kümtsü lono Alhouw xakulupu ithulu nani.

ISAIAH 55:8

Kughengu I kükümsü ye nongu kükümsü toimoe, eno nongu laghi ye I laghi kumoe ipi Ampeu no pi.

ISAIAH 56:8

Ampeu Alhou Khuu no Israelmi hapiyepighive keu hekütsü keno, Pa no pi ani, “Ti hekütsüpe qhive keqo nguno alau, itaghi I no kütami ghi panongu gholo hekütsü nani.”

ISAIAH 57:12

I no nongu chipiu ngo nongu kümla lhevetsü nani, ikemu ti ye nongu la shimla nani.

ISAIAH 59:7

Panongu pukhu no alhoksa lau powu cheni, eno mighimghai pimihami pithive cheni; panongu kükümsü ye kixikila kükümsü; hexapinyi keu ngo kütsakungoni keu no pano laghi ke.

ISAIAH 65:2

Hekibidemi salu nike atsala kupuju I u sükhope kheke, panoqo ye alaghi lhoksa lo cheni, eno pano mqü lhoksa papeke;

ISAIAH 66:10

“Jerusalem gholo alovilo eno li gholo alopiqi lulo; nongu li kimiye chekemi; li sasü alovi küqhalo, nongu li ghenguno mloqa chekemi;

JEREMIYA 16:17

Kughengu I nhethi no pano laghi kümtsü shou ani. Panongu ye I launo itshüve mlae, momu pano xine ye I launo küsüve mlae.

JEREMIYA 3:17

Tipau ghuloki lo Jerusalem ye Ampeu kükalakhü ipi kunani, Jerusalem lo Ampeu nhethe lo shiye kümtsü tile kumqo nani, panongu ye kuthovi ghi pano mlo lhoksa papemo nani.

EZEKEL 38:10

“Ampeu Alhou no ishi piani: Tipa tsalani, o lolo akükümsü iloghi no nono küsakügha kuchughu nani

EZEKEL 39:21

“I no shiyeqo gholo I juküvü pephe nani, eno shiye kümtsü no Iw küghakütha eno I no panoqo shou I u bekeu ithulu nani.

JOYIL 3:2

shiye kümtsü I no hekütsü sasü Jehoshaphat Khila lo ighi nani. Eno tilauno I no Iw timi eno I mheghi Israelmi züqhushi panoqo shou küghathabe nani, kughengu panongu no I timi pesü shiyeqo dolo hakiphive tsüno I yeghi kijetha luve,

AMUS 5:12

Kughengu no xine ye khije eno kishi kije keno I no ithi ani— nongu no achipiu mikuchomi kijipüsa, külügho lu, eno khagho lo aveküsami juzüve chenie.

ZEKHARIA 14:16

Tishino Jerusalem mjochile ighikeu shiye lo ghülu kemi no ampe atsütsü Akükau, aqokitikhi Mpeu mllani ke eno Apusho lo Ghulhu ikhiluni ke ighi nani.

MALAKI 1:11

Kughengu khetsünhe ipeghike lono ilo moke kutolo I je ye shiyeqo dolo kije shi nani, eno a-a kümtsü lo tsüngqüi keu kümllagho eno akimthe kümllagho I je lono mlla nani. Kughengu I je ye shiyeqo dolo kije shi nani, aqokitikhi Mpeu no pi.

MATTHEW 12:25

Jisü no panoqo kükümsü ithi akehu panoqo vilo pi, “Kükaqha lakhi dolono kijethave keu ye kütsave nani, eno aphughi na akibo namu pano dolono kijethave keu ye puthugho lumoae.

MATTHEW 9:4

Ikemu Jisü no panoqo kükümsü vethalu akehu pi, “Kushiye nongu mlo lo alhoksa likhi kümsüpu acheni kea?

Luke 5:22

Jisü no kughou panongu kükümsü pimhelu keno, pa no panoqo khochile, “Kushiye nongu ye amlo lono ighiju ani kea?

John 17:24

Apu, ni ye Nono khunoqo I tsü keno panoqo pelo Nono I tsükeu juküvü ithulu peni kehu I no khile ani keno I gholo apenishi ani, kughengu Nono ayeghiqha boqha ghomphi lono I kimiye ke.

John 5:42

Ikemu I no ithi anike nongu ye alolo Alhou kikimiye kühae.

Rommi 16:26

ikemu itehi ye tipau lhapheve no tungkupmi kiyeqo vecheo Lhokta Lhou zakütsü kiqi lono shiye kümtsü lau kilethivae, tishikeu lono timi kümtsü pelo aküpülü lono aghokulu küxü lo ighilu peniye ke—

1 Kor. 3:20

eno itaghi, “Alhou no alokütsümi kükümsü ye abokümsa kepi ithi ani.”

ZAKINIU 31:21

Eno kughou alhoksa ngo shiluküsa kutomo panongu shou ikughini keno, ale hipau no pano shou thopi shinani (kughengu ale hipau ye kümsüma mono pano tianuli gholo ache nani). Kughengu I no panongu sailo chekeu yeghi lo panongu ye kiu shive nani keno, ishi nomu Ni ye ithi ani.”

IBRIMI 4:12

Kughengu Alhou tsa ye aküxüküa eno aküka ani, putoputo zütakikihi nguno akütsüghau, angulho eno anguagha, aqüki anhüki kikije-a kutolo ghitha ilo chekeu, eno amlo akükümsü lo akeu kutolo jupililu chekeu ke.

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

Piyeküsü 2:13

“‘Nono khile acheni keno ti ye Satan kükalakhü kepi I no ithi ani. Tishimu nono kuchou shi I je tsüqüpe puthugho ke, eno I shepekishiu, pükhü kulupu Antipas khuu nongu gholono sawo Satan no achekeu-a lono ghiqhive tsü keno, tipa ghuloki lo pinamu no ye I shou pükhübe chekeu phevemo ke.

Piyeküsü 2:2

“‘O kümla, o ghime eno nono kutuokutuu puqhe chekeu I no ithi ani, nono kishi küsaküghami tshalu chemo keno, eno kumomu alikhi ampi pesü apostolmie piche keqo nono phuju no kichileu shive aghikeu I no ithi ani.

Piyeküsü 2:9

“‘I no ow küsakushu eno o qüagha ithi ani (ikemu no ye kinimie), eno khunono Satanw sinagogmi keghi akimki lono Jewmie picheni keno, panow piküptha ghi I no ithi ani.